ಮಿಗ್-21 ನಲ್ಲಿ ಹಾರಾಡಿದ ಅಭಿನಂದನ್

ಪಠಾಣ್‍ಕೋಟ್: ವಿಂಗ್ ಕಮಾಂಡರ್ ಅಭಿನಂದನ್ ವರ್ಧಮಾನ್ ಇಂದು ಏರ್ ಚೀಫ್ ಮಾರ್ಷಲ್ ಬಿಎಸ್ ಧನೋವಾ ಅವರೊಂದಿಗೆ ಮಿಗ್-21 ಯುದ್ಧ ವಿಮಾನದಲ್ಲಿ ಹಾರಾಟ ನಡೆಸಿದ್ದಾರೆ.

ಬಾಲಕೋಟ್ ಏರ್ ಸರ್ಜಿಕಲ್ ಸ್ಟ್ರೈಕ್ ಬಳಿಕ ಪಾಕಿಸ್ತಾನದ ಅತ್ಯಾಧುನಿಕ ಎಫ್-16 ಭಾರತದ ಗಡಿ ಪ್ರವೇಶಿಸಿತ್ತು. ಈ ವೇಳೆ ಕರ್ತವ್ಯದಲ್ಲಿದ್ದ ವಿಂಗ್ ಕಮಾಂಡರ್ ಅಭಿನಂದನ್ ಮಿಗ್-21 ಮೂಲಕವೇ ಎಫ್-16 ಯುದ್ಧ ವಿಮಾನವನ್ನು ಹೊಡೆದುರುಳಿಸಿದ್ದರು. ಸ್ವತಂತ್ರ ದಿನಾಚರಣೆಯಂದು ಅಭಿನಂದನ್ ಅವರಿಗೆ ವೀರ ಚಕ್ರ ನೀಡಿ ಭಾರತ ಸರ್ಕಾರ ಗೌರವಿಸಿತ್ತು.

भारतीय वायुसेना प्रमुख बीएस धनोआ के साथ विंग कमांडर अभिनंदन वर्थमान ने मिग -21 से भरी उड़ान
Watch More: https://t.co/0l9qotaos1 pic.twitter.com/xDXeWOnNyu

— डीडी न्यूज़ (@DDNewsHindi) September 2, 2019

ಇಂದು ಪಂಜಾಬ್ ರಾಜ್ಯದ ಪಠಾಣಕೋಟ್ ವಾಯುನೆಲೆಯಿಂದ ಅಭಿನಂದನ್ ಮಿಗ್-21 ವಿಮಾನದಲ್ಲಿ ಹಾರಾಟ ನಡೆಸಿದರು. ವೈದ್ಯಕೀಯ ಪರೀಕ್ಷೆಯ ನಂತರ ಅಭಿನಂದನ್ ಅವರನ್ನು ವಿಮಾನ ಹಾರಾಟ ಹುದ್ದೆಗೆ ಪರಿಗಣಿಸಲಾಗಿತ್ತು. ಧನೋವಾರ ಜೊತೆ ಅಭಿನಂದನ್ ಸುಮಾರು ಅರ್ಧ ಗಂಟೆಗಳ ಕಾಲ ಹಾರಾಟ ನಡೆಸಿದ್ದಾರೆ ಎಂದು ವರದಿಯಾಗಿದೆ.