Connect with us

International

‘ಬಳಕೆಯಾದ ಪತಿ’- ಗಂಡನನ್ನೇ ಆನ್‌ಲೈನ್‌ನಲ್ಲಿ ಮಾರಾಟಕ್ಕಿಟ್ಟ ಪತ್ನಿ

Published

on

ಬರ್ಲಿನ್: ಆನ್‍ಲೈನ್ ನಲ್ಲಿ ಸಾಮಾನ್ಯವಾಗಿ ಹಳೆ ವಸ್ತುಗಳನ್ನು ಮಾರಾಟ ಮತ್ತು ಖರೀದಿ ಮಾಡುತ್ತಾರೆ. ಆದರೆ ಜರ್ಮನಿಯ ಮಹಿಳೆಯೊಬ್ಬಳು ಆನ್‍ಲೈನ್ ನಲ್ಲಿ ತನ್ನ ಪತ್ನಿಯನ್ನೇ ಮಾರಾಟಕ್ಕಿದ್ದ ಘಟನೆಯೊಂದು ನಡೆದಿದೆ.

ಈ ಘಟನೆ ಹ್ಯಾಂಬರ್ಗ್ ನ ಜರ್ಮನಿಯಲ್ಲಿ ನಡೆದಿದ್ದು, 40 ವರ್ಷದ ಡೋರ್ಟೆ ಎಲ್ ಮದುವೆಯಾಗಿ ಏಳು ವರ್ಷ ಸಂಸಾರ ಮಾಡಿದ್ದ ಪತಿಯನ್ನೇ ಮಾರಾಟಕ್ಕಿಟ್ಟಿದ್ದಾಳೆ. ಈಕೆ ವೆಬ್ ಸೈಟ್ ಒಂದರಲ್ಲಿ ಪತಿಯನ್ನು ಮಾರಾಟ ಮಾಡುವ ಬಗ್ಗೆ ಪೋಸ್ಟ್ ಬರೆದು ಹಾಕಿದ್ದಾಳೆ. ಕ್ರಿಸ್‍ಮಸ್ ನ ಮೊದಲ ಎರಡು ದಿನದಿಂದ ನಾವು ಜೊತೆಯಾಗಿಲ್ಲ. ನಾನು ನನ್ನ ಪತಿಯನ್ನೇ ಬಿಟ್ಟು ಕೊಡಲು ಬಯಸುತ್ತೇನೆ. ಬೆಲೆಯ ಬಗ್ಗೆ ಮಾತನಾಡಲು ಸಂಪರ್ಕಿಸಿ ಎಂದು ಇ-ಮೇಲ್ ಮಾಡಿದ್ದಾಳೆ.

Advertisement
Continue Reading Below

ಪೋಸ್ಟ್ ನಲ್ಲೇನಿದೆ..?
“ಆಸಕ್ತಿ ಹೊಂದಿರುವ ಮಹಿಳೆಯರಿಗಾಗಿ, ನಾನು ನನ್ನ ಪತಿಯಿಂದ ಬೇಸತ್ತು, ಅವರನ್ನು ಬಿಡಲು ನಿರ್ಧಾರ ಮಾಡಿದ್ದೇನೆ ಎಂದು ಮಹಿಳೆ ತನ್ನ ಪತಿಗೆ 1,439 ರೂ. ಗೆ ಬೆಲೆ ನಿಗದಿ ಮಾಡಿದ್ದಾಳೆ. ಬೆಲೆಯಲ್ಲಿ ಹೆಚ್ಚು- ಕಡಿಮೆ ಮಾಡಿಕೊಳ್ಳಲು ನನಗೆ ಸಂತೋಷವಿದೆ. ಆದರೆ ಇದರಲ್ಲಿ ವಿನಿಮಯ ಇಲ್ಲ. ದಯವಿಟ್ಟು ಇ-ಮೇಲ್ ಮೂಲಕ ವಿಚಾರಣೆ ಮಾಡಿ” ಎಂದು ಬರೆದಿದ್ದಾಳೆ. ಜೊತೆಗೆ ‘ಬಳಕೆಯಾದ ಪತಿ’ ಎಂಬ ತಲೆಬರೆಹ ಕೊಟ್ಟು ಅವರ ಫೋಟೋ ಮತ್ತು ಕ್ರಿಸ್‍ಮಸ್ ಟ್ರೀ ಹಾಕಿದ್ದಾಳೆ.

ಎಲ್ಲರೂ ಈ ಜಾಹೀರಾತನ್ನು ಸಂತೋಷದಿಂದ ಸ್ವೀಕರಿಸಿದ್ದಾರೆ. ನನಗೆ ಪಾಸಿಟಿವ್ ಆಗಿ ಪ್ರತಿಕ್ರಿಯೆಗಳು ಬರುತ್ತಿವೆ. ಕೆಲವರು ನಗುವ ಎಮೋಜಿಯನ್ನು ಕಳುಹಿಸುತ್ತಿದ್ದಾರೆ. ನಾನು ಇನ್ನೂ ಈ ಬಗ್ಗೆ ಮುಚ್ಚಿಡಲು ಇಷ್ಟಪಡುವುದಿಲ್ಲ. ನಾನು ಇದನ್ನು ಕೇವಲ ಮನೋರಂಜನೆಗಾಗಿ ಮಾಡಿದ್ದೆ ಎಂದು ಮಹಿಳೆ ಹೇಳಿದ್ದಾಳೆ.

ಅಚ್ಚರಿ ಎಂದರೆ ಆಕೆಯ ಪತಿಗೆ ಸ್ಥಳೀಯ ಪತ್ರಿಕೆಯಲ್ಲಿ ಈ ಬಗ್ಗೆ ಜಾಹೀರಾತನ್ನು ನೋಡುವವರೆಗೂ ತಿಳಿದಿರಲಿಲ್ಲ ಎಂದು ವರದಿಯಾಗಿದೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv, ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv

Click to comment

Leave a Reply

Your email address will not be published. Required fields are marked *