ಕ್ರಿಕೆಟ್ ಬ್ಯಾಟ್ ನಿಂದ ಹೊಡೆದು ಪತ್ನಿಯಿಂದಲೇ ಪತಿಯ ಹತ್ಯೆ!

ಹುಬ್ಬಳ್ಳಿ: ಪತಿಯನ್ನು ಹತ್ಯೆ ಮಾಡಿ, ಬಳಿಕ ಅದೊಂದು ಅಸಹಜ ಸಾವು ಎಂದು ಬಿಂಬಿಸಿದ್ದ ಪತ್ನಿಯನ್ನು ಹುಬ್ಬಳ್ಳಿಯ ವಿದ್ಯಾನಗರ ಪೊಲೀಸರು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಶಿವಯೋಗಿ ಹಳಿಮನಿ ಪತ್ನಿಯಿಂದ ಕೊಲೆಯಾದ ಪತಿ. ಇವರು ವಿದ್ಯಾನಗರದ ಅಶ್ವಿನಿ ಕಾಲೋನಿ ನಿವಾಸಿಗಳಾಗಿದ್ದು, ಮೃತ ಶಿವಯೋಗಿ ಹಳಿಮನಿ ಹಾಗೂ ಆರೋಪಿ ಭಾರತಿ ಹಳಿಮನಿ ಮದುವೆಯಾಗಿ ಕೆಲ ವರ್ಷ ಸುಖವಾಗಿ ಜೀವನ ನಡೆಸುತ್ತಿದ್ದರು. ಆದರೆ ಕೆಲವು ವರ್ಷಗಳಿಂದ ಪತಿರಾಯ ಪ್ರತಿನಿತ್ಯ ಕುಡಿದು ಬಂದು ಗಲಾಟೆ ಮಾಡುತ್ತಿದ್ದನು. ಇದರಿಂದ ರೋಸಿಹೊದ ಪತ್ನಿ ಭಾರತಿ ಮೇ2 ರಂದು ರಾತ್ರಿ ಗಂಡನನ್ನು ಕ್ರಿಕೆಟ್ ಬ್ಯಾಟ್ ನಿಂದ ಹೊಡೆದು ಹತ್ಯೆ ಮಾಡಿದ್ದಳು.

ಪೊಲೀಸರ ಮುಂದೆ ಕುಡಿದು ಕಾಟ್ ಮೇಲಿಂದ ಬಿದ್ದು ಸತ್ತಿದ್ದಾನೆ ಅಂತಾ ಸುಳ್ಳು ಕಥೆ ಹೇಳಿ ಕೊಲೆ ಕೇಸಿನಿಂದ ಪಾರಾಗಲು ಪ್ರಯತ್ನ ನಡೆಸಿದ್ದಳು. ಆದರೆ ಮರಣೋತ್ತರ ಪರೀಕ್ಷೆಯಲ್ಲಿ ಅದು ಸಹಜ ಸಾವು ಅಲ್ಲ. ತಲೆ ಮತ್ತು ಮೈಮೇಲೆ ಬಲವಾಗಿ ಹೊಡೆದು ಕೊಲೆ ಮಾಡಲಾಗಿದೆ ಎನ್ನುವ ವರದಿ ಬಂದಿತ್ತು. ಈ ವರದಿಯ ಆಧಾರದಲ್ಲಿ ಪೊಲೀಸರು ಶಂಕಿಸಿ ತಮ್ಮ ಸ್ಟೈಲ್ ನಲ್ಲಿ ಪತ್ನಿಯನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ ಸತ್ಯ ಬೆಳಕಿಗೆ ಬಂದಿದೆ. ಹಂತಕಿ ಭಾರತಿಯನ್ನು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.