ವಿಮಾನದಲ್ಲಿ ಪತಿ ಮಲಗಿದ್ದಾಗ ಫೋನ್ ಚೆಕ್ ಮಾಡಿದ್ಲು, ಆತನ ಅಕ್ರಮ ಸಂಬಂಧ ಬಯಲಾಯ್ತು- ಮುಂದೇನಾಯ್ತು ಗೊತ್ತಾ?

Public TV
2 Min Read
plane fight

ದೋಹಾ: ಬಾಲಿಗೆ ಹೊರಟಿದ್ದ ವಿಮಾನದಲ್ಲಿ ಪತಿ ಹಾಯಾಗಿ ಮಲಗಿ ಕನಸು ಕಾಣ್ತಿದ್ದ. ಇತ್ತ ಪತ್ನಿ ಹೇಗೋ ಆತನ ಮೊಬೈಲ್ ಪಡೆದು ಅನ್‍ಲಾಕ್ ಕೂಡ ಮಾಡಿದ್ಲು. ನಂತರ ತನ್ನ ಗಂಡ ತನಗೆ ಮೋಸ ಮಾಡ್ತಿದ್ದಾನೆ ಅನ್ನೋದು ಆಕೆಗೆ ಗೊತ್ತಾಗಿತ್ತು.

ಆಮೇಲಾಗಿದ್ದೇನು ಗೊತ್ತಾ? ವಿಮಾನದಲ್ಲೇ ಜಗಳ ಶುರು. ದಂಪತಿಯ ರಂಪಾಟದಿಂದ ವಿಮಾನವನ್ನ ಡೈವರ್ಟ್ ಮಾಡಿ ಚೆನ್ನೈನಲ್ಲಿ ಲ್ಯಾಂಡಿಂಗ್ ಮಾಡಬೇಕಾಯ್ತು.

ಹೌದು. ಕತಾರ್ ಏರ್‍ವೇಸ್ ವಿಮಾನದಲ್ಲಿ ಇಂತಹದ್ದೊಂದು ಘಟನೆ ನಡೆದಿದೆ. ಭಾನುವಾರದಂದು ದಂಪತಿ ತಮ್ಮ ಪುಟ್ಟ ಮಗುವಿನೊಂದಿಗೆ ಬಾಲಿಗೆ ಪ್ರಯಾಣ ಬೆಳೆಸುತ್ತಿದ್ದರು. ಈ ವಿಮಾನಕ್ಕೆ ಭಾರತದಲ್ಲಿ ನಿಲುಗಡೆ ಇರಲಿಲ್ಲ. ಆದರೂ ಚೆನ್ನೈನಲ್ಲಿ ಲ್ಯಾಂಡಿಂಗ್ ಮಡಬೇಕಾಯ್ತು.

phone

ನವೆಂಬರ್ 5ರಂದು ಬೆಳಗ್ಗೆ ಸುಮಾರು 10 ಗಂಟೆ ವೇಳೆಯಲ್ಲಿ ದೋಹಾದಿಂದ ಬಾಲಿಗೆ ಹೊರಟಿದ್ದ ಕತಾರ್ ಏರ್‍ವೇಸ್‍ನ ಕ್ಯೂಆರ್-962 ವಿಮಾನವನ್ನ ಚೆನ್ನೈಗೆ ಡೈವರ್ಟ್ ಮಾಡಲಾಯ್ತು. ಐರಾನ್‍ನವರಾದ ಮಹಿಳೆ, ಆಕೆಯ ಗಂಡ ಮತ್ತು ಮಗು ಪ್ರಯಾಣ ಮಾಡುತ್ತಿದ್ರು. ಆದ್ರೆ ಮಹಿಳೆ ಮಾಡಿದ ರಂಪಾಟದಿಂದ ಹಾಗೂ ಆಕೆ ವಿಮಾನದ ಸಿಬ್ಬಂದಿಯ ಜೊತೆ ಅನುಚಿತವಾಗಿ ವರ್ತಿಸಿದ್ದರಿಂದ ಮೂವರನ್ನೂ ಕೆಲಗಿಳಿಸಬೇಕಾಯ್ತು ಎಂದು ಹಿರಿಯ ಭದ್ರತಾ ಸಿಬ್ಬಂದಿಯೊಬ್ಬರು ಹೇಳಿದ್ದಾರೆ .

ಪತ್ರಿಕೆಯೊಂದರ ವರದಿಯ ಪ್ರಕಾರ, ವಿಮಾನ ಟೇಕ್ ಆಫ್ ಆದ ಕೆಲವು ಗಂಟೆಗಳಲ್ಲಿ ಗಂಡ ನಿದ್ರೆಗೆ ಜಾರಿದ್ದಾನೆ. ಗಂಡನ ಮೇಲೆ ಮೊದಲೇ ಅನುಮಾನವಿದ್ದ ಪತ್ನಿ ಈ ಸಂದರ್ಭದ ಲಾಭ ಪಡೆದು, ಫೋನ್ ಸ್ಕ್ಯಾನರ್ ಮೇಲೆ ಗಂಡನ ಹೆಬ್ಬೆಟ್ಟು ಒತ್ತಿ ಅನ್‍ಲಾಕ್ ಮಾಡಿದ್ದಾಳೆ. ನಂತರ ಫೋನ್ ಚೆಕ್ ಮಾಡಿದಾಗ ಆತ ತನಗೆ ಮೋಸ ಮಾಡುತ್ತಿರುವುದು ಗೊತ್ತಾಗಿದೆ.

qatar airways 1

ಈ ವೇಳೆ ಮಹಿಳೆ ಮದ್ಯಪಾನ ಮಾಡಿದ್ದಳು. ಹೀಗಾಗಿ ವಿಮಾನದಲ್ಲೇ ಗಂಡನೊಂದಿಗೆ ಜಗಳವಾಡಿದ್ದಾಳೆ. ವಿಮಾನದ ಸಿಬ್ಬಂದಿ ಮಧ್ಯಪ್ರವೇಶಿಸಿ ಆಕೆಯನ್ನು ಸಮಾಧಾನ ಮಾಡಲೆತ್ನಿಸಿದಾಗ ಅವರ ಜೊತೆಯೂ ಅನುಚಿತವಾಗಿ ವರ್ತಿಸಿದ್ದಾಳೆ ಎನ್ನಲಾಗಿದೆ.

ಪರಿಸ್ಥಿತಿ ಕೈ ಮೀರಿ ಹೋದಾಗ ವಿಮಾನದ ಸಿಬ್ಬಂದಿ ಮಹಿಳೆ, ಆಕೆಯ ಗಂಡ ಹಾಗೂ ಮಗುವನ್ನು ಕೆಳಗಿಳಿಸಲು ನಿರ್ಧರಿಸಿದ್ರು. ಅದರಂತೆ ಪೈಲಟ್ ಚೆನ್ನೈ ಕಡೆಗೆ ವಿಮಾನವನ್ನ ಡೈವರ್ಟ್ ಮಾಡಿದ್ರು. ಭಾರತದಲ್ಲಿ ಕುಟುಂಬವನ್ನ ಡೀಬೋರ್ಡ್ ಮಾಡಿ ನಂತರ ಬಾಲಿಗೆ ವಿಮಾನ ಹೊರಟಿತು ಎಂದು ಅಧಿಕಾರಿಗಳು ಹೇಳಿದ್ದಾರೆ.

plane

ಚೆನ್ನೈನಲ್ಲಿ ಅಧಿಕಾರಿಗಳು ಮಹಿಳೆ ಸಮಾಧಾನವಾಗುವವರೆಗೆ ಕುಟುಂಬವನ್ನು ಏರ್‍ಪೋರ್ಟ್‍ನಲ್ಲೇ ಉಳಿಸಿಕೊಳ್ಳಲು ನಿರ್ಧರಿಸಿದ್ದರು. ನಂತರ ಅವರನ್ನು ಕೌಲಾಲಂಪುರ್‍ನ ವಿಮಾನದಲ್ಲಿ ಕಳಿಸಿ ಅಲ್ಲಿಂದ ದೋಹಾಗೆ ಕಳಿಸಿದ್ದಾರೆ.

ಅಲ್ಲದೆ ಭಾರತೀಯ ವೀಸಾ ಇಲ್ಲದ ಕಾರಣ ದಂಪತಿ ಕೆಲವು ತೀವ್ರ ಭದ್ರತಾ ಪರಿಶೀಲನೆಗೂ ಒಳಪಡಬೇಕಾಯ್ತು ಎಂದು ಮೂಲಗಳು ತಿಳಿಸಿವೆ.

qatar airways

Share This Article
Leave a Comment

Leave a Reply

Your email address will not be published. Required fields are marked *