ಮದ್ವೆಯಾದ 6 ತಿಂಗ್ಳಿಗೇ ಪತಿಯ ಮರ್ಮಾಂಗವನ್ನೇ ಕತ್ತರಿಸಿದ್ಳು!

ಗುವಾಹಟಿ: ತನ್ನ ಜೊತೆ ಹೆಚ್ಚು ಸಮಯ ಕಳೆಯದ್ದಕ್ಕೆ ಎರಡನೇ ಪತ್ನಿ ರೊಚ್ಚಿಗೆದ್ದು ಪತಿಯ ಮರ್ಮಾಂಗವನ್ನೇ ಕತ್ತರಿಸಿದ ಘಟನೆ ಅಸ್ಸಾಂನ ದುಬ್ರಿದಲ್ಲಿ ನಡೆದಿದೆ.

ಮೋಮಿನಾ ಕತೌನ್ ತನ್ನ ಪತಿ ರೆಹಮಾನ್ ಮಾರ್ಮಾಂಗವನ್ನು ಕತ್ತಿರಿಸಿದ ಪತ್ನಿ. ಆರು ತಿಂಗಳ ಹಿಂದೆ ರೆಹಮಾನ್ ಮೋಮಿನಾಳನ್ನು ಮದುವೆಯಾಗಿದ್ದನು. ಮದುವೆ ಆಗಿ ರೆಹಮಾನ್ ಮೋಮಿನಾಳನ್ನು ಬೇರೆ ಮನೆಯಲ್ಲಿ ಇಟ್ಟಿದ್ದನು ಎಂದು ವರದಿಯಾಗಿದೆ.

ರೆಹಮಾನ್ ತನ್ನ ಮೊದಲ ಪತ್ನಿ ಜೊತೆ ವಾಸಿಸುತ್ತಿದ್ದ. ಅಷ್ಟೇ ಅಲ್ಲದೇ ನನ್ನನ್ನು ನೋಡಲು ಅಪರೂಪಕ್ಕೆ ಬರುತ್ತಿದ್ದ. ಇದರಿಂದ ನನಗೆ ಬೇಸರವಾಗಿತ್ತು. ಅಲ್ಲದೇ ವ್ಯವಸಾಯ ಕೆಲಸ ಕೂಡ ಮಾಡಲು ಹೇಳುತ್ತಿದ್ದ. ನನ್ನನ್ನು ಸರಿಯಾಗಿ ನೋಡಿಕೊಳ್ಳದ್ದಕ್ಕೆ ಈ ಕೃತ್ಯವನ್ನು ಎಸಗಿರುವುದಾಗಿ ಮೋಮಿನಾ ಪೊಲೀಸರ ಬಳಿ ತಿಳಿಸಿದ್ದಾಳೆ.

ಶುಕ್ರವಾರ ಮೋಮಿನಾ ತನ್ನ ಪತಿ ರೆಹಮಾನ್‍ನನ್ನು ತನ್ನ ಮನೆಯಲ್ಲೇ ರಾತ್ರಿ ಕಳೆಯಲು ಹೇಳಿದ್ದಳು. ಮೋಮಿನಾ ಮಾತನ್ನು ಒಪ್ಪಿದ ರೆಹಮಾನ್ ರಾತ್ರಿ ಆಕೆಯ ಮನೆಯಲ್ಲೇ ಇದ್ದನು. ರೆಹಮಾನ್ ರಾತ್ರಿ ಗಾಢ ನಿದ್ದೆಯಲ್ಲಿದ್ದಾಗ ಮೋಮಿನಾ ಆತನ ಮರ್ಮಾಂಗವನ್ನೇ ಕತ್ತರಿಸಿದ್ದಾಳೆ.

ಈ ಘಟನೆ ನಡೆದ ನಂತರ ಮೋಮಿನ ಸ್ಥಳದಿಂದ ಪರಾರಿಯಾಗಲು ಯತ್ನಿಸಿದ್ದಳು. ಆದರೆ ರೆಹಮಾನ್ ಕಿರುಚಾಟದ ಧ್ವನಿ ಕೇಳಿ ಅಕ್ಕಪಕ್ಕದ ಮನೆಯವರು ಓಡಿಬಂದು ಆಕೆಯನ್ನು ಹಿಡಿದಿದ್ದಾರೆ. ನಂತರ ಮೋಮಿನಳನ್ನು ನಮಗೆ ಒಪ್ಪಿಸಿದ್ದರು ಎಂದು ಪೊಲೀಸ್ ಅಧಿಕಾರಿ ಅಜಿತ್ ಕುಮಾರ್ ರೈ ಹೇಳಿದ್ದಾರೆ. ಸದ್ಯ ರೆಹಮಾನ್ ಸ್ಥಿತಿ ಗಂಭೀರವಾಗಿದೆ ಎಂದು ವರದಿಯಾಗಿದೆ.