ಇಂದಿನ ಇಂಡೋ-ಅಂಗ್ಲೋ ಮ್ಯಾಚ್ ವಿಶ್ವಕಪ್‍ನಲ್ಲೇ ಅತ್ಯಂತ ವಿಶಿಷ್ಟ ಪಂದ್ಯ

ಲಂಡನ್: ಇಂದು ಇಂಗ್ಲೆಂಡ್ ಮತ್ತು ಭಾರತದ ನಡುವೆ ನಡೆಯುತ್ತಿರುವ ಮ್ಯಾಚ್ ವಿಶ್ವಕಪ್‍ನಲ್ಲೇ ಅತ್ಯಂತ ವಿಶಿಷ್ಟ ಪಂದ್ಯವಾಗಿದೆ. ಇದಕ್ಕೆ ಕಾರಣ ಇವತ್ತಿನ ಪಂದ್ಯವನ್ನು ಮಕ್ಕಳಿಗೆ ಅರ್ಪಣೆ ಮಾಡಲಾಗಿದೆ.

ಹೌದು ಇಂದಿನ ಪಂದ್ಯವನ್ನು ವಿಶ್ವಸಂಸ್ಥೆಯ ಅಂತಾರಾಷ್ಟ್ರೀಯ ಮಕ್ಕಳ ತುರ್ತು ನಿಧಿ (ಯೂನಿಸೆಫ್) ನೂತನವಾಗಿ ಹಮ್ಮಿಕೊಂಡಿರುವ ಮಕ್ಕಳಿಗಾಗಿ ಒಂದು ದಿನ ಎಂಬ ಕಾರ್ಯಕ್ರಮದ ಅಂಗವಾಗಿ ಭಾರತ ಹಾಗೂ ಇಂಗ್ಲೆಂಡ್ ತಂಡಗಳು ಆಡಲಿವೆ.

Keep an ???? out for our 'Playground Pundits' during #OneDay4Children today! ????️ pic.twitter.com/gzuaS82eoN

— ICC (@ICC) June 30, 2019

ಈ ಕಾರ್ಯಕ್ರಮದ ಪ್ರಯುಕ್ತ ಮೂರು ಮಕ್ಕಳನ್ನು “ಆಟದ ಮೈದಾನದ ಪಂಡಿತರು” ಎಂದು ನೇಮಕ ಮಾಡಿದ್ದು ಮೈದಾನದ ಹೊರಗಡೆಯ ಎಲ್ಲ ಕರ್ತವ್ಯವನ್ನು ಮಕ್ಕಳಿಂದ ಆರಂಭಿಸುವುದು ಈ ಪಂದ್ಯದ ಮಗದೊಂದು ವಿಶಿಷ್ಟವಾಗಿದೆ. ಟಾಸ್‍ನಿಂದ ಹಿಡಿದು ಪಂದ್ಯದ ಬಳಿಕ ನಡೆಯುವ ಆಟಗಾರರ ಸುದ್ದಿಗೋಷ್ಠಿಯನ್ನು ಕೂಡ ಮಕ್ಕಳ ಕೈಯಲ್ಲೇ ಮಾಡಿಸಲು ಐಸಿಸಿ ಮುಂದಾಗಿದೆ.

A new media manager, question from a little one – What a way to start a pre-match press conference ????????

Guest appearance – Skipper @imVkohli ???????????? #TeamIndia #CWC19 #ENGvIND pic.twitter.com/eRfjbTdFp7

— BCCI (@BCCI) June 29, 2019

ಈ ಪಂದ್ಯದಲ್ಲಿ ಮಕ್ಕಳ ಕೈಯಲ್ಲಿ ನಿರೂಪಣೆ ಮತ್ತು ಕ್ರೀಡಾಂಗಣದಲ್ಲಿ ಪ್ರಕಟಣೆ ಮಾಡಲು ಅನುಮತಿ ನೀಡಲಾಗಿದೆ. ಜಗತ್ತಿನ ಪ್ರತಿಯೊಂದು ಮಗುವಿಗೂ ಉತ್ತಮ ಜಗತ್ತನ್ನು ನಿರ್ಮಾಣ ಮಾಡುವುದು ಇದರ ಹಿಂದಿನ ಧ್ಯೇಯವಾಗಿದೆ. ಅಲ್ಲದೆ ಆರೋಗ್ಯ ಪಾಠದ ಜೊತೆಗೆ ಕ್ರಿಕೆಟ್ ಆಡಲು ಮಕ್ಕಳಿಗೆ ನೆರವಾಗಲಿದೆ.

ಈ ವಿಶೇಷ ಪಂದ್ಯದಲ್ಲಿ ಸೆಲೆಬ್ರಿಟಿಗಳು ಮತ್ತು ಕ್ರಿಕೆಟ್‍ನ ಲೆಜೆಂಡ್‍ಗಳು ಭಾಗವಹಿಸಲಿದ್ದಾರೆ. ಇಂದು ಬರ್ಮಿಂಗ್ಹ್ಯಾಮ್‍ನಲ್ಲಿ ನಡೆಯಲಿರುವ ಈ ಪಂದ್ಯದಲ್ಲಿ 24,000 ಜನ ಪ್ರೇಕ್ಷಕರು ಇಂದು ಪಂದ್ಯ ವೀಕ್ಷಣೆ ಮಾಡಲಿದ್ದಾರೆ.

ಈ ಪಂದ್ಯದ ಅಭಿಯಾನದಲ್ಲಿ ಸಂಗ್ರಹವಾಗುವ ಹಣವನ್ನು ಯುನಿಸಿಫ್ ವಿಶ್ವದಾದ್ಯಂತ ಕ್ರಿಕೆಟ್ ಆಡುವ ರಾಷ್ಟ್ರಗಳಲ್ಲಿನ ಮಕ್ಕಳಿಗಾಗಿ ಮೀಸಲು ಇಡಲು ತೀರ್ಮಾನಿಸಿದೆ. ಐಸಿಸಿ ಪ್ರಕಾರ ಮಕ್ಕಳಿಗೆ ಕಲಿಯಲು, ಆಟವಾಡಲು ಮತ್ತು ಆರೋಗ್ಯವಾಗಿರಲು ಅವಕಾಶ ನೀಡುವುದು ಈ ಕಾರ್ಯಕ್ರಮದ ಉದ್ದೇಶ ಎಂದು ಹೇಳಿದೆ.

A little peek ???? at what we have in store for One Day 4 Children next weekend! #OD4C #CWC19 pic.twitter.com/wcPOLw4mxp

— ICC (@ICC) June 23, 2019

ಈ ಕಾರ್ಯಕ್ರಮದ ಬಗ್ಗೆ ಮಾತನಾಡಿರುವ ಐಸಿಸಿ ಸಿಇಒ ಡೇವಿಡ್ ರಿಚರ್ಡ್‍ಸನ್, ಐಸಿಸಿ ಮತ್ತು ಯುನಿಸಿಫ್ ಸುದೀರ್ಘ ಸಂಬಂಧವನ್ನು ಹೊಂದಿದೆ. ಇಂದು ಅವರ ಜೊತೆ ಮಕ್ಕಳಿಗಾಗಿ ಒಂದು ದಿನ ಎಂಬ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಖುಷಿಯಾಗುತ್ತಿದೆ. ಈ ಕಾರ್ಯಕ್ರಮಕ್ಕೆ ಮೈದಾನದಲ್ಲಿ ಪ್ರಪಂಚದಾದ್ಯಂತ ಕ್ರಿಕೆಟ್ ಅಭಿಮಾನಿಗಳು ಭಾಗಿಯಾಗುತ್ತಾರೆ. ಮಕ್ಕಳು ಆಟವಾಡಲು ಕಲಿಯಲು ಮತ್ತು ಆರೋಗ್ಯಕಾರವಾಗಿರಲು ಈ ಕಾರ್ಯಕ್ರಮ ಸಹಾಯವಾಗಲಿದೆ ಎಂದು ಹೇಳಿದ್ದಾರೆ.