ಕರುವಿಗಾಗಿ ಹಸುವಿನ ಕೆಚ್ಚಲಿಗೆ ಬ್ರಾ ತೊಡಿಸ್ದ!

ಲಂಡನ್: ಹಸುವಿನ ಕೆಚ್ಚಲಿಗೆ ಬ್ರಾ ತೊಡಿಸಿದ್ದು, ಅಲ್ಲಿ ಕರು ಹಾಲು ಕುಡಿಯುತ್ತಿರುವ ಫೋಟೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಕರುವೊಂದು ತನ್ನ ತಾಯಿಯ ಬಳಿ ಹಾಲು ಕುಡಿಯದೆ ಇದ್ದುದ್ದರಿಂದ ಹಸುವಿಗೆ ಈ ರೀತಿ ಬ್ರಾ ತೊಡಿಸಲಾಗಿದೆ. ಹೌದು ಬ್ರಿಟೀಷ್ ರೈತನೊಬ್ಬನ ಕರು ಹಸುವಿನ ಬಳಿ ಹಾಲು ಕುಡಿಯತ್ತಿರಲಿಲ್ಲ. ಇದರಿಂದ ಕಂಗಾಲಾದ ರೈತನಿಗೆ ಉಪಾಯ ಹೊಳೆದಿದ್ದು ತನ್ನ ಪತ್ನಿಯ ಬ್ರಾ ವನ್ನು ತೆಗೆದುಕೊಂಡು ಹಸುವಿನ ಕೆಚ್ಚಲಿಗೆ ತೊಡಿಸಿದ್ದಾನೆ. ನಂತರ ಆಶ್ಚರ್ಯವೆಂಬಂತೆ ಕರು ಹಸುವಿನ ಬಳಿ ಹಾಲು ಕುಡಿಯಲು ಆರಂಭಿಸಿದೆ.

ರೈತ ತನ್ನ ಪತ್ನಿಯ ಬ್ರಾ ತೆಗೆದುಕೊಂಡು ಅದಕ್ಕೆ ದಾರ ಕಟ್ಟಿ ಅದನ್ನು ಹಸುವಿನ ಕೆಚ್ಚಲಿಗೆ ತೊಡಿಸಿದ್ದಾನೆ. ನಂತರ ಕರು ಹಾಲು ಕುಡಿದಿದೆ. ರೈತ ತಾನು ಮಾಡಿದ ಪ್ಲ್ಯಾನ್ ನಿಂದ ಕರು ಹಾಲು ಕುಡಿದ್ದರಿಂದ ಸಂತಸ ಪಟ್ಟಿದ್ದು, ಆ ಫೋಟೋವನ್ನು ತನ್ನ ಟ್ವಿಟ್ಟರ್ ನಲ್ಲಿ ಪೋಸ್ಟ್ ಮಾಡಿ “ಪ್ರಯೋಗ ಯಶಸ್ವಿ” ಎಂದು ಬರೆದುಕೊಂಡಿದ್ದಾನೆ.

ರೈತ ಹಾಕಿದ ಫೋಟೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಅವರ ಉಪಾಯಕ್ಕೆ ವಿವಿಧ ರೀತಿಯ ಕಮೆಂಟ್ ಗಳು ಬಂದಿವೆ.

Suckcess!???? pic.twitter.com/j66WeGIujn

— DONALD ROSS (@vaderbogger) May 9, 2018