Monday, 23rd July 2018

ವಿಶ್ವದ ಕೋಟಿ ಕೋಟಿ ಗ್ರಾಹಕರಿಗೆ ವಾಟ್ಸಪ್ ಶಾಕ್!

ಬೆಂಗಳೂರು: ಕೋಟಿ ಕೋಟಿ ಗ್ರಾಹಕರಿಗೆ ವಾಟ್ಸಪ್ ಇಂದು ದಿಢೀರ್ ಶಾಕ್ ಕೊಟ್ಟಿದ್ದು, ವಿಶ್ವಾದ್ಯಂತ ಕೆಲ ಕಾಲ ಕ್ರ್ಯಾಷ್ ಆಗಿತ್ತು.

ಮಧ್ಯಾಹ್ನ 1.45 ಕ್ಕೆ ಸ್ತಬ್ಧಗೊಂಡಿದ್ದ ವಾಟ್ಸಪ್‍ನಲ್ಲಿ ಮೆಸೇಜ್‍ಗಳು ಕಳುಹಿಸಿದ್ದರೂ ಒಂದೇ ಟಿಕ್ ಮಾರ್ಕ್ ಬರುತಿತ್ತು. ಕೆಲವೊಮ್ಮೆ ಮೆಸೇಜ್ ಸೆಂಡ್ ಆಗುತ್ತಿರಲಿಲ್ಲ. 2.40 ರ ವೇಳೆಗೆ ವಾಟ್ಸಪ್ ಸೇವೆ ಮತ್ತೆ ಆರಂಭವಾಗಿದೆ.

ಯಾವ ಕಾರಣಕ್ಕೆ ಸೇವೆಯಲ್ಲಿ ವ್ಯತ್ಯಯ ಉಂಟಾಯಿತು ಎನ್ನುವುದನ್ನು ವಾಟ್ಸಪ್ ತಿಳಿಸಿಲ್ಲ. ಭಾರತದಲ್ಲಿ ಮಧ್ಯಾಹ್ನ ಸಮಸ್ಯೆ ಪರಿಹಾರವಾದರೂ ಕೆಲವೊಂದು ದೇಶಗಳಲ್ಲಿ ಸಮಸ್ಯೆ ಪರಿಹಾರವಾಗಿಲ್ಲ.

2009 ರಲ್ಲಿ ಆರಂಭಗೊಂಡಿದ್ದ ವಾಟ್ಸಪ್ ಸೇವೆಯನ್ನು 100 ಕೋಟಿಗೂ ಅಧಿಕ ಜನ ಬಳಸುತ್ತಿದ್ದಾರೆ. 2014 ರಲ್ಲಿ ಫೇಸ್‍ಬುಕ್ ವಾಟ್ಸಪ್ ಕಂಪೆನಿಯನ್ನು ಖರೀದಿಸಿತ್ತು.

ವಾಟ್ಸಪ್ ಕ್ರ್ಯಾಷ್ ಆದ ಹಿನ್ನೆಲೆಯಲ್ಲಿ  ಟ್ವಿಟ್ಟರ್ ನಲ್ಲಿ ಟ್ರಂಡ್ ಅಗಿದೆ.

Leave a Reply

Your email address will not be published. Required fields are marked *