ವಿವಾಹ ಸಮಯದಲ್ಲಿ ತಂಬಾಕು ಸೇವಿಸುತ್ತಿದ್ದ ವರನಿಗೆ ವಧು ಎಲ್ಲರ ಮುಂದೆ ಕಪಾಳ ಮೋಕ್ಷ ಮಾಡಿರುವ ವೀಡಿಯೋವೊಂದು ಸೊಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.
ಪ್ರಸ್ತುತ ಮದುವೆ ಸೀಸನ್ ಆಗಿರುವುದರಿಂದ ಹಲವಾರು ಮದುವೆಯ ಕಾರ್ಯಕ್ರಮಗಳು ವಿಜೃಂಭಣೆಯಿಂದ ನಡೆಯುತ್ತಿದೆ. ಮದುವೆ ಸಮಾರಂಭದ ವೇಳೆ ನಡೆಯುವ ಹಲವಾರು ಹಾಸ್ಯಮಯ ಮತ್ತು ಇಂಟ್ರೆಸ್ಟಿಂಗ್ ದೃಶ್ಯಗಳು ಆಗಾಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿರುತ್ತದೆ. ಸದ್ಯ ವಿವಾಹ ನಡೆಯುತ್ತಿದ್ದ ವೇಳೆ ತಂಬಾಕು ಸೇವಿಸುತ್ತಿದ್ದ ವರನಿಗೆ ವಧು ಹೊಡೆದು ತಂಬಾಕನ್ನು ಉಗುಳಿಸಿದ್ದಾರೆ. ಇದನ್ನೂ ಓದಿ:ಜನರ ಮರ್ಯಾದೆಯನ್ನೆ ಬಂಡವಾಳ ಮಾಡಿಕೊಂಡಿದ್ದ ಗ್ಯಾಂಗ್ ರೇಪ್ ಕಿರಾತಕರು
View this post on Instagram
ಈ ವೀಡಿಯೋವನ್ನು ನಿರಂಜನ್ ಮಹಾಪಾತ್ರಾ ಎಂಬವರು ತಮ್ಮ ಇನ್‍ಸ್ಟಾಗ್ರಾಮ್‍ನಲ್ಲಿ ಹಂಚಿಕೊಂಡಿದ್ದು, ಮಂಟಪದಲ್ಲಿ ವಧು, ವರ ಇಬ್ಬರು ಕುಳಿತುಕೊಂಡಿರುತ್ತಾರೆ. ಈ ವೇಳೆ ವಧು ಪಂಡಿತರನ್ನು ಏನೋ ಪ್ರಶ್ನೆ ಕೇಳುತ್ತಾರೆ. ಅದಕ್ಕೆ ಪಂಡಿತರು ಉತ್ತರಿಸಿದಾಗ ಆತನಿಗೆ ಹೊಡೆಯುತ್ತಾರೆ. ಬಳಿಕ ಕೋಪದಿಂದ ಪಕ್ಕಕ್ಕೆ ತಿರುಗಿ ನೋಡಿದಾಗ ವರ ತಂಬಾಕು ಅಗಿಯುತ್ತಿರುವುದನ್ನು ಕಂಡು ವರನ ಕಪಾಳಕ್ಕೆ ಹೊಡೆದು ಅದನ್ನು ಉಗುಳಲು ಹೇಳುತ್ತಾರೆ. ಕೂಡಲೇ ಗಾಬರಿಯಿಂದ ವರ ತಂಬಾಕನ್ನು ಉಗುಳಿ ಮತ್ತೆ ವಧುವಿನ ಪಕ್ಕಕ್ಕೆ ಬಂದು ಭಯದಿಂದ ಕುಳಿತುಕೊಳ್ಳುತ್ತಾನೆ. ಸದ್ಯ ಈ ವೀಡಿಯೋ ವೈರಲ್ ಆಗುತ್ತಿದ್ದು, ನೋಡುಗರಿಗೆ ಸಖತ್ ನಗು ತರಿಸುತ್ತಿದೆ. ಇದನ್ನೂ ಓದಿ:ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಸೆ.1 ರಿಂದ ದ್ವಿತೀಯ ಪಿಯುಸಿ ಆರಂಭಕ್ಕೆ ಜಿಲ್ಲಾಡಳಿತ ಗ್ರೀನ್ ಸಿಗ್ನಲ್
