ಅಂಕಾರಾ: ವಿಮಾನದೊಳಗೆ ಹೋಗುತ್ತೆ ಎಂದು ತಿಳಿದು ಮಹಿಳೆ ಲಗೇಜ್ ಬೆಲ್ಟ್ ಮೇಲೆ ನಿಲಲ್ಲು ಹೋಗಿ ಬಿದ್ದ ಘಟನೆ ಟರ್ಕೀಯ ಇಸ್ತಾನ್‍ಬುಲ್ ವಿಮಾನ ನಿಲ್ದಾಣದಲ್ಲಿ ನಡೆದಿದೆ. ಅಲ್ಲದೆ ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ವೈರಲ್ ಆಗಿರುವ ವಿಡಿಯದಲ್ಲಿ ಮಹಿಳೆ ಕೌಂಟರ್ ಬಳಿ ತನ್ನ ಲಗೇಜ್ ಪರಿಶೀಲಿಸುತ್ತಿರುತ್ತಾಳೆ. ಟರ್ಮಿನಲ್ ಬಳಿ ಹೋಗುವ ಬದಲು ಮಹಿಳೆ ಲಗೇಜ್ ಬೆಲ್ಟ್ ನಿಂತುಕೊಳ್ಳಲು ಪ್ರಯತ್ನಿಸುತ್ತಾಳೆ. ಈ ವೇಳೆ ಅಲ್ಲಿದ್ದ ಜನರು ಆಶ್ಚರ್ಯದಿಂದ ಮಹಿಳೆಯನ್ನೇ ನೋಡುತ್ತಾ ನಿಂತಿದ್ದಾರೆ.
ಲಗೇಜ್ ಬೆಲ್ಟ್ ಮೇಲೆ ನಿಂತಾಗ ಮಹಿಳೆಗೆ ಬ್ಯಾಲೆನ್ಸ್ ಸಿಗಲಿಲ್ಲ. ತಕ್ಷಣ ಆಕೆ ಕೆಳಗೆ ಬಿದ್ದಿದ್ದಾಳೆ. ಮಹಿಳೆ ಲಗೇಜ್ ಬೆಲ್ಟ್ ಮೇಲೆ ಬೀಳುತ್ತಿದ್ದಂತೆ ಅಲ್ಲಿದ್ದ ಸಿಬ್ಬಂದಿ ಅದನ್ನು ಆಫ್ ಮಾಡಿ ಮಹಿಳೆಯ ಸಹಾಯಕ್ಕೆ ಮುಂದಾಗಿದ್ದಾರೆ.
ಸಾಮಾಜಿಕ ಜಾಲತಾಣದಲ್ಲಿ ಈ ವಿಡಿಯೋ ಹಾಕುತ್ತಿದ್ದಂತೆ ಸಾಕಷ್ಟು ಶೇರ್ ಆಗುತ್ತಿದೆ. ಅಲ್ಲದೆ ಮಹಿಳೆಯ ಲಗೇಜ್ ಬೆಲ್ಟ್ ಮೇಲೆ ನಿಲ್ಲುವ ಪ್ರಯತ್ನ ಕಂಡು ಜನರು ಆಕೆಯನ್ನು ಕಮೆಂಟ್ ಮಾಡುವ ಮೂಲಕ ಟ್ರೋಲ್ ಮಾಡುತ್ತಿದ್ದಾರೆ.
Just when I think I’ve seen all the various symptoms of ‘Airport Brain’ some passengers seem to suffer from when flying…this was at New Istanbul Airport…pic.twitter.com/dzwDiOj4yf
— Alex Macheras (@AlexInAir) July 12, 2019
