ನವದೆಹಲಿ: ಸಾಮಾನ್ಯವಾಗಿ ಪೊಲೀಸರು ಅಂದ್ರೆ ಹೆದರಿಸಿ, ಬೆದರಿಸಿ ಸಾಕಷ್ಟು ಪ್ರಶ್ನೆಗಳನ್ನು ಕೇಳುವ ಮೂಲಕ ಕೆಲವೊಂದು ಮಾಹಿತಿಗಳನ್ನು ಕೆದಕುತ್ತಾರೆ. ಆದರೆ ಇಲ್ಲೊಬ್ಬರು ಪೊಲೀಸ್ ಪೇದೆ ತನ್ನ ಮುಂದೆ ಕಣ್ಣೀರಿಟ್ಟ ವೃದ್ಧೆಯನ್ನು ಅಪ್ಪಿಕೊಂಡು ಅವರ ದುಃಖದಲ್ಲಿ ತಾನೂ ಪಾಲುದಾರನಾಗಿದ್ದಾರೆ.
ಪಂಜಾಬಿನ ಪೊಲೀಸ್ ಪೇದೆ ತನ್ನ ತಾಯಿಯಂತೆ ಆಲಂಗಿಸಿಕೊಂಡು ಅಮಾಧಾನ ಹೇಳುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖಥ್ ವೈರಲ್ ಆಗುತ್ತಿದೆ. 56 ಸೆಕೆಂಡ್ ಇರೋ ಈ ವಿಡಿಯೋವನ್ನು ಇಂಡಿಯನ್ ಪೊಲೀಸ್ ಫೌಂಡೇಶನ್ ಎಂಬ ಟ್ವಿಟ್ಟರ್ ಅಕೌಂಟಿನಿಂದ ಟ್ವೀಟ್ ಮಾಡಲಾಗಿದೆ. ಆ ಬಳಿಕ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಮಿಂಚಿನಂತೆ ಸಂಚರಿಸಿದೆ.
ವಿಡಿಯೋದಲ್ಲೇನಿದೆ?
ಮಗ ಮಲೇಷ್ಯಾದಲ್ಲಿ ಬಂಧಿತನಾಗಿರುವ ವಿಚಾರದ ಬಗ್ಗೆ ಮಾತನಾಡುವಾಗ ವೃದ್ಧೆ ತನ್ನ ಕಥೆಯನ್ನು ವಿವರಿಸುತ್ತಾ ಕಣ್ಣೀರು ಹಾಕಿದ್ದಾರೆ. ಈ ವೇಳೆ ಪೊಲೀಸ್ ಅಧಿಕಾರಿ ಆಕೆಯ ಕಣ್ಣೀರು ಒರೆಸಿದ್ದು ಮಾತ್ರವಲ್ಲದೇ ಕೂಡಲೇ ವೃದ್ಧೆಯನ್ನು ಅಪ್ಪಿಕೊಂಡು ಸಮಾಧಾನ ಹೇಳಿದ್ದಾರೆ. ಅಲ್ಲದೆ ನಿಮ್ಮ ಮಗ ಆದಷ್ಟು ಬೇಗ ನಿಮ್ಮ ಮಡಿಲು ಸೇರಲಿ ಎಂದು ದೇವರಲ್ಲಿ ಪ್ರಾರ್ಥಿಸುವುದಾಗಿ ತಿಳಿಸಿದ್ದಾರೆ.
ಈ ಮೂಲಕ ಪೊಲೀಸ್ ಪೇದೆ ಇದೀಗ ಇತರರಿಗೆ ಮಾದರಿಯಾಗಿದ್ದಾರೆ. ಹಿರಿ ಜೀವದ ಕಷ್ಟವನ್ನು ಗಮನವಿಟ್ಟು ಕೇಳಿದ್ದಲ್ಲದೇ ಆಕೆಯ ಕಣ್ಣೀರು ಒರೆಸುವ ಮೂಲಕ ನಿಜಕ್ಕೂ ಇತರರಿಗೆ ಮಾದರಿಯಾಗಿದ್ದಾರೆ ಎಂದು ಇಂಡಿಯನ್ ಪೊಲೀಸ್ ಫೌಂಡೇಶನ್ ತಮ್ಮ ಟ್ವೀಟ್ ನಲ್ಲಿ ಬರೆದುಕೊಂಡಿದೆ.
ಸದ್ಯ ಈ ವಿಡಿಯೋವನ್ನು ಸುಮಾರು 25 ಸಾವಿರಕ್ಕೂ ಅಧಿಕ ಬಾರಿ ವೀಕ್ಷಣೆಯಾಗಿದ್ದು, 2 ಸಾವಿರಕ್ಕೂ ಅಧಿಕ ಲೈಕ್ಸ್ ಬಂದಿದೆ. ಅಲ್ಲದೆ ನೆಟ್ಟಿಗರು ಪೊಲೀಸ್ ಕೆಲಸವನ್ನು ಶ್ಲಾಘಿಸಿದ್ದಾರೆ.
This Police Constable should be the ultimate role model for the police. Look at the deep sense of sensitivity and empathy with which he listens to and wipes the tears of this elderly citizen. @PunjabPoliceInd @BPRDIndia pic.twitter.com/aBsbnr1wor
— Indian Police Foundation (@IPF_ORG) November 23, 2019
