ನವದೆಹಲಿ: ಬಾಲಿವುಡ್‍ನ ಹ್ಯಾಂಡ್‍ಸಮ್ ರಣ್‍ಬೀರ್ ಕಪೂರ್ ತಮ್ಮ ಮಾಜಿ ಪ್ರೇಯಸಿ ಕತ್ರೀನಾ ಕೈಫ್ ಹುಟ್ಟುಹಬ್ಬವನ್ನು ಎಲ್ಲರಿಗಿಂತ ಮುಂಚೆ ಆಚರಿಸುವ ಮೂಲಕ ಗೆಳತಿಗೆ ಸರ್ ಪ್ರೈಸ್ ನೀಡಿದ್ದಾರೆ.
ಮಾಜಿ ಪ್ರೇಮಿಗಳಾದ ರಣ್‍ಬೀರ್ ಮತ್ತು ಕತ್ರೀನಾ ಕಾರಣಾಂತರಗಳಿಂದ ಬೇರೆ ಬೇರೆಯಾಗಿದ್ದಾರೆ. ಆದ್ರೆ ಸದ್ಯ ಇಬ್ಬರ ನಟನೆ `ಜಗ್ಗಾ ಜಾಸೂಸು’ ಸಿನಿಮಾ ಬಿಡುಗಡೆಯಾಗಲು ಸಿದ್ಧವಾಗಿದ್ದು, ತಮ್ಮ ವಯಕ್ತಿಕ ಮುನಿಸುಗಳನ್ನು ಮರೆತು ಒಂದಾಗಿ ಸಿನಿಮಾದ ಪ್ರಚಾರದಲ್ಲಿ ತೊಡಗಿದ್ದಾರೆ.
ಸೋಮವಾರ ದೆಹಲಿಯಲ್ಲಿ ಸಿನಿಮಾ ಪ್ರಮೋಷನ್ ವೇಳೆ ರಣ್‍ಬೀರ್ ಹುಟ್ಟು ಹಬ್ಬವನ್ನು ಆಚರಿಸುವ ವಿಡಿಯೋವನ್ನು ಕತ್ರೀನಾ ತಮ್ಮ ಇನ್ ಸ್ಟಾಗ್ರಾಂನಲ್ಲಿ ಅಪ್ಲೋಡ್ ಮಾಡಿದ್ದಾರೆ. ಈ ವಿಡಿಯೋದಲ್ಲಿ ಕತ್ರೀನಾಗಾಗಿ ವಿಶೇಷ ಕೇಕ್ ತರಿಸಿದ್ದು, ಕೇಕ್ ಕತ್ತರಿಸಿದ ಬಳಿಕ ರಣ್‍ಬೀರ್ ಬರ್ತ್ ಡೇ ಹಾಡು ಹಾಡುವುದನ್ನು ಕಾಣಬಹುದು. ಕತ್ರೀನಾ ಇದೇ ತಿಂಗಳು 16ರಂದು 34ನೇ ಹುಟ್ಟು ಹಬ್ಬವನ್ನು ಆಚರಿಸಿಕೊಳ್ಳಲಿದ್ದಾರೆ.
ಇದನ್ನೂ ಓದಿ: ರಣ್‍ಬೀರ್ ಕಪೂರ್ ಗೆ ಸಿಕ್ಕಳು ಹೊಸ ಗರ್ಲ್ ಫ್ರೆಂಡ್-ಯಾಕೋ ಅವಳು ಕತ್ರೀನಾಳಿಗೆ ಇಷ್ಟವಿಲ್ಲವಂತೆ!
ಬ್ರೇಕ್ ಅಪ್ ಬಳಿಕ ರಣ್‍ಬೀರ್ ಮತ್ತು ಕತ್ರೀನಾ ಮೊದಲ ಬಾರಿಗೆ `ಜಗ್ಗಾ ಜಾಸೂಸು’ ಸಿನಿಮಾದಲ್ಲಿ ನಟಿಸಿದ್ದು, ಈಗಾಗಲೇ ಸಿನಿಮಾ ಟ್ರೇಲರ್‍ನಿಂದ ಜನರ ಮೆಚ್ಚುಗೆಯನ್ನು ಗಳಿಸಿದೆ. ಸಿನಿಮಾ ಇದೇ ಜುಲೈ 14ರಂದು ತೆರೆಕಾಣಲಿದೆ.
