ವೈರಲ್ ವಿಡಿಯೋಗಾಗಿ ಕ್ರೂಸ್ ಶಿಪ್‍ನ 11ನೇ ಮಹಡಿಯಿಂದ ಜಿಗಿದ ಯುವಕ: ವಿಡಿಯೋ ನೋಡಿ

ವಾಷಿಂಗ್ಟನ್: ಯುವಕನೊಬ್ಬ ವಿಡಿಯೋಗಾಗಿ ಕ್ರೂಸ್ ಶಿಪ್‍ನ 11ನೇ ಮಹಡಿಯಿಂದ ಜಿಗಿದ ವಿಡಿಯೋವೊಂದು ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ನಿಕೊಲಾಯ್ ನಯ್ದೇವ್(27) 11ನೇ ಮಹಡಿಯಿಂದ ಜಿಗಿದ ಯುವಕ. ಬಹಮಾಸ್‍ನ ನಸಾವು ಎಂಬಲ್ಲಿ ರಾಯಲ್ ಕೆರೆಬಿಯನ್ ಹಡಗಿನ 11ನೇ ಮಹಡಿಯಿಂದ ಯುವಕ ಜಿಗಿದಿದ್ದು, ಆತನ ಸ್ನೇಹಿತರು ಅದನ್ನು ವಿಡಿಯೋ ಮಾಡಿದ್ದಾರೆ.

ನಿಕೊಲಾಯ್ ಹಡಗಿನಿಂದ ಜಿಗಿದ ಬಳಿಕ ಆತನಿಗೆ ಹಾಗೂ ಆತನ ಸ್ನೇಹಿತನಿಗೆ ಮತ್ತೆ ರಾಯಲ್ ಕೆರೆಬಿಯನ್ ಪ್ರವೇಶಿಸಲು ನಿಷೇಧಿಸಿದ್ದಾರೆ. ಅಲ್ಲದೇ ಮುಂದೆ ಕೂಡ ಹಡಗಿನಲ್ಲಿ ಪ್ರವೇಶಿಸಬಾರದು ಎಂದು ನಿಕೊಲಾಯ್ ಹಾಗೂ ಆತನ ಗೆಳಯರಿಗೆ ಎಚ್ಚರಿಕೆ ನೀಡಲಾಗಿದೆ ಎಂದು ವರದಿಯಾಗಿದೆ.

ಈ ಘಟನೆ ಬಗ್ಗೆ ನಿಕೊಲಾಯ್, “ನಾನು ಕಳೆದ ರಾತ್ರಿ ಮದ್ಯ ಸೇವಿಸಿದೆ. ಬೆಳಗ್ಗೆ ಎದ್ದಾಗ ನಾನು ಹಡಗಿನಿಂದ ಜಿಗಿಯಬೇಕು ಎಂದು ನಿರ್ಧರಿಸಿದೆ. ಅಲ್ಲದೇ ಇನ್‍ಸ್ಟಾಗ್ರಾಂನ ನನ್ನ ಒಂದು ವಿಡಿಯೋ ವೈರಲ್ ಆಗಬೇಕೆಂದು ಈ ರೀತಿ ಮಾಡಿದೆ” ಎಂದು ತನ್ನ ಪೋಸ್ಟಿನ ಕಮೆಂಟ್ ಸೆಕ್ಷನ್‍ನಲ್ಲಿ ಬರೆದುಕೊಂಡಿದ್ದಾನೆ.

ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗಿದೆ. ಅಲ್ಲದೇ ಈ ವಿಡಿಯೋ ನೋಡಿ 2 ಸಾವಿರಕ್ಕೂ ಹೆಚ್ಚು ಮಂದಿ ಕಮೆಂಟ್ ಮಾಡಿ ತಮ್ಮ ಆಕ್ರೋಶವನ್ನು ಹೊರಹಾಕುತ್ತಿದ್ದಾರೆ. ನಿಕೊಲಾಯ್ ಹಾಗೂ ಆತನ ಸ್ನೇಹಿತರ ವಿರುದ್ಧ ರಾಯಲ್ ಕೆರೆಬಿಯನ್ ಕ್ರಮ ಕೈಗೊಳ್ಳಲಿದೆ.

 

View this post on Instagram

 

Full send

A post shared by Nick Naydev (@naydev91) on Jan 11, 2019 at 11:28am PST

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv