ಲಕ್ನೋ: ಬಾಲಿವುಡ್‍ನ ಹಿರಿಯ ನಟ ಜಾಕಿ ಶ್ರಾಫ್ ರವರು ಸ್ವತಃ ರಸ್ತೆಗಿಳಿದು ಟ್ರಾಫಿಕ್ ಕ್ಲಿಯರ್ ಮಾಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ವೈರಲ್ ಆಗಿದೆ.
ಬಾಲಿವುಡ್ ನ ಹಿರಿಯ ನಟರಾದ 61 ವರ್ಷದ ಜಾಕಿ ಶ್ರಾಫ್ ರವರು ಲಕ್ನೋ ದ ಜನದಟ್ಟಣೆ ಪ್ರದೇಶದಲ್ಲಿ ಸಂಚಾರ ಪೊಲೀಸರ ರೀತಿ ರಸ್ತೆಗಿಳಿದು ವಾಹನ ದಟ್ಟಣೆಯಿಂದ ಕೂಡಿದ್ದ ರಸ್ತೆಯನ್ನು ಸಂಚಾರಕ್ಕೆ ಮುಕ್ತ ಮಾಡಿ ಅಲ್ಲಿಂದ ತಮ್ಮ ಕಾರನ್ನು ಏರಿ ತೆರಳಿದ್ದಾರೆ.
Lucknow Traffic Control… pic.twitter.com/axCnD3DYQy
— Jackie Shroff (@bindasbhidu) July 22, 2018
ಈ ವಿಡಿಯೋವನ್ನು ಜಾಕಿ ಶ್ರಾಫ್ ಕಾರಿನಲ್ಲಿದ್ದವರು ಸೆರೆ ಹಿಡಿದಿದ್ದು, ನಂತರ ಜಾಕಿಶ್ರಾಫ್ ರವರು ತಮ್ಮ ಟ್ವಿಟ್ಟರ್ ನಲ್ಲಿ ಲಕ್ನೋ ಟ್ರಾಫಿಕ್ ಕಂಟ್ರೋಲ್ ಎಂದು ಬರೆದು ತಮ್ಮ ವಿಡಿಯೋ ಅಪ್ಲೋಡ್ ಮಾಡಿಕೊಂಡಿದ್ದಾರೆ. ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ವೈರಲ್ ಆಗಿದ್ದು, ನಟ ಜಾಕಿ ಶ್ರಾಫ್ ರವರ ಸಾಮಾಜಿಕ ಕಳಕಳಿಗೆ ಲಕ್ಷಾಂತರ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
