ಅನುಮತಿ ಇಲ್ಲದೆ ಬಸ್ ಗ್ಯಾರೇಜ್ ಮಧ್ಯೆ ಪಾರ್ಕ್ ಮಾಡಲಾಗಿದ್ದ ಕಾರ್ ಗೆ ಈ ಗತಿಯಾಯ್ತು

Public TV
1 Min Read
car parking 1 1

ಬೀಜಿಂಗ್: ಅನುಮತಿ ಇಲ್ಲದೆ ಬಸ್ ಗ್ಯಾರೇಜ್ ಮಧ್ಯೆ ಕಾರ್ ಪಾರ್ಕ್ ಮಾಡಿ ಹೋಗಿದ್ದ ಚಾಲಕನಿಗೆ ಇಲ್ಲಿನ ಸಿಬ್ಬಂದಿ ಪಾಠ ಕಲಿಸಿದ್ದಾರೆ.

car parking 3

ಫೆಬ್ರವರಿ 17ರಂದು ಚೀನಾದ ಹೂಬೇ ಪ್ರಾಂತ್ಯದ ಕ್ಸಿಶೂ ಕೌಂಟಿಯಲ್ಲಿ ಈ ಘಟನೆ ನಡೆದಿದೆ ಎಂದು ವರದಿಯಾಗಿದೆ. ಬಸ್ ಗ್ಯಾರೇಜ್ ಮಧ್ಯೆ ಕಾರ್ ಪಾರ್ಕಿಂಗ್ ಮಾಡಿದ್ದನ್ನು ನೋಡಿ ಬೇಸತ್ತ ಸಿಬ್ಬಂದಿ ಕ್ರೇನ್ ಮೂಲಕ ಕಾರ್ ಮೇಲೆತ್ತಿ ಹತ್ತಿರದ ಕಟ್ಟಡವೊಂದರ ಛಾವಣಿಯ ಮೇಲೆ ಇರಿಸಿದ್ದಾರೆ.

car parking 4

ಇದರ ವಿಡಿಯೋವನ್ನ ಇಲ್ಲಿನ ಮಾಧ್ಯಮವೊಂದು ಹಂಚಿಕೊಂಡಿದ್ದು, ಕಾರನ್ನ ಕ್ರೇನ್ ಮೂಲಕ ಮೇಲೆತ್ತಿ ಛಾವಣಿ ಮೇಲೆ ಇಡುತ್ತಿರೋದನ್ನ ಕಾಣಬಹುದು. ಅನಂತರ ಕಾರ್ ಚಾಲಕ ತನ್ನ ಕಾರನ್ನ ಹೇಗೆ ಕೆಳಗಿಳಿಸಿಕೊಂಡ ಎನ್ನುವ ಬಗ್ಗೆ ವರದಿಯಾಗಿಲ್ಲ.

ಆದ್ರೆ ಚೀನಾದಲ್ಲಿ ಈ ರೀತಿ ಕಾರ್ ಮಾಲೀಕರಿಗೆ ಪಾಠ ಕಲಿಸಿರುವುದು ಇದೇ ಮೊದಲೇನಲ್ಲ. ಕಳೆದ ವರ್ಷ ಇಲ್ಲಿನ ಜನನಿವಾಸಿ ಕಟ್ಟಡದಲ್ಲಿ ಮಹಿಳೆಯೊಬ್ಬಳ ಕಾರ್ ತೆರವುಗೊಳಿಸಲು ಭದ್ರತಾ ಸಿಬ್ಬಂದಿ ಕ್ರೇನ್ ಬಳಸಿ, ಹತ್ತಿರದ ಕಟ್ಟಡವೊಂದರ ಮೇಲೆ ಕಾರು ಇರಿಸಿದ್ದರು.

car parking 2

ಚೀನಾದ ಬಿಂಕ್ಸಿ ಸಿಟಿಯಲ್ಲಿ ಈ ಘಟನೆ ನಡೆದಿತ್ತು. ಮಹಿಳೆ ಕಾರ್ ಪಾರ್ಕಿಂಗ್ ಶುಲ್ಕದ ವಿಚಾರವಾಗಿ ಜಗಳ ಮಾಡಿಕೊಂಡ ನಂತರ ಭದ್ರತಾ ಠಾಣೆಯ ಬಳಿಯೇ ಕಾರ್ ಬಿಟ್ಟುಹೋಗಿದ್ದಳು. 38 ಗಂಟೆಗಳ ಬಳಿಕ ಆಕೆ ಕಾರ್ ವಾಪಸ್ ಪಡೆಯಲು ಬಂದಾಗ ಭದ್ರತಾ ಸಿಬ್ಬಂದಿಯ ಠಾಣೆಯ ಮೇಲೆ ಕಾರ್ ಪತ್ತೆಯಾಗಿತ್ತು. ಅನಂತರ ಸಮಸ್ಯೆ ಬಗ್ಗೆ ಚರ್ಚಿಸಿ ಬಗೆಹರಿಸಿಕೊಂಡಿದ್ದು, ಕಾರ್ ಕೆಳಗಿಳಿಸಲಾಗಿತ್ತು.

car parking 7

car parking 5

car parking 6 new

car parking 8 new

Share This Article
Leave a Comment

Leave a Reply

Your email address will not be published. Required fields are marked *