ಮುಂಬೈ: ಕೆಲದಿನಗಳಿಂದ ಸಾಮಾಜಿಕ ಜಾಲತಾಣ ವಾಟ್ಸಪ್ ಹಾಗೂ ಫೇಸ್ ಬುಕ್ ಗಳಲ್ಲಿ ತಾಯಿಯೊಬ್ಬರು ಮಗುವಿಗೆ ಗದರಿಸಿ ಪಾಠ ಹೇಳಿಕೊಡುತ್ತಿರುವ ವಿಡಿಯೋವೊಂದು ವೈರಲ್ ಆಗಿದೆ.
ಈ ವಿಡಿಯೋವನ್ನು ಕ್ರಿಕೆಟಿಗರಾದ ವಿರಾಟ್ ಕೊಹ್ಲಿ, ಶೀಖರ್ ಧವನ್, ರಾಬಿನ್ ಉತ್ತಪ್ಪ ಸೇರಿದಂತೆ ಹಲವರು ಶೇರ್ ಮಾಡಿದ್ದು, ಶಿಕ್ಷಣದ ನೆಪದಲ್ಲಿ ಮಕ್ಕಳನ್ನು ಶಿಕ್ಷಿಸಬೇಡಿ ಅಂತ ತಾಯಂದಿರಿಗೆ ಸಲಹೆ ನೀಡಿದ್ದಾರೆ.
ವಿಡಿಯೋದಲ್ಲಿ ಹೋಂ ವರ್ಕ್ ಮಾಡಿಸುವ ಸಂದರ್ಭದಲ್ಲಿ ಮಗು ಅಂಕಿಗಳನ್ನು ತಪ್ಪಾಗಿ ಹೇಳಿದೆ. ಈ ವೇಳೆ ತಾಯಿ ಆಕೆಗೆ ಹೊಡೆದಿದ್ದಾರೆ. ಪರಿಣಾಮ ಮಗು ಬಿಕ್ಕಿ ಬಿಕ್ಕಿ ಅಳುತ್ತಾ ಗದರಬೇಡಿ ನಿಧಾನವಾಗಿ, ಪ್ರೀತಿಯಿಂದ ಒಂದು ಎರಡು ಹೇಳಿಕೊಡಿ ಎಂದು ಬೇಡಿಕೊಳ್ಳುವ ದೃಶ್ಯ ಮನಕಲಕುವಂತಿದೆ. ಆದರೂ ಕರುಣೆ ತೋರದ ಪಾಪಿ ತಾಯಿ ಮಗುವಿನ ಮೇಲೆ ತನ್ನ ಕ್ರೂರ ವರ್ತನೆ ತೋರಿದ್ದಾರೆ. ಈ ವಿಡಿಯೋವನ್ನು ವೀಕ್ಷಿಸಿದ ಕ್ರಿಕೆಟಿಗರು ತಮ್ಮ ಅಸಮಾಧಾನವನ್ನು ಹೊರ ಹಾಕಿದ್ದಾರೆ.
ಮಕ್ಕಳಿಗೆ ಪ್ರೀತಿಯಿಂದ ಶಿಕ್ಷಣವನ್ನು ನೀಡಿ. ಒತ್ತಾಯಪೂರ್ವಕವಾಗಿ ಗದರಿಸಿ ಪಾಠ ಹೇಳಿಕೊಡಬೇಡಿ. ಇದರಿಂದ ಏನೂ ಪ್ರಯೋಜನವಾಗಲ್ಲ. ಇದರಿಂದ ಮಕ್ಕಳು ಏನನ್ನೂ ಕಲಿಯಲು ಸಾಧ್ಯವಿಲ್ಲ. ಮಕ್ಕಳೊಂದಿಗೆ ತಾಳ್ಮೆಯಿಂದ ವರ್ತಿಸಿ. ಶಿಕ್ಷಣ ವಿಚಾರದಲ್ಲಿ ಮಕ್ಕಳಿಗೆ ಪ್ರೋತ್ಸಾಹ ನೀಡಿ ಬೆಳೆಸಿ. ಈ ವಿಡಿಯೋ ಮನಕಲಕುವಂತಿದೆ. ಪುಟ್ಟ ಮಕ್ಕಳಿಗೆ ಈ ರೀತಿ ಹೇಳಿಕೊಡದೇ, ಸಹನೆಯಿಂದ ಹೇಳಿಕೊಡಿ ಅಂತ ಕೊಹ್ಲಿ ಸಲಹೆಯಿತ್ತಿದ್ದಾರೆ.
ಹೆತ್ತವರು ತಮ್ಮ ಮಕ್ಕಳೊಂದಿಗೆ ತಾಳ್ಮೆಯಿಂದಿರಿ ಎಂದು ನಾನು ಮನವಿ ಮಾಡುತ್ತೇನೆ. ಪ್ರತಿಯೊಂದು ಮಗುವೂ ಒಂದೊಂದು ಹಂತದಲ್ಲಿ ಕಲಿಯುತ್ತದೆ. ಮಗುವಿಗೆ ಹೊಡೆದು ಕಲಿಸುವುದನ್ನು ನಿಲ್ಲಿಸಿ ಎಂದು ಶಿಖರ್ ಧವನ್ ಟ್ವೀಟ್ ಮಾಡಿದ್ದಾರೆ.
ಇದು ಹೃದಯ ವಿದ್ರಾವಕ ಆಗಿದೆ. ಮಕ್ಕಳನ್ನು ಈ ರೀತಿ ಬೆಳೆಸುವುದು ಸರಿಯಲ್ಲ. ಇದು ನಿಲ್ಲಬೇಕು, ಮಕ್ಕಳಲ್ಲಿ ಭಯ ಹುಟ್ಟಿಸುವುದಕ್ಕಿಂತ ಪ್ರೀತಿಯಿಂದ ಬೆಳೆಸಬೇಕು ಎಂದು ರಾಬಿನ್ ಉತ್ತಪ್ಪ ಕೂಡ ಟ್ವೀಟಿಸಿದ್ದಾರೆ.
https://www.instagram.com/p/BX9ovhvAsbe/
I request parents to be patient with ur kids at all times. Every child learns at his own pace. Pls refrain from beating/degrading them. 🙏🙏 pic.twitter.com/jy8xV8gC9M
— Shikhar Dhawan (@SDhawan25) August 19, 2017
This is heart wrenching. Children shouldn't be raised this way. This needs to stop. I pray we can raise our kids with love instead of fear. pic.twitter.com/6R4mKrFy4r
— Robbie Uthappa (@robbieuthappa) August 19, 2017
