ಐಪಿಎಲ್: ಆರ್‌ಸಿಬಿ ಕೆಲ ಪಂದ್ಯಗಳಿಗೆ ಕೊಹ್ಲಿ ಗೈರು

ಬೆಂಗಳೂರು: ವಿರಾಟ್ ಕೊಹ್ಲಿ ನಾಯಕತ್ವದ ಆರ್ ಸಿಬಿ ತಂಡ 2019 ಐಪಿಎಲ್ ಆವೃತ್ತಿಯ ಮೊದಲ ಪಂದ್ಯದಲ್ಲಿ ಚೆನ್ನೈ ತಂಡವನ್ನು ಎದುರಿಸುತ್ತಿದೆ. ಮೊದಲ ಪಂದದಲ್ಲಿ ಟಾಸ್ ಗೆದ್ದ ಚೆನ್ನೈ ಫಿಲ್ಡೀಂಗ್ ಆಯ್ಕೆ ಮಾಡಿಕೊಂಡಿದೆ.

ಆವೃತ್ತಿ ಆರಂಭದ ವೇಳೆ ಆರ್ ಸಿಬಿ ತಂಡದ ನಾಯಕ ಕೆಲ ಪಂದ್ಯಗಳಿಗೆ ಗೈರಾಗುವ ಸಂಭವವಿದ್ದು, ವಿಶ್ವಕಪ್ ಟೂರ್ನಿಗೆ ತಯಾರಿ ನಡೆಸುವ ಹಿನ್ನೆಲೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಿದ್ದಾರೆಂದು ಮಾಧ್ಯಮವೊಂದು ವರದಿ ಮಾಡಿದೆ.

ವಿಶ್ವಕಪ್ ಟೂರ್ನಿ ಮೇ 30 ರಿಂದ ಆರಂಭವಾಗಲಿದ್ದು, ಈ ಕುರಿತು ಕೊಹ್ಲಿ ಕೂಡ ಸ್ಪಷ್ಟನೆ ನೀಡಿದ್ದಾರೆ. ವಿಶ್ವಕಪ್ ಎಲ್ಲಾ ಆಟಗಾರರಿಗೂ ಕನಸಿನ ಟೂರ್ನಿಯಾಗಿರುತ್ತದೆ. ಅದ್ದರಿಂದ ಐಪಿಎಲ್ ಕೆಲ ಪಂದ್ಯಗಳಿಗೆ ಮಿಸ್ ಆಗುವ ಸಾಧ್ಯತೆ ಇದೆ ಎಂದಿದ್ದಾರೆ. ವಿಶ್ವಕಪ್‍ಗೂ ಮುನ್ನ ತಂಡದ ಆಟಗಾರರು ಫಿಟ್ ಆಗಿರುವುದು ಬಹಳ ಮುಖ್ಯ. ಈ ಬಗ್ಗೆ ತಂಡದ ಕೋಚ್, ತಜ್ಞರಿಗೆ ಮಾಹಿತಿ ನೀಡುವುದು ಕೂಡ ಅಷ್ಟೇ ಪ್ರಮುಖವಾಗಿರುತ್ತದೆ. ಅದ್ದರಿಂದ ಟೂರ್ನಿಯಲ್ಲಿ ಆಟಗಾರರ ಮೇಲೆ ಬೀಳುವ ಕೆಲಸದ ಒತ್ತಡ ಮೇಲೆ ಇದು ನಿರ್ಧಾರವಾಗುತ್ತದೆ ಎಂದಿದ್ದಾರೆ.

ಯಾವುದೇ ಆಟಗಾರರ ಪಂದ್ಯದ ವೇಳೆ ತನ್ನ ಶೇ. 150 ರಷ್ಟು ಸಾಮಥ್ರ್ಯವನ್ನು ಹಾಕುವುದು ಅಗತ್ಯ. ಆದರೆ ಯಾವುದೇ ಆಟಗಾರರ ಮೇಲೆ ತಂಡ ಒತ್ತಡ ಹಾಕಿಲ್ಲ ಎಂದು ಕೊಹ್ಲಿ ಸ್ಪಷ್ಟಪಡಿಸಿದ್ದಾರೆ. ಆರ್ ಸಿಬಿ ಫ್ರಾಂಚೈಸಿ ಕೂಡ ಕೊಹ್ಲಿ ಅವರ ಈ ತೀರ್ಮಾನಕ್ಕೆ ಬೆಂಬಲ ನೀಡಿದೆ ಎನ್ನಲಾಗಿದ್ದು, ಆಟಗಾರರ ಮೇಲಿನ ಒತ್ತಡವನ್ನು ಸೂಕ್ತ ಕ್ರಮಗಳನ್ನು ಕೈಗೊಂಡಿದೆ.

Virat Kohli got out for six runs today,

– His lowest score against CSK in IPL.
– His lowest score at Chepauk in IPL.#CSKvRCB

— Umang Pabari (@UPStatsman) March 23, 2019

5 ಸಾವಿರ ರನ್:
ಕೊಹ್ಲಿ ಐಪಿಎಲ್‍ನಲ್ಲಿ 136 ಪಂದ್ಯಗಳಿಂದ 4,948 ರನ್ ಸಿಡಿಸಿದ್ದು, ಟೂರ್ನಿಯಲ್ಲಿ 5 ಸಾವಿರ ರನ್ ಪೂರೈಸಿದ ಮೊದಲ ಆಟಗಾರ ಎಂಬ ಹೆಗ್ಗಳಿಕೆ ಗಳಿಸಲು ಕೇವಲ 52 ರನ್ ಗಳ ಅಗತ್ಯವಿದೆ. ಆದರೆ ಪಂದ್ಯದಲ್ಲಿ ಕೇವಲ ರನ್ ಗಳಿಸಿ ಕೊಹ್ಲಿ ನಿರ್ಗಮಿಸಿದ್ದಾರೆ. ಇತ್ತ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಆಟಗಾರ ಸುರೇನ್ ರೈನಾ ಕೂಡ 5 ಸಾವಿರ ರನ್ ಸನಿಹದಲ್ಲಿದ್ದು, ಇನ್ನು 15 ರನ್ ಗಳು ಮಾತ್ರ ಅಗತ್ಯವಿದೆ.