ಕಲಬುರಗಿಯಲ್ಲಿ ಬಿಳಿ ಎಮ್ಮೆ ಜನನ- ಗ್ರಾಮಸ್ಥರ ಅಚ್ಚರಿ

ಕಲಬುರಗಿ: ಎಮ್ಮೆಗಳು ಸಾಮಾನ್ಯವಾಗಿ ಕಪ್ಪು ಬಣ್ಣ ಹೊಂದಿರುತ್ತವೆ. ಆದರೆ ಕಲಬುರಗಿಯ ಅಫಜಲಪುರ ತಾಲೂಕಿನ ಸಿರಸಗಿ ಗ್ರಾಮದಲ್ಲಿ ಬಿಳಿ ಎಮ್ಮೆಯೊಂದು ಜನಿಸಿದೆ.

ಎಮ್ಮೆಯ ಮಾಲೀಕರಾದ ಅಣ್ಣಾರಾವ್ ಪಾಟೀಲ್ ಸೇರಿದಂತೆ ಗ್ರಾಮಸ್ಥರು ಬಿಳಿ ಎಮ್ಮೆ ಜನಿಸಿದ್ದಕ್ಕೆ ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ. ಬಿಳಿ ಎಮ್ಮೆ ನೋಡಲು ಇದೀಗ ಸುತ್ತಮುತ್ತಲಿನ ಗ್ರಾಮದ ಜನ ಅಣ್ಣಾರಾವ್ ಪಾಟೀಲ್ ಅವರ ಮನೆಯತ್ತ ಬರುತ್ತಿದ್ದಾರೆ.

ಎರಡು ದಿನಗಳ ಹಿಂದೆ ಅಣ್ಣಾರಾವ್ ಅವರ ಎಮ್ಮೆ ಬಿಳಿ ಎಮ್ಮೆಗೆ ಜನ್ಮ ನೀಡಿದ್ದು ಅಚ್ಚರಿಗೆ ಕಾರಣವಾಗಿದೆ.