ನವದೆಹಲಿ: ಸಾಮಾಜಿಕ ಜಾಲತಾಣ ಫೇಸ್‌ಬುಕ್‌ನ (Facebook) ಮಾತೃಸಂಸ್ಥೆ ಮೆಟಾ (Meta) ಭಾರತದ ಗ್ಲೋಬಲ್ ಬಿಸಿನೆಸ್ ಗ್ರೂಪ್ ನಿರ್ದೇಶಕರಾಗಿ ವಿಕಾಸ್ ಪುರೋಹಿತ್ (Vikas Purohit) ಅವರನ್ನು ಸೋಮವಾರ ನೇಮಕ ಮಾಡಿದೆ.
ಈ ಬಗ್ಗೆ ಮಾಹಿತಿ ನೀಡಿರುವ ಕಂಪನಿಯ ಜಾಹೀರಾತು ವ್ಯವಹಾರಗಳ ನಿರ್ದೇಶಕ ಹಾಗೂ ಮುಖ್ಯಸ್ಥ ಅರುಣ್ ಶ್ರೀನಿವಾಸ್, ಕಂಪನಿಯ ವ್ಯಾಪಾರವನ್ನು ಸಕ್ರಿಯಗೊಳಿಸಲು, ಭಾರತದಲ್ಲಿ ಆರ್ಥಿಕ ಬೆಳವಣಿಗೆಯನ್ನು ಉತ್ತಮಗೊಳಿಸಲು ಹಾಗೂ ದೇಶದ ಡಿಜಿಟಲ್ ಜಾಹೀರಾತು ಪರಿಸರ ವ್ಯವಸ್ಥೆಯನ್ನು ನಿರ್ಮಿಸಲು ವಿಕಾಸ್ ಪುರೋಹಿತ್ ಮೆಟಾ ತಂಡವನ್ನು ಸೇರುತ್ತಿರುವುದಾಗಿ ಹೇಳಿದ್ದಾರೆ.
Advertisement
Advertisement
ಭಾರತದ ಅತಿದೊಡ್ಡ ವ್ಯವಹಾರ ಮತ್ತು ಏಜೆನ್ಸಿ ಪರಿಸರ ವ್ಯವಸ್ಥೆಗೆ, ಮೆಟಾ ಗ್ಲೋಬಲ್ ಬ್ಯುಸಿನೆಸ್ ಗ್ರೂಪ್‌ನ ನಿರ್ದೇಶಕರಾಗಿ ವಿಕಾಸ್ ಪರೋಹಿತ್ ಕಾರ್ಯನಿರ್ವಹಿಸಲಿದ್ದಾರೆ. ಕಂಪನಿಯ ಪ್ರಮುಖ ವ್ಯಾಪಾರದ ತಂಡಗಳು, ಏಜೆನ್ಸಿ ತಂಡಗಳು ಮತ್ತು ವ್ಯಾಪಾರ ಪರಿಹಾರಗಳ ತಂಡಗಳು ಅವರಿಗೆ ವರದಿ ಮಾಡಲಿದೆ ಎಂದು ಮಾಹಿತಿ ನೀಡಿದ್ದಾರೆ.
Advertisement
ವಿಕಾಸ್ ಪುರೋಹಿತ್ ಯಾರು?
ವಿಕಾಸ್ ಪುರೋಹಿತ್ ಅವರು 1996-2000 ದಲ್ಲಿ ವಾರಣಾಸಿಯ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ (BHU) ಮೆಕ್ಯಾನಿಕಲ್ ಎಂಜಿನಿಯರಿಂಗ್‌ನಲ್ಲಿ ಬಿಟೆಕ್ ಪದವಿ ಓದಿದ್ದಾರೆ.
Advertisement
ವ್ಯಾಪಾರ, ಮಾರಾಟ ಮತ್ತು ಮಾರ್ಕೆಟಿಂಗ್‌ನಲ್ಲಿ ವಿಕಾಸ್ ಪುರೋಹಿತ್ 20 ವರ್ಷಗಳ ಅನುಭವವನ್ನು ಹೊಂದಿದ್ದಾರೆ. ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಮ್ಯಾನೇಜ್‌ಮೆಂಟ್ ಹಳೆಯ ವಿದ್ಯಾರ್ಥಿಯೂ ಆಗಿರುವ ವಿಕಾಸ್ ಪುರೋಹಿತ್ ಟಾಟಾ ಕ್ಲಿಕ್, ಅಮೆಜಾನ್, ರಿಲಯನ್ಸ್, ಆದಿತ್ಯಾ ಬಿರ್ಲಾ ಗ್ರೂಪ್ ಹಾಗೂ ಟಾಮಿ ಹಿಲ್‌ಫಿಗರ್‌ನಲ್ಲಿ ಕೆಲಸ ಮಾಡಿದ್ದಾರೆ. ಇದನ್ನೂ ಓದಿ: ದಕ್ಷಿಣ ಆಫ್ರಿಕಾದ ಆಲ್‌ರೌಂಡರ್ ಪ್ರಿಟೋರಿಯಸ್ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ವಿದಾಯ
ವಿಕಾಸ್ ಪುರೋಹಿತ್ ಅವರು 2002 ರಲ್ಲಿ ಆದಿತ್ಯ ಬಿರ್ಲಾ ಗ್ರೂಪ್‌ನಲ್ಲಿ ಮ್ಯಾನೇಜ್‌ಮೆಂಟ್ ಟ್ರೈನಿಯಾಗಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಆದಿತ್ಯ ಬಿರ್ಲಾ ಗ್ರೂಪ್‌ನಿಂದ ಟಾಮಿ ಹಿಲ್‌ಫಿಗರ್‌ಗೆ ಸೇರಿಕೊಂಡರು. ಬಳಿಕ ರಿಲಯನ್ಸ್ ಬ್ರ‍್ಯಾಂಡ್‌ಗೆ ಮುಖ್ಯಸ್ಥರಾಗಿ ಚಿಲ್ಲರೆ ವ್ಯಾಪಾರಕ್ಕೆ ಸೇರಿದರು.
ವಿಕಾಸ್ ಪುರೋಹಿತ್ ಅಮೆಜಾನ್‌ನಲ್ಲಿ ಅಮೆಜಾನ್ ಫ್ಯಾಶನ್ ಅನ್ನು ಮುನ್ನಡೆಸಿದರು. ಮೆಟಾ ತನ್ನ ಗ್ಲೋಬಲ್ ಬ್ಯುಸಿನೆಸ್ ಗ್ರೂಪ್‌ನ ನಿರ್ದೇಶಕರನ್ನಾಗಿ ನೇಮಿಸುವುದಕ್ಕೂ ಮೊದಲು ಟಾಟಾ ಐಕ್ಲಿಕ್‌ನಲ್ಲಿದ್ದರು. ಮೊದಲಿಗೆ ಸಿಒಒ ಆಗಿ ಕೆಲಸ ಮಾಡುತ್ತಿದ್ದ ಅವರು 2016ರಲ್ಲಿ ಸಿಇಒ ಆಗಿ ಬಡ್ತಿ ಪಡೆದಿದ್ದರು. ಇದನ್ನೂ ಓದಿ: ರಿಸ್ಕ್ ತೆಗೆದುಕೊಳ್ಳಲು ಮುಂದಾಗದ ಬಿಸಿಸಿಐ – ಬುಮ್ರಾಗೆ ವಿಶ್ರಾಂತಿ ಮುಂದುವರಿಕೆ
Live Tv
[brid partner=56869869 player=32851 video=960834 autoplay=true]
Join our Whatsapp group by clicking the below link
https://chat.whatsapp.com/E6YVEDajTzH06LOh77r25k
