Connect with us

Bengaluru City

ಪರದೇಸಿ ಕೇರಾಫ್ ಲಂಡನ್: ಮಾಸ್ ಲುಕ್ಕಿನಲ್ಲಿ ಲಕಲಕಿಸಿದ್ದಾರೆ ವಿಜಯ್ ರಾಘವೇಂದ್ರ!

Published

on

ಬೆಂಗಳೂರು: ವಿಜಯ್ ರಾಘವೇಂದ್ರ ಎಂಥಾ ಪಾತ್ರಕ್ಕಾದರೂ ಒಗ್ಗಿಕೊಂಡು ಜೀವ ತುಂಬೋ ಅಪರೂಪದ ನಟ. ಅವರ ನಟನಾ ಚಾತುರ್ಯಕ್ಕೆ ಸಾಣೆ ಹಿಡಿಯುವಂಥಾ ನವೀನ ಕಥೆಯೊಂದರ ಮೂಲಕ ನಿರ್ದೇಶಕ ರಾಜಶೇಖರ್ ಪರದೇಸಿ ಕೇರಾಫ್ ಲಂಡನ್ ಚಿತ್ರವನ್ನು ರೂಪಿಸಿದ್ದಾರೆ. ಈ ಚಿತ್ರ ಈ ವಾರವೇ ರಾಜ್ಯಾದ್ಯಂತ ತೆರೆ ಕಾಣಲಿದೆ.

ರಾಜಶೇಖರ್ ಅವರು ಆರಂಭದಿಂದಲೇ ಈ ಚಿತ್ರದಲ್ಲಿ ಈ ಹಿಂದೆ ಎಂದೂ ಕಾಣದಿರೋ ವಿಜಯ್ ರಾಘವೇಂದ್ರರನ್ನು ಕಾಣಲಿದ್ದೀರೆಂಬ ಸೂಚನೆ ನೀಡಿದ್ದರು. ಪರದೇಸಿ ಕೇರಾಫ್ ಲಂಡನ್ನಿನ ಮೇಕಿಂಗ್ ನುದ್ದಕ್ಕೂ ಅದಕ್ಕೆ ಪೂರಕವಾದ ಮಾಹಿತಿಗಳೇ ಹೊರ ಬಿದ್ದಿದ್ದವು. ಈವತ್ತಿಗೆ ಈ ಚಿತ್ರದ ಬಗ್ಗೆ ಇಂಥಾದ್ದೊಂದು ಕ್ಯೂರಿಯಾಸಿಟಿ ನಿಗಿ ನಿಗಿಸುತ್ತಿದೆಯೆಂದರೆ ಅದಕ್ಕೆ ಅಂಥಾ ವಿಚಾರಗಳೇ ಕಾರಣ.

 

ಹೆಸರಲ್ಲಿಯೇ ಪರದೇಸಿ ಅಂತಿದ್ದರೂ ಈ ಚಿತ್ರದ್ದು ಅಪ್ಪಟ ದೇಸೀ ಕಥೆ. ಈ ಶೀರ್ಷಿಕೆಯಲ್ಲಿಯೇ ಪ್ರೇಕ್ಷಕರಿಗೆ ಸರ್‍ಪ್ರೈಸೊಂದು ಕಾದಿದೆ. ಇನ್ನುಳಿದಂತೆ ಇವತ್ತಿನ ಕಾಲಮಾನಕ್ಕೆ ಒಗ್ಗುವಂಥಾ ಅಪರೂಪದ ಕಥೆಯೊಂದನ್ನು ಈ ಚಿತ್ರ ಹೊಂದಿದೆ. ವಿಜಯ್ ರಾಘವೇಂದ್ರ ಪಕ್ಕಾ ಮಾಸ್ ಸನ್ನಿವೇಶಗಳಲ್ಲಿಯೂ ಮಿಂಚಿದ್ದಾರೆ. ಅದುವೇ ಒಟ್ಟಾರೆ ಚಿತ್ರದ ಆಕರ್ಷಣೆಗಳಲ್ಲೊಂದಾಗಿರೋದು ಸುಳ್ಳಲ್ಲ. ಸ್ನೇಹಾ ಮತ್ತು ಪೂಜಾ ನಾಯಕಿಯರಾಗಿ ವಿಶಿಷ್ಟವಾದ ಪಾತ್ರಗಳಿಗೆ ಜೀವ ತುಂಬಿದ್ದಾರೆ.

ಪರದೇಸಿ ಕೇರಾಫ್ ಲಂಡನ್ ಚಿತ್ರದ ಬಗ್ಗೆ ಪ್ರೇಕ್ಷಕರು ಹಲವಾರು ಪ್ರಶ್ನೆಗಳು ಮತ್ತು ಭರಪೂರವಾದ ಕುತೂಹಲದಿಂದ ಕಾಯುತ್ತಿದ್ದಾರೆ. ಇದೇ ಶುಕ್ರವಾರ ಅದೆಲ್ಲದಕ್ಕೂ ಅಂತಿಮ ಉತ್ತರ ಸಿಗಲಿದೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv

Click to comment

Leave a Reply

Your email address will not be published. Required fields are marked *