ಬೆಂಗಳೂರು: ಪಬ್ಲಿಕ್ ಟಿವಿ ಪ್ರಸುತ್ತ ಪಡಿಸಿದ್ದ 2 ದಿನಗಳ ವಿದ್ಯಾಮಂದಿರಕ್ಕೆ ಅದ್ದೂರಿ ತೆರೆಬಿದ್ದಿದೆ. ಮಲ್ಲೇಶ್ವರಂ ಸರ್ಕಾರಿ ಶಾಲಾ ಆವರಣದಲ್ಲಿ ನಡೆದ ಪಿಜಿ ಎಜ್ಯುಕೇಶನ್ ಎಕ್ಸ್‌ಪೋಗೆ(PG Education Expo) 4 ಸಾವಿರಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಭೇಟಿ ನೀಡಿ ಪ್ರಯೋಜನ ಪಡೆದಿದ್ದಾರೆ.

ಸೆಮಿನಾರ್‌ನಲ್ಲಿ ಪೀಣ್ಯ ಮೂಲದ ರಂಜಿತ್ ಸಂಶೋಧನೆ ವಿಷಯ ಕುರಿತು ಮಾತನಾಡಿ ಎಲೆಕ್ಟ್ರಿಕ್ ಬೈಕ್ ಗೆದ್ದರು.

ಸಮಾರೋಪ ಕಾರ್ಯಕ್ರಮದಲ್ಲಿ ಪಬ್ಲಿಕ್ ಟಿವಿಯ ಮುಖ್ಯಸ್ಥರಾದ ಹೆಚ್ ಆರ್ ರಂಗನಾಥ್ ಮತ್ತು ಗಾರ್ಡನ್ ಸಿಟಿ ಕಾಲೇಜಿನ ಮುಖ್ಯಸ್ಥ ವಿ ಜಿ ಜೋಸಫ್ ಭಾಗಿಯಾಗಿ ಕ್ವಿಜ್‌ ಸ್ಪರ್ಧೆಯಲ್ಲಿ ವಿಜೇತರಾದ ವಿದ್ಯಾರ್ಥಿಗಳಿಗೆ ಬಹುಮಾನ ನೀಡಿದರು. ಭಾಗಿಯಾಗಿದ್ದ ಶಿಕ್ಷಣ ಸಂಸ್ಥೆಗಳಿಗೆ ನೆನಪಿನ ಕಾಣಿಕೆ ನೀಡಿ ಗೌರವ ಸಲ್ಲಿಸಿದರು.

ಮುಂದಿನ ದಿನಗಳಲ್ಲಿ ಪಬ್ಲಿಕ್‌ ಟಿವಿ ವತಿಯಿಂದ ವಿದ್ಯಾರ್ಥಿಗಳ ಶಿಕ್ಷಣಕ್ಕಾಗಿ ಮತ್ತಷ್ಟು ಎಜ್ಯುಕೇಶನ್ ಎಕ್ಸ್‌ಪೋ ನಡೆಯಲಿದ್ದು, ವಿದ್ಯಾರ್ಥಿಗಳ ಭವಿಷ್ಯಕ್ಕೆ ದಾರಿಯಾಗಲಿ ಎಂಬುದೇ ನಮ್ಮ ಅಶಯ.