ವರನಿಗೆ ಮಾಲೆ ಹಾಕೋವಾಗ ಎತ್ತಿಕೊಂಡಿದ್ದಕ್ಕೆ ಸಂಬಂಧಿಕನ ಕೆನ್ನೆಗೆ ಬಾರಿಸಿದ ವಧು- ವಿಡಿಯೋ ವೈರಲ್

ನವದಹಲಿ: ವರನಿಗೆ ಹಾರವನ್ನು ಹಾಕುವಾಗ ಸಂಬಂಧಿಕನೊಬ್ಬ ವಧುವನ್ನು ಎತ್ತಿಕೊಂಡಿದ್ದಕ್ಕೆ ಆತನ ಕೆನ್ನೆಗೆ ಆಕೆ ಬಾರಿಸಿದ ವಿಡಿಯೋವೊಂದು ವೈರಲ್ ಆಗಿದೆ.

ಈ ಘಟನೆ ಎಲ್ಲಿ ಯಾವಾಗ ನಡೆದಿದೆ ಎಂಬುದರ ಮಾಹಿತಿ ಇಲ್ಲ. ಆದರೆ ವಧು ತನ್ನ ಸಂಬಂಧಿಕನ ಕೆನ್ನೆಗೆ ಬಾರಿಸಿದ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದೆ.

ಮದುವೆಯ ವೇದಿಕೆಯಲ್ಲಿ ವರ ಹಾಗೂ ವಧು ಒಬ್ಬರಿಗೊಬ್ಬರು ಹೂವಿನ ಹಾರ ಹಾಕಲು ತಯಾರಾಗಿ ನಿಂತಿದ್ದರು. ಈ ವೇಳೆ ವಧುವಿಗೆ ಸ್ವಲ್ಪ ಆಟವಾಡಿಸಲೆಂದು ವರನ ಕಡೆಯವರಲ್ಲಿ ಒಬ್ಬ ವ್ಯಕ್ತಿ ವರನನ್ನು ಎತ್ತಿಕೊಂಡನು. ವರನನ್ನು ಎತ್ತಿಕೊಂಡ ನಂತರ ವಧುವಿಗೆ ವಿಚಿತ್ರ ಅನುಭವವಾಗಿದೆ. ಇದೇ ವೇಳೆ ವರನ ಕುಟುಂಬದವರು ವರ ಮಾಲೆ ಹಾಕು ಎಂದು ಜೋರಾಗಿ ಕೂಗುತ್ತಾ ವರನನ್ನು ಬೆಂಬಲಿಸಿದ್ದಾರೆ.

ಭಾರತೀಯ ಮದುವೆಗಳಲ್ಲಿ ಹೂವಿನ ಹಾರ ಹಾಕಲು ವರನನ್ನು ಎತ್ತಿಕೊಂಡರೆ ವಧುವಿನ ಕಡೆಯವರು ಕೂಡ ವಧುವನ್ನು ಎತ್ತಿಕೊಳ್ಳುತ್ತಾರೆ. ಇದೇ ರೀತಿ ಈ ಮದುವೆಯಲ್ಲೂ ವರನನ್ನು ಎತ್ತಿಕೊಂಡ ತಕ್ಷಣ ವಧುವನ್ನು ಎತ್ತುಕೊಳ್ಳಲು ಆಕೆಯ ಸಂಬಂಧಿಕನೊಬ್ಬ ಆಕೆಯನ್ನು ಎತ್ತುಕೊಂಡಿದ್ದಾನೆ. ಆಗ ವಧು ವರನಿಗೆ ಹೂವಿನ ಹಾರ ಹಾಕಿದ್ದಾಳೆ. ನಂತರ ವರ ಕೂಡ ವಧುವಿಗೆ ಹೂವಿನ ಹಾರವನ್ನು ಹಾಕಿದ್ದಾನೆ. ಹಾರ ಹಾಕಿದ ಬಳಿಕ ವಧು ಸಂಬಂಧಿಕನ ಕೆನ್ನೆಗೆ ಹೊಡೆದಿದ್ದಾಳೆ.

ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗುತ್ತಿದ್ದು, ಜನರು ಈ ವಿಡಿಯೋಗೆ ಪರ ಹಾಗೂ ವಿರೋಧ ಅಭಿಪ್ರಾಯವನ್ನು ವ್ಯಕ್ತಪಡಿಸುತ್ತಿದ್ದಾರೆ. ವಧು ಆತನ ಕೆನ್ನೆಗೆ ಬಾರಿಸಿದ್ದು ಕೆಲವರು ಸರಿ ಎಂದು ಹೇಳಿದರೆ ಮತ್ತೆ ಕೆಲವರು ತಪ್ಪು ಎಂದು ಹೇಳುತ್ತಿದ್ದಾರೆ. ಈ ವಿಡಿಯೋದಲ್ಲಿ ಕೆನ್ನೆಗೆ ಬಾರಿಸಿಕೊಂಡ ವ್ಯಕ್ತಿ ವಧುವಿನ ಭಾವ ಎಂದು ಹೇಳಲಾಗುತ್ತಿದೆ.

ಮದುವೆಗೆ ಬಂದಿದ್ದ ಅತಿಥಿಗಳ ಮುಂದೆ ವಧು ಆ ವ್ಯಕ್ತಿಯ ಕನ್ನೆಗೆ ಬಾರಿಸಿದ್ದಾಳೆ. ಇದ್ದರಿಂದ ಅವಮಾನಗೊಂಡು ವ್ಯಕ್ತಿ ಅಲ್ಲೇ ನಿಂತಿದ್ದ ತನ್ನ ಪತ್ನಿ ಎಂದರೆ ವಧುವಿನ ಸಹೋದರಿ ಕೆನ್ನೆಗೆ ಬಾರಿಸಿ ತನ್ನ ಕೋಪವನ್ನು ಹೊರ ಹಾಕಿ ತನ್ನ ಸೇಡನ್ನು ತೀರಿಸಿಕೊಂಡಿದ್ದಾನೆ ಎಂದು ವರದಿಯಾಗಿದೆ.

https://www.youtube.com/watch?v=D5_LbCb39Y4