ನವದೆಹಲಿ: ಸಿನಿಮಾ ತಾರೆಯರು ಯಾವಾಗಲೂ ಸಿನಿಮಾ ಶೂಟಿಂಗ್ ಅಥವಾ ಫೋಟೋಶೂಟ್ ಮಾಡುವಾಗ ಒಂದಲ್ಲ ಒಂದು ಎಡವಟ್ಟು ಮಾಡಿಕೊಳ್ಳುತ್ತಿರುತ್ತಾರೆ. ಈಗ ಅದೇ ರೀತಿ ಬಾಲಿವುಡ್ ನಟಿ ಊರ್ವಶಿ ರೌತೆಲಾ ಕೂಡ ಫೋಟೋ ಶೂಟ್ ಮಾಡುವಾಗ ಎಡವಿದ್ದಾರೆ.
ನಟಿ ಊರ್ವಶಿ ಅವರು ಫೋಟೋಶೂಟ್ ನಲ್ಲಿ ಎಡವಿದ ವಿಡಿಯೋವನ್ನು ತಮ್ಮ ಇನ್ಸ್ ಸ್ಟಾಗ್ರಾಂನಲ್ಲಿ ಅಪ್ಲೋಡ್ ಮಾಡಿದ್ದಾರೆ. ಆದ್ರೆ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಸದ್ಯಕ್ಕೆ ಶೂಟಿಂಗ್ ವೇಳೆ ಎಡವಿ ತಕ್ಷಣ ಬ್ಯಾಲೆನ್ಸ್ ಮಾಡಿದ್ದು, ಯಾವುದೇ ಅಪಾಯ ಸಂಭವಿಸಿಲ್ಲ.
Advertisement
Advertisement
ಊರ್ವಶಿ ಸುಂದರವಾಗಿರುವ ಬಟ್ಟೆ ಜೊತೆಗೆ ಪೆನ್ಸಿಲ್ ಹೀಲ್ಡ್ ಸ್ಯಾಂಡಲ್ ಹಾಕಿಕೊಂಡು ಗಾರ್ಡನ್ ನಲ್ಲಿ ಫೋಟೋಶೂಟ್ ಮಾಡಿಸಿಕೊಳ್ಳುತ್ತಿದ್ದರು. ಊರ್ವಶಿವರು ನಿಧಾನವಾಗಿ ಫೋಟೋಗೆ ಪೋಸ್ ಕೊಡುತ್ತಿದ್ದರು. ಆದರೆ ಈ ವೇಳೆ ಊರ್ವಶಿ ನಿಯಂತ್ರಣ ತಪ್ಪಿ ಹಿಂದೆ ಬೀಳುತ್ತಿದ್ದರು. ತಕ್ಷಣ ಅವರು ಧರಿಸಿದ್ದ ಉಡುಪಿನಿಂದ ಬೆಲ್ಟ್ ಕಳಚಿ ಬಿದ್ದಿದೆ. ಆದರೆ ಅವರು ಹೇಗೋ ಬ್ಯಾಲೆನ್ಸ್ ಮಾಡಿ ಕೆಳಗೆ ಬೀಳುವುದರಿಂದ ತಪ್ಪಿಸಿಕೊಂಡಿದ್ದಾರೆ.
Advertisement
ಊರ್ವಶಿ ಬೀಳುವುದರಿಂದ ತಪ್ಪಿಸಿಕೊಂಡು ಕೆಲ ಕ್ಷಣ ನಕ್ಕು ಸುಮ್ಮನಾಗಿದ್ದಾರೆ. ಆದರೆ ಬಳಿಕ ಈ ವಿಡಿಯೋವನ್ನು ತಮ್ಮ ಇನ್ಸ್ ಸ್ಟಾಗ್ರಾಂನಲ್ಲಿ ಅಪ್ಲೋಡ್ ಮಾಡಿದ್ದಾರೆ. ಇದುವರೆಗೂ ಆ ವಿಡಿಯೋ ಸುಮಾರು 16 ಲಕ್ಷಕ್ಕಿಂತ ಅಧಿಕ ವೀವ್ಸ್ ಕಂಡಿದೆ.
Advertisement
2013ರಲ್ಲಿ `ಸಿಂಗ್ ಸಾಬ್ ದಿ ಗ್ರೇಟ್’ ಚಿತ್ರದ ಮೂಲಕ ಸಿನಿಮಾ ಅಂಗಳಕ್ಕೆ ಊರ್ವಶಿ ಪಾದಾರ್ಪಣೆ ಮಾಡಿದರು. ಗ್ರೇಟ್ ಗ್ರ್ಯಾಂಡ್ ಮಸ್ತಿ, ಸನಮ್ ರೇ, ಕಾಬಿಲ್, ಹೇಟ್ ಸ್ಟೋರಿ-4 ಸಿನಿಮಾಗಳಲ್ಲಿ ಊರ್ವಶಿ ನಟಿಸಿದ್ದಾರೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
https://www.instagram.com/p/Bmkx6qPBEvS/?taken-by=urvashirautela
