ಕಲಬುರಗಿ: ಸಾಮಾನ್ಯವಾಗಿ ಬೈಕ್ ರೈಡಿಂಗ್ ಅಂದ್ರೆ ಎಲ್ಲರಿಗೂ ಇಷ್ಟ. ಅದರಲ್ಲೂ ಬೈಕ್ ನಲ್ಲೆ ಲಾಂಗ್ ಡ್ರೈವ್ ಹೋಗಬೇಕು ಅಂತಾ ಸುಮಾರು ಜನ ಅಂದುಕೊಳ್ಳತ್ತಾರೆ. ಅದರಲ್ಲಿ ಕೆಲವರು ಬೈಕ್ ನಲ್ಲಿ ಇಡಿ ದೇಶವನ್ನೆ ಸುತ್ತಾಡುತ್ತಾರೆ. ಆದರೆ ಸ್ನೇಹಿತರಿಬ್ಬರು ಬೈಕಿನಲ್ಲೇ ಬರೊಬ್ಬರಿ 76 ದಿನಗಳಲ್ಲಿ 21 ದೇಶವನ್ನ ಸುತ್ತಾಡಿ ಬಂದಿದ್ದಾರೆ.
ಬೈಕ್ ರೈಡಿಂಗ್ ನಲ್ಲಿ ಭಾರತ ಸುತ್ತಾಡಿರೋದನ್ನ ನೋಡಿದ್ದೇವೆ. ಆದರೆ ಇಬ್ಬರು ಸ್ನೇಹಿತರು ವಿದೇಶಗಳಿಗೂ ಬೈಕಿನಲ್ಲೇ ತೆರಳಿ ಸುತ್ತಾಡಿ ಬಂದಿದ್ದಾರೆ. ಕಲಬುರಗಿಯ ಮಂಜುನಾಥ್ ಚಿಕ್ಕಯ್ಯ ಮತ್ತು ರಿಚರ್ಡ್ ಎಂಬವರು ಬೈಕಿನಲ್ಲೇ 76 ದಿನಗಳಲ್ಲಿ 21 ದೇಶವನ್ನು ಸುತ್ತಾಡಿದ್ದಾರೆ.
Advertisement
ಭೂತಾನ್, ಮೈನ್ಮಾರ್, ಥೈಲ್ಯಾಂಡ್, ಲೋಯಸ್, ಚೀನಾ, ಕಿರ್ಗಿಸ್ಥಾನ್, ಉಜ್ಬೇಕಿಸ್ಥಾನ್, ಕಝಾಕ್‍ಸ್ಥಾನ್, ರಷ್ಯಾ, ಎಸ್ಟೋನಿಯಾ, ಲಿಟ್ವಿಯಾ, ಲಿಥುವೇನಿಯಾ, ಪೋಲೆಂಡ್, ಜೆಕ್ ರಿಪಬ್ಲಿಕ್, ಆಸ್ಟ್ರಿಯಾ, ಇಟಲಿ, ಸ್ವಿಜರ್ ಲ್ಯಾಂಡ್, ಫ್ರಾನ್ಸ್, ಬೆಲ್ಜಿಯಂ, ನೆದರ್ ಲ್ಯಾಂಡ್ ಹಾಗೂ ಇಂಗ್ಲೆಂಡ್ ದೇಶಗಳನ್ನು ಸುತ್ತಿ ಬಂದಿದ್ದಾರೆ.
Advertisement
Advertisement
Advertisement
ಮಂಜುನಾಥ್ ಕೆಲಸದಲ್ಲಿ ಪ್ರತಿನಿತ್ಯ 18 ಗಂಟೆಗಳ ಕಾಲ ಕೆಲಸ ಮಾಡುತ್ತಿದ್ದರು. ಕೆಲಸ ಮಧ್ಯೆ ಬಿಡುವು ಮಾಡಿಕೊಂಡು ಬೇರೆ ಏನಾದರೂ ಮಾಡಬೇಕು ಅಂತಾ ಡಿಸೈಡ್ ಮಾಡಿ ಈ ಹಿಂದೆ ಕನ್ಯಾಕುಮಾರಿಗೆ ಬೈಕಿನಲ್ಲೇ ಪ್ರಯಾಣ ಮಾಡಿದ್ದರಂತೆ. ಆಗ ದಂಪತಿಗಳಿಬ್ಬರು ಬೈಕಿನಲ್ಲೇ ದೇಶ ಸುತ್ತಾಡ್ತಿರೋದನ್ನು ಕಂಡು ಅವರಿಂದ ಪ್ರೇರಣೆಗೊಂಡು ಬೈಕಿನಲ್ಲೇ ವಿದೇಶ ಸುತ್ತಾಡೋಕ್ಕೆ ಪ್ಲ್ಯಾನ್ ಮಾಡಿದ್ದರಂತೆ.
ಅದರಂತೆ ಮಂಜುನಾಥ್ ಮತ್ತು ಸ್ನೇಹಿತ ರಿಚರ್ಡ್ ಇಬ್ಬರು ಕೂಡ ಎರಡು ವರ್ಷಗಳಿಂದ ಯಾವ್ಯಾವ ದೇಶಕ್ಕೆ ಹೋಗಬೇಕು ಮತ್ತೆ ಹೇಗೆ ಹೋಗಬೇಕು ಅನ್ನೋದರ ಬಗ್ಗೆ ಸಂಪೂರ್ಣ ಮಾಹಿತಿ ಕಲೆ ಹಾಕಿದ್ದಾರೆ. ಬಳಿಕ ವಿದೇಶದಲ್ಲಿ ಸ್ಥಳೀಯ ಬೈಕ್ ವರ್ಕೌಟ್ ಆಗೋದಿಲ್ಲ ಅನ್ನೋ ಮಾಹಿತಿ ಮೇರೆಗೆ ಅಮೆರಿಕಾದ ಎರಡು ಬೈಕ್ ಖರೀದಿಸಿ ಕಳೆದ ಎರಡು ತಿಂಗಳ ಹಿಂದೆ ಕಲಬುರಗಿಯಿಂದ ಪ್ರಯಾಣ ಆರಂಭಿಸಿ ಅಮೆರಿಕದವರೆಗೂ ಬೈಕಿನಲ್ಲೇ ಸುತ್ತಾಡಿಕೊಂಡು ಬಂದಿದ್ದಾರೆ.
ಮೊದ ಮೊದಲು ಮಂಜುನಾಥ್ ಕೆಲಸದ ಒತ್ತಡದಿಂದ ಹೊರ ಬರಲು ಬೈಕ್ ಸವಾರಿ ಮಾಡೋದನ್ನ ಆರಂಭಿಸಿದ್ದರಂತೆ. ಬಳಿಕ ವಾರಗಟ್ಟಲೆ ನಂತ್ರ ತಿಂಗಳುಗಟ್ಟಲೆ ಕೆಲಸ ನಿಮಿತ್ತ ಬೈಕಿನಲ್ಲಿ ಹೊರ ಹೋಗಿ ಬರುತ್ತಿದ್ದರಂತೆ. ಅಷ್ಟೇ ಅಲ್ಲದೇ ಮಂಜುನಾಥ್ ಬೈಕಿನಲ್ಲಿ ವಿದೇಶ ಪ್ರಯಾಣ ಮಾಡೋ ಇಚ್ಚೆ ಪತ್ನಿ ಬಳಿ ಹೇಳಿದ್ದಾಗ ಪತ್ನಿ ರೇಖಾ ಅದಕ್ಕೆ ನಿರಾಕರಿಸಿದ್ದರಂತೆ. ಆದರೆ ಮಂಜುನಾಥ್ ಅವರ ಪತ್ನಿಗೆ ಒಪ್ಪಿಸಿದ್ದ ಬಳಿಕ ಸ್ನೇಹಿತ ರಿಚರ್ಡ್ ಜೊತೆ ಅವರ ಬೈಕ್ ಮೇಲಿನ ಲಾಂಗ್ ಜರ್ನಿ ಆರಂಭಿಸಿದ್ದರು. ಬೈಕಿನಲ್ಲಿ 21 ದೇಶ ಸುತ್ತಿದ್ದಕ್ಕೆ ರಿಚರ್ಡ್ ಸಹ ಹರ್ಷ ವ್ಯಕ್ತಪಡಿಸಿದ್ದಾರೆ.
ಮಂಜುನಾಥ್ ವಿದೇಶ ಪ್ರಯಾಣದಲ್ಲಿ ಹಲವಾರು ತೊಂದರೆ ತಾಪತ್ರಯಗಳನ್ನು ಅನುಭವಿಸಿರೋದು ನೆನಪಿಸಿಕೊಂಡಿದ್ದಾರೆ. ತೊಂದರೆ ತಾಪತ್ರಯಗಳ ಮಧ್ಯೆ ವಿದೇಶ ಪ್ರಯಾಣದ ಅನುಭವ ಸಖತ್ತಾಗಿತ್ತು ಅಂತಾರೆ. ಚೀನಾದಲ್ಲಿಯು ಕೂಡ ಭಾರತಿಯರನ್ನು ಕಂಡರೆ ಒಳ್ಳೆ ಗೌರವ ಕೊಟ್ಟು ಸ್ಪಂದಿಸಿರೋ ಬಗ್ಗೆ ಕೂಡ ಹಂಚಿಕೊಂಡಿದ್ದಾರೆ. ಭಾರತೀಯ ಸಂಸ್ಕೃತಿಯ ಬಗ್ಗೆ ವಿದೇಶದಲ್ಲಿ ಹೇಳಿ ವಿದೇಶಿ ಸಂಸ್ಕೃತಿಗಳನ್ನು ನೋಡಿದರೆ ನಮ್ಮೂರೆ ನಮಗೆ ಚೆಂದ ಅನ್ನೋ ಹಾಗೆ ಇಂಡಿಯಾ ಇಸ್ ಗ್ರೆಟ್ ಎಂದು ಮಂಜುನಾಥ್ ಮತ್ತು ಆತನ ಸ್ನೇಹಿತ ರಿಚರ್ಡ್ ಹೇಳಿದ್ದಾರೆ.
https://www.youtube.com/watch?v=Bcr-mU8vwJs&feature=youtu.be
