ಬೆಕ್ಕೊಂದು ಮಂಜುಗಟ್ಟಿದ ಕೊಳದ ಮೇಲೆ ಓಡಾಡುತ್ತಾ, ಮೀನುಗಳನ್ನು ಹಿಡಿಯಲು ಪರದಾಡಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡ್ತಿದೆ.
ಕೊಳದಲ್ಲಿ ಹನ್ನೆರಡಕ್ಕಿಂತ ಹೆಚ್ಚು ಮೀನುಗಳಿದ್ದು, ಅವುಗಳು ಈ ಬೆಕ್ಕನ್ನು ಗಮನಿಸದೇ ತಮ್ಮ ಪಾಡಿಗೆ ನೀರಿನಲ್ಲಿ ಓಡಾಡುತ್ತಿರುವುದನ್ನು ಕಾಣಬಹುದು. ಆ ಮೀನುಗಳನ್ನು ಹಿಡಿಯಲು ಹೋಗಿ ಬೆಕ್ಕು ಹಿಮಾವೃತ ಪದರದ ಮೇಲೆ ನಿಲ್ಲಲಾಗದೆ ಸ್ಕಿಡ್ ಆಗುತ್ತಿರುವುದನ್ನು ಕೂಡ ಈ ವಿಡಿಯೋದಲ್ಲಿ ನೋಡಬಹುದು.
ಕಪ್ಪು ಮತ್ತು ಬಿಳಿ ಬಣ್ಣದ ಬೆಕ್ಕು ಮೀನನ್ನು ಬೇಟೆಯಾಡಲು ಎಷ್ಟೇ ಪರದಾಡಿದ್ರೂ, ಅದು ಕೊನೆಗೂ ಯಶಸ್ವಿಯಾಗುವುದಿಲ್ಲ. ಈ ಫನ್ನಿ ವಿಡಿಯೋವನನ್ನು ಶುಕ್ರವಾರ ರೆಡ್ಡಿಟ್‍ನಲ್ಲಿ ಅಪ್ಲೋಡ್ ಮಾಡಲಾಗಿದ್ದು, 16,000 ಕ್ಕಿಂತ ಹೆಚ್ಚು ಬಾರಿ ವೀಕ್ಷಣೆಯಾಗಿದೆ. ವಿಡಿಯೋ ನೋಡಿದವರು ಬೆಕ್ಕಿನ ಬಗ್ಗೆ ಫನ್ನಿಯಾಗಿ ಕಮೆಂಟ್ ಮಾಡಿದ್ದಾರೆ.
ಈ ವಿಡಿಯೋವನ್ನ ಎಲ್ಲಿ ಚಿತ್ರೀಕರಿಸಲಾಗಿದೆ ಎಂಬುದು ಸ್ಪಷ್ಟವಾಗಿ ತಿಳಿದುಬಂದಿಲ್ಲ.
https://www.youtube.com/watch?v=fgvwCb-ovv8
