ವೀಡಿಯೋ: ಮನೆ ಮುಂದೆ ಆಟವಾಡ್ತಿದ್ದ ಹೆಣ್ಣು ಮಗುವಿನ ಅಪಹರಣ!

ಸಿದ್ದಾಪುರ: ಬೆಂಗಳೂರಲ್ಲಿ ಹಾಡಹಗಲೇ ಮೂರು ವರ್ಷದ ಮಗುವನ್ನು ಅಪಹರಣ ಮಾಡಲಾಗಿದೆ. ಸಿದ್ದಾಪುರದ ಗುಟ್ಟೆಪಾಳ್ಯದಲ್ಲಿ ಮನೆಯ ಹೊರಗೆ ಆಟವಾಡುತ್ತಿದ್ದ ಮೂರು ವರ್ಷದ ಕತೀಜಾ ಕುಬ್ರಾ ಅನ್ನೋ ಮಗುವನ್ನು ಅಪಹರಣ ಮಾಡಲಾಗಿದೆ.

ಶನಿವಾರ ಮಧ್ಯಾಹ್ನ 1 ಗಂಟೆ 50 ನಿಮಿಷಕ್ಕೆ ನಡೆದಿರುವ ಈ ಕೃತ್ಯ ಏರಿಯಾದಲ್ಲಿರುವ ಸಿಸಿಟಿವಿಯಲ್ಲಿ ರೆಕಾರ್ಡ್ ಆಗಿದೆ. ಕತೀಜಾ ತನ್ನ ದೊಡ್ಡಪ್ಪನ ಮಗ ಬುರಾನ್ ಜೊತೆ ಆಟವಾಡ್ತಿದ್ದಳು. ಈ ವೇಳೆ ಬಂದ ಹುಡುಗನೊಬ್ಬ ಆಕೆಯನ್ನು ಎತ್ತಿಕೊಂಡು ಪರಾರಿಯಾಗಿದ್ದಾನೆ.

ಏರಿಯಾದಲ್ಲಿ ಸಲ್ಯೂಷನ್(ಡ್ರಗ್ಸ್) ಹೊಡೆಯುವ ಹುಡುಗರೇ ಈ ಕೃತ್ಯ ನಡೆಸಿರುವ ಶಂಕೆ ವ್ಯಕ್ತವಾಗಿದೆ. ಪೋಷಕರು ಸಿದ್ದಾಪುರ ಠಾಣೆಗೆ ಪೋಷಕರು ದೂರು ನೀಡಿದ್ದಾರೆ. ಸದ್ಯ ಮಗುವಿಗಾಗಿ ಹುಡುಕಾಟ ನಡೆಯುತ್ತಿದೆ.