`ಈ ಸಲ ಕಪ್ ನಮ್ದೆ’ ಎಂದು ಮಗ, ಪತ್ನಿ ಜೊತೆ ಎಬಿಡಿ ಆಟೋ ರೈಡ್!

ಬೆಂಗಳೂರು: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಸ್ಫೋಟಕ ಬ್ಯಾಟ್ಸ್ ಮೆನ್ ಎಬಿಡಿ ಎಲಿಯರ್ಸ್ ತನ್ನ ಪತ್ನಿ ಡೇನಿಯಲ್ ಹಾಗೂ ಪುತ್ರ ಅಬ್ರಹಾಂನೊಂದಿಗೆ ಈ ಸಲ ಕಪ್ ನಮ್ದೆ ಎಂದು ಹೇಳುತ್ತಾ ಆಟೋರಿಕ್ಷಾ ಏರಿ ಬೆಂಗಳೂರು ಸುತ್ತಿದ್ದಾರೆ.

ಎಬಿಡಿ ಡೇನಿಯಲ್ ಹಾಗೂ ಅಬ್ರಹಾಂನೊಂದಿಗೆ ಆಟೋ ಹಿಡಿದು ಬೆಂಗಳೂರು ತಿರುಗಿದ್ದಾರೆ. ಈ ವೇಳೆ ಅಭಿಮಾನಿಗಳು ಬೈಕಿನಲ್ಲಿ ಬಂದು ಅವರ ಆಟೋವನ್ನು ಫಾಲೋ ಮಾಡಿದ್ದಾರೆ. ಅಲ್ಲದೇ ಎಬಿಡಿಯಿರುವ ಆಟೋ ಹತ್ತಿರ ಅಭಿಮಾನಿಗಳು ಬಂದು ಈ ಸಲ ಕಪ್ ನಮ್ದೆ ಎಂದು ಜೋರಾಗಿ ಹೇಳುತ್ತಿದ್ದರು. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಇದೀಗ ಪಬ್ಲಿಕ್ ಟಿವಿಗೆ ಲಭಿಸಿದೆ.

ಅಭಿಮಾನಿಗಳು ಕಿರುಚಾಡುವುದನ್ನು ಕಂಡು ಖುಷಿಯಿಂದ ಎಬಿಡಿ ಕೂಡ ಈ ಸಲ ಕಪ್ ನಮ್ದೆ ಎಂದು ಹೇಳಿದ್ದಾರೆ. ವಿಶೇಷವೆನೆಂದರೆ ಎಬಿಡಿ ಹೇಳಿದ್ದನ್ನು ನೋಡಿ ಅಬ್ರಹಾಂ ಹಾಗೂ ಅವರ ಡೇನಿಯಲ್ ಕೂಡ ಆರ್‌ಸಿಬಿ ಸ್ಲೋಗನ್ ಹೇಳಿದ್ದಾರೆ.

ಎಬಿಡಿ ಕುಟುಂಬ ಆರ್‌ಸಿಬಿ ಸ್ಲೋಗನ್ ಹೇಳುವುದನ್ನು ಕೇಳಿ ಅಭಿಮಾನಿಗಳು ತುಂಬಾ ಖುಷಿಯಾಗಿ ಅವರ ಆಟೋ ರೈಡಿನಲ್ಲಿ ಸಾಥ್ ನೀಡಿದ್ದರು. ಎಬಿಡಿ ಹಾಗೂ ಕುಟುಂಬ ಈ ಸಲ ಕಪ್ ನಮ್ದೆ ಹೇಳುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗಿದೆ. ಎಬಿಡಿ ಅವರಿಗೆ ಕನ್ನಡ ಮೇಲಿರುವ ಪ್ರೀತಿ ನೋಡಿ ಎಲ್ಲರು ತಮ್ಮ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

https://www.youtube.com/watch?v=JBrLFCrIYVc