ದಸರಾ ಹಬ್ಬ ಧಾಮ್‌ಧೂಮ್ ಮಾಡೋಕೆ ಸಾಲು ಸಾಲು ಸಿನಿಮಾಗಳು ತುದಿಗಾಲಿನಲ್ಲಿ ನಿಂತು ಕಾಯುತ್ತಿವೆ. ರಜನಿಕಾಂತ್ ನಟನೆಯ ವೆಟ್ಟೈಯಾನ್‌ ಸಿನಿಮಾ ಇದೇ ಅಕ್ಟೋಬರ್ 10ಕ್ಕೆ ತೆರೆಗೆ ಬರುತ್ತಿದೆ. ಇನ್ನು ಸೂರ್ಯ ನಟನೆಯ ‘ಕಂಗುವ’ ಸಿನಿಮಾ ಅಕ್ಟೋಬರ್‌ನಲ್ಲಿ ಬೆಳ್ಳಿತೆರೆ ಮೇಲೆ ಕಮಾಲ್ ಮಾಡೋಕೆ ಸಿದ್ಧವಾಗಿತ್ತು. ಆದ್ರೆ ರಜನಿಕಾಂತ್ ಸಿನಿಮಾ ಹಾಗೂ ‘ಕಂಗುವ’ ಸಿನಿಮಾ ಒಂದೇ ಟೈಮಿಗೆ ಬರೋದ್ರಿಂದ ಡೇಟ್ ಕ್ಲ್ಯಾಶ್ ಆಗುತ್ತೆ ಎನ್ನುವ ಕಾರಣದಿಂದ ‘ಕಂಗುವ’ (Kanguva) ಸಿನಿಮಾತಂಡ ಡೇಟ್ ಪೋಸ್ಟ್‌ಪೋನ್ ಮಾಡಿದೆ.
Advertisement
ಒಂದು ಕಡೆ ರಜನಿಕಾಂತ್ ನಟನೆಯ ಹೈವೋಲ್ಟೇಜ್ ಸಿನಿಮಾ ‘ವೆಟ್ಟೈಯಾನ್‌’ (Vettaiyan), ಮತ್ತೊಂದು ಕಡೆ ಸೂರ್ಯ ನಟನೆಯ ವೆರಿ ಡಿಫರೆಂಟ್ ಸಿನಿಮಾ ‘ಕಂಗುವ’. ಈ ಎರಡೂ ಸಿನಿಮಾ ದಸರಾ ಹಬ್ಬಕ್ಕೆ ಭಕ್ತಗಣಕ್ಕೆ ಹೋಳಿಗೆ ಊಟ ಹಾಕೋಕೆ ರೆಡಿಯಾಗಿದ್ದವು. ಸ್ಟಾರ್ ನಟರ ಸಿನಿಮಾಗಳು ಎಂದಾಗ ಕೊಂಚ ಗ್ಯಾಪ್ ಇದ್ರೆ ಚೆನ್ನಾಗಿರುತ್ತೆ. ಇಷ್ಟು ದಿನ ಕಾದಿದ್ದಕ್ಕೂ ಅಭಿಮಾನಿಗಳು ಸಮಾಧಾನದಿಂದ ಸಿನಿಮಾ ನೋಡೋಕಾಗುತ್ತೆ ಅನ್ನೋ ಆಲೋಚನೆಯಿಂದ `ಕಂಗುವ’ ಚಿತ್ರತಂಡ ರಿಲೀಸ್ ದಿನಾಂಕವನ್ನ ಮುಂದೂಡಿದೆ.
Advertisement
Advertisement
ಅಂದಹಾಗೆ `ಕಂಗುವ’ ಸಿನಿಮಾ ನವೆಂಬರ್ 14ಕ್ಕೆ ಬಿಡುಗಡೆ ಮಾಡುವುದಾಗಿ ಚಿತ್ರತಂಡ ಅನೌನ್ಸ್ ಮಾಡಿದೆ. ಈ ಸಿನಿಮಾದಲ್ಲಿ ಸೂರ್ಯಗೆ ಖಡಕ್ ವಿಲನ್ ಆಗಿ ಬಾಲಿವುಡ್ ನಟ ಬಾಬಿ ಡಿಯೋಲ್ ಪೈಪೋಟಿಗಿಳಿದಿದ್ದಾರೆ. ಇನ್ನುಳಿದಂತೆ `ಕಂಗುವ’ ಚಿತ್ರದಲ್ಲಿ ಜಗಪತಿ ಬಾಬು, ದಿಶಾ ಪಟಾನಿ, ಕಿಚ್ಚ ಸುದೀಪ್ ಸೇರಿದಂತೆ ಅತೀದೊಡ್ಡ ತಾರಾಗಣವಿದೆ.ಇದನ್ನೂ ಓದಿ:ಲೈಂಗಿಕ ದೌರ್ಜನ್ಯ ಆರೋಪ – ಖ್ಯಾತ ನೃತ್ಯ ನಿರ್ದೇಶಕ ಜಾನಿ ಮಾಸ್ಟರ್ ಅರೆಸ್ಟ್‌
Advertisement
‘ಕಂಗುವ’ ಸಿನಿಮಾಗೆ ಶಿವ ನಿರ್ದೇಶನ ಮಾಡಿದ್ದು, ಸ್ಟುಡಿಯೋ ಗ್ರೀನ್ ಹಾಗೂ ಯುವಿ ಕ್ರಿಯೇಷನ್ಸ್ ಬ್ಯಾನರ್‌ನಲ್ಲಿ ಸಿನಿಮಾ ನಿರ್ಮಾಣ ಮಾಡಲಾಗಿದೆ. ಈಗಾಗ್ಲೇ ಟ್ರೈಲರ್ ಮೂಲಕವೇ ‘ಕಂಗುವ’ ಹಾಗೂ ‘ವೆಟ್ಟೈಯಾನ್‌’ ಸಿನಿಮಾ ಗಮನ ಸೆಳೆದಿವೆ.
