ಸ್ಯಾಂಡಲ್ವುಡ್ನ (Sandalwood) ಪ್ರತಿಭಾವಂತ ನಟ ವಸಿಷ್ಠ ಸಿಂಹ (Vasista simha) ಮತ್ತು ಹರಿಪ್ರಿಯಾ (Haripriya) ಜೋಡಿ ಹಸೆಮಣೆ ಏರಲು ಕೌಂಟ್ ಶುರುವಾಗಿದೆ. ಕನ್ನಡದ ಸಿನಿ ತಾರೆಯರಿಗೆ ಮದುವೆ ಆಮಂತ್ರಣ (Wedding Card) ಪತ್ರಿಕೆ ನೀಡಿದ್ದಾರೆ. ಈ ಕುರಿತ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡ್ತಿದೆ.
ಎರಡೂವರೆ ವರ್ಷಗಳ ಪ್ರೀತಿಗೆ ಮದುವೆಯೆಂಬ ಮುದ್ರೆ ಒತ್ತಲು ವಸಿಷ್ಠ ಮತ್ತು ಹರಿಪ್ರಿಯಾ ರೆಡಿಯಾಗಿದ್ದಾರೆ. ಈ ಮದುವೆ ಸಂಭ್ರಮಕ್ಕೆ ಸ್ಯಾಂಡಲ್ವುಡ್ ಸ್ಟಾರ್ಗಳಿಗೆ ಪ್ರೀತಿಯಿಂದ ಈ ಜೋಡಿ ಆಹ್ವಾನ ನೀಡಿದೆ.
ಸ್ಯಾಂಡಲ್ವುಡ್ನ ಹಿರಿಯ ನಟ ಅನಂತ್ ನಾಗ್ (Ananthnag) ಮತ್ತು ನಟ ಕಿಚ್ಚ ಸುದೀಪ್ (Kiccha sudeep) ನಿವಾಸಕ್ಕೆ ತೆರಳಿ ಹರಿಪ್ರಿಯಾ ಜೋಡಿ ಆಮಂತ್ರಣ ನೀಡಿದ್ದಾರೆ.
`ಕಾಂತಾರ’ ಚಿತ್ರದ ಸೂಪರ್ ಸ್ಟಾರ್ ರಿಷಬ್ ಶೆಟ್ಟಿ (Rishab Shetty) ದಂಪತಿ ಮತ್ತು ಜಗ್ಗೇಶ್ (Actor Jaggesh) ದಂಪತಿಗೆ ಮದುವೆಗೆ ಆಹ್ವಾನ ನೀಡಿದ್ದಾರೆ.
ಶಿವರಾಜ್ ಕುಮಾರ್ ದಂಪತಿ, ಉಪೇಂದ್ರ ದಂಪತಿ ಮತ್ತು ನಟಿ ಕಮ್ ಸಂಸದೆ ಸುಮಲತಾ, ನಟಿ ಶ್ರುತಿ, ಮಾಲಾಶ್ರೀ, ನಟ ಪ್ರೇಮ್ ದಂಪತಿ, ಗಿರಿಜಾ ಲೋಕೇಶ್ ಕುಟುಂಬ ಸೇರಿದಂತೆ ಹಲವರಿಗೆ ಮದುವೆ ಪತ್ರಿಕೆ ಈಗಾಗಲೇ ನೀಡಿದ್ದಾರೆ.
ಕ್ರೇಜಿ ಸ್ಟಾರ್ ರವಿಚಂದ್ರನ್ ಮತ್ತು ಅಮೂಲ್ಯ ಜಗದೀಶ್ ಜೋಡಿಗೆ ಆಮಂತ್ರಣ ಪತ್ರಿಕೆ ಕೊಟ್ಟಿದ್ದಾರೆ. ಮದುವೆ ಮತ್ತು ಆರತಕ್ಷತೆ ದಿನ ಸ್ಯಾಂಡಲ್ವುಡ್ ಜೊತೆ ಪರಭಾಷೆಯ ಸ್ಟಾರ್ಸ್ ಕೂಡ ಬರಲಿದ್ದಾರೆ. ಹರಿಪ್ರಿಯಾ ಬಹುಭಾಷಾ ನಟಿಯಾಗಿ ಗುರುತಿಸಿಕೊಂಡಿರುವ ಕಾರಣ ಪಕ್ಕದ ರಾಜ್ಯ ಸ್ಟಾರ್ ಕಲಾವಿದರ ದಂಡೇ ಸಿಂಹಪ್ರಿಯ ಮದುವೆಯಲ್ಲಿ ಮಿಂಚಲಿದ್ದಾರೆ.
Live Tv
[brid partner=56869869 player=32851 video=960834 autoplay=true]
Join our Whatsapp group by clicking the below link
https://chat.whatsapp.com/E6YVEDajTzH06LOh77r25k