ಬೆಂಗಳೂರು: ಈಶ್ವರಪ್ಪಗೂ ಸೋಮಣ್ಣಗೂ ಒಂಥರಾ ನಂಟು ಅಂತೆ. ಆ ನಂಟಿನ ಗಂಟನ್ನ ಸೋಮಣ್ಣ ಬಿಡಿಸಿದರು. ವಿಕಾಸಸೌಧದ ಅವರ ಕೊಠಡಿಯಲ್ಲಿ ವಿ.ಸೋಮಣ್ಣ ಸುದ್ದಿಗೋಷ್ಠಿ ಕರೆದಿದ್ದರು. ಆಗ ನಮ್ ಕಡೆ ಬರೋದಿಲ್ಲ ನೀವು, ವಿಧಾನಸೌಧ ನೋಡ್ಕೊಂಡು ಹೋಗ್ತಿರಾ ಅಂತಾ ಮಾಧ್ಯಮದವರಿಗೆ ತಮಾಷೆ ಮಾಡಿದರು.
ಆಗ ವಿಧಾನಸೌಧದಲ್ಲಿ ನೀವು ಇರಬೇಕಿತ್ತು ಅಂತಾ ಮಾಧ್ಯಮದವರು ಕಿಚಾಯಿಸಿದಾಗ ಈಶ್ವರಪ್ಪ ನಂಟನ್ನ ಬಿಡಿಸಿ ಹೇಳಿದರು. ಮೊದಲು ನನ್ಗೆ ಈಗ ಈಶ್ವರಪ್ಪ ಇರುವ ರೂಮ್ ಕೊಟ್ಟಿದ್ದರು. ನಾನು ಪೂಜೆ ಮಾಡೋದಕ್ಕೆ ಹೋಗುವ ಮುಂಚೆ ಈಶ್ವರಪ್ಪ ಹೋಗಿ ಪೂಜೆ ಮಾಡಿಬಿಟ್ಟಿದ್ದರು. ಅಯ್ಯೋ ನಮ್ ಸೋಮಣ್ಣ ಅಲ್ವಾ ಬಿಡ್ರೋ, ನಾನು ಹೇಳ್ಕೋತೀನಿ ಅಂತೇಳಿ ನನಗೆ ಕೊಟ್ಟಿದ ವಿಧಾನಸೌಧದ ಕೊಠಡಿಗೆ ಈಶ್ವರಪ್ಪ ಹೋದ್ರು ಅಂತಾ ನಕ್ಕಿದರು.
ನಾನು ಹೋಗಲಿ ಬಿಡ್ರಪ್ಪಾ ಅವನು ಈಶ್ವರ ಇವನು ಈಶ್ವರ ಅಂತಾ ಸುಮ್ಮನಾಗಿ ವಿಕಾಸಸೌಧಕ್ಕೆ ಬಂದೆ ಅಂತ ಹೇಳಿದರು. ಸೋಮಣ್ಣ ಈಶ್ವರಪ್ಪ ನಂಟಿನ ಸ್ಟೋರಿ ಕೇಳಿದ ಮಾಧ್ಯಮ ಮಿತ್ರರು, ಅಧಿಕಾರಿಗಳು ಪಾಪ ಹಿಂಗಾಯ್ತಾ ಅಂತಾ ನಗೆಗಡಲಲ್ಲಿ ತೇಲಿದರು.
