ನವದೆಹಲಿ: ಮೆಟ್ರೋ ಕಾಮಗಾರಿಯ ಗಾರ್ಡರ್ ಬಿದ್ದು ಆಟೋ, ಕಾರ್ ಮತ್ತು ಎರಡು ಬೈಕ್‍ಗಳು ಜಖಂಗೊಂಡಿರುವ ಘಟನೆ ನವದೆಹಲಿಯ ಮೋಹನ್ ನಗರದಲ್ಲಿ ಸೋಮವಾರ ನಡೆದಿದೆ.
ಮೋಹನ್ ನಗರದಲ್ಲಿ ಮೆಟ್ರೋ ನಿರ್ಮಾಣದ ಕಾಮಗಾರಿ ನಡೆಯುತ್ತಿದ್ದು, ಮೇಲ್ಗಡೆಯಿಂದ ಕಬ್ಬಿಣದ ಗಾರ್ಡರ್ ಬಿದ್ದಿದೆ. ಈ ವೇಳೆ ರಸ್ತೆಯಲ್ಲಿ ಚಲಿಸುತ್ತಿದ್ದ ವಾಹನಗಳ ಮೇಲೆಯೇ ಗಾರ್ಡರ್ ಬಿದ್ದಿದ್ದರಿಂದ ಆಟೋ, ಕಾರ್ ಮತ್ತು ಎರಡು ಬೈಕ್ ಗಳು ಸಂಪೂರ್ಣ ಜಖಂಗೊಂಡಿವೆ. ಘಟನೆಯಲ್ಲಿ ಗಾಯಗೊಂಡ 7 ಜನರನನ್ನು ಸ್ಥಳೀಯ ಸಾರ್ವಜನಿಕ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಸೀಮಾ ಮತ್ತು ಅತುಲ್ ಎಂಬವರಿಗೆ ಗಂಭೀರವಾಗಿ ಗಾಯಗೊಂಡಿದ್ದು, ಐಸಿಯುನಲ್ಲಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ. ಬಿದ್ದಿರುವ ಗಾರ್ಡರ್ ನ್ನು ಭಾನುವಾರ ರಾತ್ರಿಯೇ ಮೆಟ್ರೋ ಕಂಬಗಳ ಮೇಲೆ ಏರಿಸಲಾಗಿತ್ತು ಎಂದು ವರದಿಯಾಗಿದೆ.
Seven injured after a guarder of Delhi Metro falls down in Mohan Nagar, #Ghaziabad. pic.twitter.com/f0WcR5JpRk
— ANI UP (@ANINewsUP) April 23, 2018
