ವಾಷಿಂಗ್ಟನ್: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ವಿರುದ್ಧ ನ್ಯೂಯಾರ್ಕ್ ನಿಯತಕಾಲಿಕೆಯ ಲೇಖಕಿ ಲೈಂಗಿಕ ದೌರ್ಜನ್ಯದ ಆರೋಪ ಮಾಡಿದ್ದಾರೆ.
ಮ್ಯಾನ್‍ಹಟನ್ ರಿಯಲ್ ಎಸ್ಟೇಟ್ ಕಂಪನಿಯಲ್ಲಿ ತನ್ನ ಮೇಲೆ ಟ್ರಂಪ್ ಲೈಂಗಿಕ ದೌರ್ಜನ್ಯವೆಸಗಿರುವುದಾಗಿ ಮಹಿಳೆ ಹೇಳಿಕೊಂಡಿದ್ದಾರೆ. 75 ವರ್ಷದ ಇ ಜೀನ್ ಕ್ಯಾರೋಲ್ 1995-96 ರಲ್ಲಿ ಮ್ಯಾನ್‍ಹಟನ್‍ನ ಬರ್ಗ್‍ಡ್ರಾಫ್ ಅಂಗಡಿಯಲ್ಲಿ ನಡೆದಿರುವ ಘಟನೆಯನ್ನು ಮೆಲುಕು ಹಾಕಿದ್ದಾರೆ.
ಆಗ ಟ್ರಂಪ್‍ಗೆ 40-50 ವರ್ಷ ಆಗಿರಬಹುದು. 49-50 ವಯಸ್ಸಿನ ನನ್ನನ್ನು, ತನ್ನ ಸ್ನೇಹಿತೆಗೆ ಯಾವ ಉಡುಗೊರೆ ನೀಡಬಹುದು ಎಂದು ಕೇಳಿದ್ದರು. ಅದಕ್ಕೆ ನಾನು ಬೂದು ಬಣ್ಣದ ಲೇಸಿ ಸೀ-ಬಾಡಿಸೋಟ್‍ನ್ನು ಅಯ್ಕೆ ಮಾಡಿದ್ದೆ. ತದನಂತರ ಅದನ್ನು ನನಗೆ ಕೊಟ್ಟು, ಹೇಗೆ ಕಾಣಿಸುತ್ತದೆಂದು ತೋರಿಸಲು ಆ ಬಟ್ಟೆ ಧರಿಸುವಂತೆ ಒತ್ತಾಯಿಸಿದರು. ಹೀಗಾಗಿ ನಾನು ಆ ಬಟ್ಟೆ ತೆಗೆದುಕೊಂಡು ಟ್ರಯಲ್ ರೂಂ ಗೆ ತೆರಳಿದೆ. ಅಲ್ಲಿಗೆ ಬಂದ ಟ್ರಂಪ್ ನನ್ನ ಮೇಲೆ ಸುಮಾರು 3 ನಿಮಿಷಗಳ ಕಾಲ ಲೈಂಗಿಕ ದೌರ್ಜನ್ಯ ಎಸಗಿದ್ದಾರೆ ಎಂದು ದೂರಿದ್ದಾರೆ.
ನನ್ನ ಎರಡು ತೋಳುಗಳನ್ನು ಬಿಗಿಯಾಗಿ ಹಿಡಿದು ಗೋಡೆ ಕಡೆಗೆ ನನ್ನನ್ನು ತಳ್ಳಿದರು. ನನ್ನ ಒಳ ಉಡುಪಿಗೆ ಕೈ ಹಾಕಿ ಅದನ್ನು ಎಳೆದು ಲೈಂಗಿಕವಾಗಿ ಬಳಸಿಕೊಂಡರು. ನಾನು ಅವರನ್ನು ಬಲವಾಗಿ ತಳ್ಳಿ ಅಲ್ಲಿಂದ ಪರಾರಿಯಾದೆನು ಎಂದು ಆರೋಪಿಸಿ ತಮ್ಮ ನಿಯತಕಾಲಿಯಲ್ಲಿ ಬರೆದಿದ್ದಾರೆ.
ಇದು ನಡೆದ 25 ವರ್ಷಗಳ ನಂತರ ಹೊರಬಂದಿರುವ ಕಾರಣ ಇದು ಶುದ್ಧ ಸುಳ್ಳು. ಅಧ್ಯಕ್ಷರನ್ನು ಕೆಟ್ಟವರೆಂದು ಬಿಂಬಿಸಲು ಈ ರೀತಿ ಮಾಡಿದ್ದಾರೆ ಶ್ವೇತಭವನದ ವಕ್ತಾರರೊಬ್ಬರು ಮಹಿಳೆಯ ಆರೋಪವನ್ನು ತಳ್ಳಿ ಹಾಕಿದ್ದಾರೆ.
ಇದಕ್ಕೆ ಪ್ರತಿಕ್ರಿಯಿಸಿರುವ ಟ್ರಂಪ್, ನಾನು ಈ ಮಹಿಳೆಯನ್ನೂ ಎಂದಿಗೂ ಭೇಟಿಯೇ ಮಾಡಿಲ್ಲ. ಅದಲ್ಲದೆ ಆಕೆ ತಮ್ಮ ನಿಯತಕಾಲಿಕೆಯಲ್ಲಿ ಇದೆಲ್ಲವನ್ನೂ ಬರೆದಿರುವುದು ಪುಸ್ತಕದ ಮಾರಾಟವನ್ನು ಹೆಚ್ಚಿಸಲು ಅಷ್ಟೇ. ಏಕೆ ಅವರ ಬಳಿ ಚಿತ್ರಗಳಿಲ್ಲವೇ, ಸಾಕ್ಷಿಗಳಿಲ್ಲವೆ ಏಕೆ ಅದೆಲ್ಲವನ್ನು ಬರವಣಿಗೆಯಲ್ಲಿ ಗುರುತಿಸಿಲ್ಲ. ಏಕೆಂದರೆ ಈ ಘಟನೆ ಸಂಭವಿಸಿಲ್ಲವೆಂಬುದು ಖಚಿತವಾಗಿದೆ. ನಮ್ಮ ಡೆಮಾಕ್ರಟಿಕ್ ಪಕ್ಷ ನಿಯತಕಾಲಿಕೆಯೊಂದಿಗೆ ಕಾರ್ಯನಿರ್ವಹಿಸುತ್ತಿದೆ ಎಂಬ ಮಾಹಿತಿ ಹೊಂದಿರುವವರು ಆದಷ್ಟು ಬೇಗ ತಿಳಿಸಿ ಎಂದರು.
ಈ ಹಿಂದೆಯೂ ಸುಮಾರು 15ಕ್ಕೂ ಹೆಚ್ಚು ಮಹಿಳೆಯರು ಟ್ರಂಪ್ ವಿರುದ್ಧ ಲೈಂಗಿಕ ದೌರ್ಜನ್ಯದ ಆರೋಪ ಮಾಡಿದ್ದರು.
[wonderplugin_video iframe=”https://www.youtube.com/watch?v=7Z2BzrhFEKQ” lightbox=0 lightboxsize=1 lightboxwidth=960 lightboxheight=540 autoopen=0 autoopendelay=0 autoclose=0 lightboxtitle=”” lightboxgroup=”” lightboxshownavigation=0 showimage=”” lightboxoptions=”” videowidth=600 videoheight=400 keepaspectratio=1 autoplay=1 loop=1 videocss=”position:relative;display:block;background-color:#000;overflow:hidden;max-width:100%;margin:0 auto;” playbutton=”https://publictv.in/wp-content/plugins/wonderplugin-video-embed/engine/playvideo-64-64-0.png”]
