ಬಾಹುಬಲಿಗಾಗಿ 5 ವರ್ಷ ಮುಡಿಪಿಟ್ಟ ನಿರ್ದೇಶಕ ರಾಜಮೌಳಿಗೆ ಎಷ್ಟು ಹಣ ಸಿಗುತ್ತೆ ಗೊತ್ತಾ?

ಹೈದರಾಬಾದ್: ಎಸ್‍ಎಸ್ ರಾಜಮೌಳಿ ನಿರ್ದೇಶನದ ಬಾಹುಬಲಿ-2 ಚಿತ್ರ ಬಿಡುಗಡೆಯಾಗಿ ಯಶಸ್ವಿ ಪ್ರದರ್ಶನ ಕಾಣ್ತಿದ್ದು, ಹಲವಾರು ದಾಖಲೆಗಳನ್ನ ಬರೆದಿದೆ. ಚಿತ್ರದಲ್ಲಿ ನಟಿಸಿರೋ ಪ್ರಭಾಸ್, ಅನುಷ್ಕಾ ಶೆಟ್ಟಿ, ರಾಣಾ ದಗ್ಗುಬಾಟಿ, ತಮನ್ನಾ ಭಾಟಿಯಾ ಮುಂತಾದ ನಟ ನಟಿಯರನ್ನ ಸಿನಿರಸಿಕರು ಕೊಂಡಾಡಿದ್ದಾರೆ. ಇವರ ಮಧ್ಯೆ ನಿರ್ದೇಶಕ ರಾಜಮೌಳಿ ಕೂಡ ಹಿಂದೆ ಉಳಿದಿಲ್ಲ. ಭಾರತೀಯ ಚಿತ್ರರಂಗದಲ್ಲೇ ಎಸ್‍ಎಸ್ ರಾಜಮೌಳಿ ಯಶಸ್ವಿ ನಿರ್ದೇಶಕರೆನಿಸಿಕೊಂಡಿದ್ದಾರೆ.

ಇದನ್ನೂ ಓದಿ: ಮೊದಲ ದಿನವೇ ನೂರು ಕೋಟಿ ಬಾಚಿದ ಬಾಹುಬಲಿ: ಕರ್ನಾಟಕದಲ್ಲಿ ಎಷ್ಟು ಕಲೆಕ್ಷನ್? ಉಳಿದ ಕಡೆ ಎಷ್ಟು?

ಬಾಹುಬಲಿ ಚಿತ್ರದ ಬಜೆಟ್ ಎಷ್ಟು, ಬಿಡುಗಡೆಯಾದ್ಮೇಲೆ ಚಿತ್ರದ ಮೊದಲ ದಿನದ ಕಲೆಕ್ಷನ್ ಎಷ್ಟು ಎಂಬುದರ ಬಗ್ಗೆ ಈಗಾಗಲೇ ಸುದ್ದಿಯಾಗಿದೆ. ಆದರೆ ಬಾಹುಬಲಿ ಭಾಗ-1 ಹಾಗೂ 2ಕ್ಕೆ ನಿರ್ದೇಶಕ ರಾಜಮೌಳಿ ಅವರಿಗೆ ಸಿಕ್ಕ ಸಂಭಾವನೆ ಎಷ್ಟು ಅನ್ನೋದು ಗೊತ್ತಾ? 5 ವರ್ಷಗಳ ಕಾಲ ತಮ್ಮ ಬದುಕು ಮತ್ತು ಸಮಯವನ್ನ ಬಾಹುಬಲಿ ಮತ್ತು ಬಾಹುಬಲಿ ದಿ ಕನ್‍ಕ್ಲೂಷನ್ ಚಿತ್ರಕ್ಕಾಗಿ ಮುಡಿಪಿಟ್ಟ ರಾಜಮೌಳಿ ಅವರಿಗೆ ಎರಡೂ ಚಿತ್ರಗಳ ಲಾಭದಲ್ಲಿ 3ನೇ ಒಂದು ಭಾಗಷ್ಟು ಹಣ ಸಿಗಲಿದೆ. ಅಲ್ಲದೆ ಅವರು ಈ 5 ವರ್ಷಗಳಲ್ಲಿ ಚಿತ್ರದ ಮೇಕಿಂಗ್‍ನಲ್ಲಿ ಭಾಗಿಯಾಗಿದ್ದರಿಂದ ಅವರ ಸ್ವಂತ ಖರ್ಚುಗಳನ್ನೂ ನಿರ್ಮಾಪಕರು ಭರಿಸಿದ್ದಾರೆ ಎಂದು ವರದಿಯಾಗಿದೆ.

ಎರಡೂ ಚಿತ್ರಗಳಿಗಾಗಿ ಬರೋಬ್ಬರಿ 450 ಕೋಟಿ ರೂ. ಖರ್ಚು ಮಾಡಲಾಗಿದ್ದು, ಈಗಾಗಲೇ ಭಾರೀ ಲಾಭ ಗಳಿಸಿದೆ. ಒಪ್ಪಂದದ ಪ್ರಕಾರ ರಾಜಮೌಳಿ ಲಾಭದ ಮೂರನೇ ಒಂದು ಭಾಗದಷ್ಟು ಹಣವನ್ನ ತೆಗೆದುಕೊಳ್ಳಲಿದ್ದಾರೆ. ಎಲ್ಲಾ ನಾಲ್ಕು ಭಾಷೆಗಳಲ್ಲಿ ಬಾಹುಬಲಿ-2 ಚಿತ್ರದ ಸ್ಯಾಟಿಲೈಟ್ ಮತ್ತು ಇತರೆ ರೈಟ್ಸ್ ಗಳು 438 ಕೋಟಿ ರೂ. ಗೆ ಮಾರಾಟವಾಗಿದೆ.

ಇದನ್ನೂ ಓದಿ: ಭಾರತೀಯ ಚಿತ್ರರಂಗದಲ್ಲಿ ಒಂದೇ ದಿನ 10 ದಾಖಲೆಗಳನ್ನು ಬರೆದ ಬಾಹುಬಲಿ-2: ಇಲ್ಲಿದೆ ಪೂರ್ಣ ಪಟ್ಟಿ