ಉಡುಪಿ: ಕೊರೊನಾ ಲಾಕ್‍ಡೌನ್ ಎಫೆಕ್ಟ್ ಪುರುಷರ ತಲೆಕೂದಲ ಮೇಲೂ ಬಿದ್ದಿದೆ. ಹೆಂಡತಿ ಗಂಡನ ಹೇರ್ ಕಟ್ ಮಾಡುವ ಪರಿಸ್ಥಿತಿ ಬಂದಿದೆ.
ಕಳೆದ 15 ದಿನಗಳಿಂದ ಉಡುಪಿಯಲ್ಲಿ ಕ್ಷೌರದಂಗಡಿಗಳು ಸಂಪೂರ್ಣ ಲಾಕ್ ಡೌನ್ ಆಗಿದ್ದು, ಜನತಾ ಕರ್ಫ್ಯೂಗೂ ಮೊದಲೇ ಕಟಿಂಗ್ ಶಾಪ್ ಮುಚ್ಚಲಾಗಿತ್ತು. ನಗರ, ಜಿಲ್ಲೆ ಹಳ್ಳಿಯ ಎಲ್ಲಾ ಅಂಗಡಿಗಳು ಮುಚ್ಚಿದೆ. ಬಿರು ಬೇಸಿಗೆ ಆಗುತ್ತಿರುವುದರಿಂದ ಉದ್ದ ಕೂದಲು ಬಂದ ಪುರುಷರಿಗೆ ಕಿರಿಕಿರಿಯಾಗುತ್ತಿದೆ.
ಸಲೂನ್ ಸಿಗದೆ ಮನೆಯಲ್ಲೇ ಕಟಿಂಗ್ ಮಾಡಿಸುತ್ತಿದ್ದಾರೆ. ಪತ್ನಿ ಕತ್ತರಿ ಬಾಚಣಿಗೆ ಹಿಡಿದುಕೊಂಡು ನೀಟಾಗಿ ಗಂಡನ ಕೂದಲು ಕಟ್ ಮಾಡುತ್ತಿದ್ದಾರೆ. ಈ ಮೂಲಕ ಸ್ಟೇ ಹೋಂ ಎಂದು ಸರ್ಕಾರ ಘೋಷಣೆ ಮಾಡಿದ್ದನ್ನು ಬಳಕೆ ಮಾಡಿಕೊಳ್ಳುತ್ತಿದ್ದಾರೆ. ಪತ್ನಿ, ಮಕ್ಕಳ ಕೈಯಲ್ಲಿ ಹೇರ್ ಕಟ್ ಮಾಡಿಸಿ ಫೇಸ್ ಬುಕ್ ಮತ್ತು ಇನ್‍ಸ್ಟಾ ನಲ್ಲಿ ಜನ ಫೋಟೋ ಅಪ್ಲೋಡ್ ಮಾಡುತ್ತಿದ್ದಾರೆ.
ಹೋಮ್ ಕಟಿಂಗ್ ಗೆ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಪ್ರಚಾರ ಸಿಗುತ್ತಿದೆ. ಹೇರ್ ಕಟಿಂಗ್ ಮಾಡಿದ ನೀತು ಹರೀಶ್ ಕಿಣಿ ಪಬ್ಲಿಕ್ ಟಿವಿ ಜೊತೆ ಮಾತನಾಡಿ, ಇದು ನನ್ನ ಮೊದಲನೇ ಅನುಭವ. ಫುಲ್ ಫ್ಯಾಮಿಲಿ ಮನೆಯಲ್ಲೇ ಇದ್ದಾರೆ. ಇದೂ ಒಂಥರಾ ಹೊಸ ಅನುಭವ ಕುಟುಂಬದವರ ಜೊತೆ ಇದ್ದೇವೆ ಎಂದರು. ಹೀಗೆಯೇ ಪರಿಸ್ಥಿತಿ ಮುಂದುವರಿದರೆ ಜನಕ್ಕೆ ಕಷ್ಟ ಆಗುತ್ತದೆ ಎಂದು ಹೇಳಿದರು.
