ಉಡುಪಿ: ಜಿಲ್ಲೆಯ ಕುಂದಾಪುರದ ಕೋಟದಲ್ಲಿ ಇಂಟರ್ನ್ಯಾಶನಲ್ ಮ್ಯಾರೇಜ್ ಆಗಿದೆ. ನೇಪಾಳದ ಯುವಕ ಉಡುಪಿಯ ಕೋಟ ಮಣೂರಿನ ಯುವತಿಯನ್ನು ಮದುವೆಯಾಗಿದ್ದಾರೆ.
ದಲಿತ ಸಮುದಾಯದ ಯುವತಿ ದೀಪಾ ಅವರು ನೇಪಾಳದ ಉಪೇನ್ ಡೈಮಾರಿ ಅವರನ್ನು ಕಳೆದ ಮೂರು ವರ್ಷಗಳಿಂದ ಪ್ರೀತಿ ಮಾಡುತ್ತಿದ್ದರು. ಈಗ ಎರಡೂ ಮನೆಯವರನ್ನು ಒಪ್ಪಿಸಿ ಇಬ್ಬರು ಕುಟುಂಬದ ಸಮ್ಮುಖದಲ್ಲೇ ಸತಿಪತಿಗಳಾಗಿದ್ದಾರೆ.ಒ
ಮೂರು ವರ್ಷಗಳ ಕಾಲ ಮನೆಯವರ ಒಪ್ಪಿಗೆಗಾಗಿ ಕಾದು ಕಾದು ಕೊನೆಗೂ ಕುಟುಂಬಸ್ಥರ ಒಪ್ಪಿಗೆ ಪಡೆದು ಸಪ್ತಪದಿ ತುಳಿದಿದ್ದಾರೆ. ನೇಪಾಳದಿಂದ ಉಪೇನ್ ಅವರ ಸುಮಾರು 20 ಮಂದಿ ಸಂಬಂಧಿಕರು ಬಂದಿದ್ದರು. ಯುವಕನಿಂದ ಬಿಡಿಗಾಸೂ ಪಡೆಯದೆ ಯುವತಿಯೇ ಮದುವೆಯ ಎಲ್ಲಾ ಖರ್ಚುವೆಚ್ಚವನ್ನು ಹಾಕಿರುವುದು ವಿಶೇಷ.
ಕುಂದಾಪುರದ ರಾಜಲಕ್ಷ್ಮೀ ಸಭಾಂಗಣದಲ್ಲಿ ಸರಳವಾಗಿ ಮದುವೆಯದರು. ಇಬ್ಬರೂ ಮೀನು ಫ್ಯಾಕ್ಟರಿಯಲ್ಲಿ ದಿನಗೂಲಿ ಮಾಡುತ್ತಿದ್ದು, ಮುಂದೆಯೂ ಇಲ್ಲೇ ದುಡಿಯುವುದಾಗಿ ಹೇಳಿದ್ದಾರೆ. ಸ್ಥಳೀಯರು, ಮೀನು ಫ್ಯಾಕ್ಟರಿಯ ಸಿಬ್ಬಂದಿ ಬಂದು ನವದಂಪತಿಗಳಿಗೆ ಹಾರೈಸಿದ್ದಾರೆ.
