ಪ್ಯಾಸೆಂಜರ್ ಜೊತೆ ಉಬರ್ ಚಾಲಕ ಸೆಕ್ಸ್- ತಕ್ಷಣ ಪೊಲೀಸ್ ಠಾಣೆಗೆ ಹೋದ

– ಚಾಲಕ ಸೆಕ್ಸ್ ಮಾಡ್ತಿದ್ದಾಗ ಮಹಿಳೆಗೆ ಎಚ್ಚರ

ಸ್ಯಾಕ್ರಮೆಂಟೋ: ನಶೆಯಲ್ಲಿದ್ದ ಮಹಿಳಾ ಪ್ಯಾಸೆಂಜರ್ ಮೇಲೆ ಉಬರ್ ಚಾಲಕ ಅತ್ಯಾಚಾರ ಎಸಗಿರುವ ಘಟನೆ ಕ್ಯಾಲಿಫೋರ್ನಿಯಾದ ಫೊಂಟಾನಾದಲ್ಲಿ ನಡೆದಿದೆ.

ಪೊಲೀಸರು ಉಬರ್ ಚಾಲಕ ಅಲೋನ್ಸೊ ಕ್ಯಾಲೆಯನ್ನು ಬಂಧಿಸಿದ್ದಾರೆ. ಸಂತ್ರಸ್ತೆ ಪಾರ್ಟಿ ಮುಗಿಸಿ ಉಬರ್ ಕಾರ್ ಹತ್ತಿದ್ದಾಳೆ. ಆದರೆ ನಶೆಯಲ್ಲಿದ್ದ ಮಹಿಳೆ ಕಾರಿನಲ್ಲಿಯೇ ಮಲಗಿಕೊಂಡಿದ್ದಳು. ನನಗೆ ಎಚ್ಚರವಾದಾಗ ಮೆಕ್‍ ಡರ್ಮೊಟ್ ಪಾರ್ಕ್ ಬಳಿ ಉಬರ್ ಚಾಲಕ ನನ್ನೊಂದಿಗೆ ಲೈಂಗಿಕ ಸಂಬಂಧ ಹೊಂದಿದ್ದನು ಎಂದು ಆರೋಪಿಸಿದ್ದಾಳೆ.

ಆದರೆ ಚಾಲಕ ಮಹಿಳೆ ಜೊತೆ ಸೆಕ್ಸ್ ಮಾಡಿದ ತಕ್ಷಣ ಫಾಂಟಾನಾ ಪೊಲೀಸ್ ಠಾಣೆಗೆ ಹೋಗಿದ್ದು, ಮಹಿಳೆಯ ಒಪ್ಪಿಗೆ ಮೇರೆಗೆ ನಾನು ಆಕೆಯೊಂದಿಗೆ ಸೆಕ್ಸ್ ಮಾಡಿದ್ದೇನೆ. ಆದರೆ ಮಹಿಳೆ ತನ್ನ ಮೇಲೆ ಅತ್ಯಾಚಾರ ಎಸಗಿದ್ದಾನೆಂದು ಹೇಳಬಹುದು ಎಂದು ಮಹಿಳೆ ದೂರು ಕೊಡುವ ಮೊದಲೇ ಪೊಲೀಸರಿಗೆ ತಿಳಿಸಿದ್ದಾನೆ.

ಮಹಿಳೆ ಮದ್ಯದ ನಶೆಯಲ್ಲಿದ್ದಳು ಎಂದು ನನಗೆ ತಿಳಿದಿತ್ತು. ಆದರೆ ಆಕೆಯ ಒಮ್ಮತದ ಮೇರೆಗೆ ನಾನು ಆಕೆಯೊಂದಿಗೆ ಲೈಂಗಿಕ ಸಂಬಂಧ ಹೊಂದಿದ್ದೆ ಎಂದು ಪೊಲೀಸ್ ಅಧಿಕಾರಿಯ ಬಳಿ ಹೇಳಿದ್ದಾನೆ.

ಸದ್ಯಕ್ಕೆ ಪೊಲೀಸರು ಮಹಿಳೆ ನೀಡಿದ ದೂರಿನ ಆಧಾರದ ಮೇರೆಗೆ ಚಾಲಕ ಕ್ಯಾಲೆಯನ್ನು ಬಂಧಿಸಿ, ಕೋರ್ಟಿಗೆ ಹಾಜರುಪಡಿಸಿದ್ದಾರೆ.