ಬಿಗ್‌ ಬಾಸ್‌ ಮನೆಗೆ ಗೆಸ್ಟ್‌ಗಳಾಗಿ ಬಂದಿದ್ದ ಮಾಜಿ ಸ್ಪರ್ಧಿಗಳು ಹೊರಡುವ ಸಮಯ ಬಂದಿದೆ. ಈ ನಡುವೆ ಬಿಗ್‌ ಬಾಸ್‌ ಟ್ವಿಸ್ಟ್‌ ಕೊಟ್ಟಿದ್ದಾರೆ. ಮನೆಗೆ ಬಂದಿದ್ದ ಐವರು ಅತಿಥಿಗಳ ಪೈಕಿ ವೈಲ್ಡ್‌ ಕಾರ್ಡ್‌ ಎಂಟ್ರಿ ಮೂಲಕ ಇಬ್ಬರು ಉಳಿದುಕೊಳ್ಳಲಿದ್ದಾರೆಂದು ಕಿಚ್ಚ ಸುದೀಪ್‌ ಹೇಳಿರುವುದು ಅಚ್ಚರಿ ಮೂಡಿಸಿದೆ.
ಈ ಸೀಸನ್‌ ನೀವು ಅಂದುಕೊಂಡಂತೆ ಇರಲ್ಲ ಅಂತ ಕಿಚ್ಚ ಸುದೀಪ್‌ ಆರಂಭದಲ್ಲೇ ಹೇಳಿದ್ದರು. ಅಂತೆಯೇ ಬಿಗ್‌ ಬಾಸ್‌ ಮನೆಯಲ್ಲಿ ಟ್ವಿಸ್ಟ್‌ ಮೇಲೆ ಟ್ವಿಸ್ಟ್‌ ಸಿಗ್ತಿದೆ. ಪ್ರೇಕ್ಷಕರಿಗೆ ಶಾಕಿಂಗ್‌ ಮೇಲೆ ಶಾಕಿಂಗ್‌ ಕೊಡ್ತಿದ್ದಾರೆ.
ಮಾಜಿ ಸ್ಪರ್ಧಿಗಳಾದ ಉಗ್ರಂ ಮಂಜು, ರಜತ್‌, ತ್ರಿವಿಕ್ರಮ್‌, ಮೋಕ್ಷಿತಾ, ಚೈತ್ರಾ ಕುಂದಾಪುರ ಇತ್ತೀಚೆಗೆ ಬಿಗ್‌ ಬಾಸ್‌ ಮನೆಗೆ ಅತಿಥಿಗಳಾಗಿ ಎಂಟ್ರಿ ಕೊಟ್ಟಿದ್ದರು. ಹಾಲಿ ಸ್ಪರ್ಧಿಗಳಿಂದ ಒಳ್ಳೆಯ ಆತಿಥ್ಯ ಸ್ವೀಕರಿಸಿದರು. ಅವರ ಜೊತೆ ಟಾಸ್ಕ್‌ಗಳಲ್ಲೂ ಭಾಗಿಯಾದರು.
ಮನೆಯಲ್ಲೇ ಉಳಿಯೋ ಆ ಇಬ್ಬರು ಯಾರು?
ವಾರದ ಕತೆ ಕಿಚ್ಚನ ಜೊತೆ | ಇಂದು ರಾತ್ರಿ 9#BiggBossKannada12 #BBK12 #ColorsKannada #AdeBeruHosaChiguru #ಕಲರ್‌ಫುಲ್‌‌ಕತೆ #colorfulstory #KicchaSudeep #ExpectTheUnexpected #CKPromo pic.twitter.com/50aKUpDBdE
— Colors Kannada (@ColorsKannada) November 29, 2025
ಈಗ ವಾರದ ಕಿಚ್ಚನ ಪಂಚಾಯ್ತಿಯಲ್ಲಿ ಭಾಗಿಯಾಗಿದ್ದಾರೆ. ಅತಿಥಿಗಳಾಗಿ ಬಂದವರು ಮನೆಗೆ ಹೊರಡುವ ಸಮಯ ಬಂದಿದೆ ಅಂತ ಕಿಚ್ಚ ಹೇಳಿದ್ದಾರೆ. ಆದರೆ, ಇಬ್ಬರು ಗೆಸ್ಟ್‌ಗಳು ಸ್ಪರ್ಧಿಗಳಾಗಿಯೇ ಮನೆಯಲ್ಲಿ ಉಳಿದುಕೊಳ್ಳಲಿದ್ದಾರೆ ಅಂತ ಹೇಳುವ ಮೂಲಕ ಸುದೀಪ್‌ ಪ್ರೋಮೊದಲ್ಲಿ ಅಚ್ಚರಿ ಮೂಡಿಸಿದ್ದಾರೆ.
ಹಾಗಾದ್ರೆ, ಮನೆಯಿಂದ ಹೊರಗೆ ಹೋಗೋದ್ಯಾರು? ಯಾರು ಮನೆಯಲ್ಲಿ ಉಳಿದುಕೊಳ್ತಾರೆ. ಅವರ ಆಟ ಹೇಗಿರುತ್ತೆ ಎಂಬುದು ಕುತೂಹಲ ಮೂಡಿಸಿದೆ. ಏನೇನಾಗುತ್ತೆ ಎಂಬುದನ್ನು ಕಾದುನೋಡಬೇಕಿದೆ.
