ದೇವಯ್ಯ ಪಾರ್ಕ್ ಬಳಿ ಫ್ಲೈಓವರ್ ಮೇಲೆ ಕಾರುಗಳ ಡಿಕ್ಕಿ- ಕೆಳಗೆ ಬೀಳಬೇಕಿದ್ದ ಕಾರು ಜಸ್ಟ್ ಮಿಸ್

ಬೆಂಗಳೂರು: ಮಲ್ಲೇಶ್ವರಂ ನ ದೇವಯ್ಯ ಪಾರ್ಕ್ ಬಳಿಯ ಫ್ಲೈಓವರ್ ಮೇಲೆ ಎರಡು ಕಾರುಗಳ ನಡುವೆ ಡಿಕ್ಕಿ ಸಂಭವಿಸಿದ್ದು, ಫ್ಲೈಓವರ್ ಕೆಳಗೆ ಬೀಳಬೇಕಿದ್ದ ಕಾರು ಸ್ವಲ್ಪದರಲ್ಲೇ ಪಾರಾಗಿದೆ.

ಫ್ಲೈಓವರ್ ಮೇಲೆ ಬರುತ್ತಿದ್ದ ಫೋರ್ಡ್ ಫಿಗೊ ಕಾರಿಗೆ ಹಿಂಬದಿಯಿಂದ ಸ್ವಿಫ್ಟ್ ಕಾರು ಡಿಕ್ಕಿ ಹೊಡೆದಿದೆ. ಈ ವೇಳೆ ಕಾರಿನಿಂದ ಕೆಳಗಿಳಿದು ಚಾಲಕ ಹೊರಗೆ ಓಡಿ ಬಂದಿದ್ದಾರೆ. ಇದರಿಂದ ಬಾರಿ ಅನಾಹುತ ತಪ್ಪಿದೆ. ಕಾರು ಫ್ಲೈಓವರ್ ಕೆಳಗೆ ಬೀಳದೆ ತಡೆಗೋಡೆಯ ಮೇಲೆ ಸಿಲುಕಿಕೊಂಡಿದೆ.

ಘಟನೆ ನಡೆದ ಸ್ಥಳಕ್ಕೆ ಮಲ್ಲೇಶ್ವರಂ ಸಂಚಾರಿ ಪೊಲೀಸರು ಭೇಟಿ ನೀಡಿದ್ದು, ಕಾರನ್ನು ತೆರವುಗೊಳಿಸಿದ್ದಾರೆ. ಇತ್ತ ಡಿಕ್ಕಿ ಹೊಡೆದ ಸ್ವಿಫ್ಟ್ ಕಾರಿನ ಚಾಲಕ ಪರಾರಿಯಾಗಿದ್ದಾರೆ. ಪೊಲೀಸರು ಈ ಬಗ್ಗೆ ಪರಿಶೀಲನೆ ನಡೆಸುತ್ತಿದ್ದಾರೆ.

ಇದನ್ನೂ ಓದಿ: ಯಶವಂತಪುರ ಮೇಲ್ಸೇತುವೆಯಿಂದ ಕೆಳಗೆ ಬಿದ್ದ ಕ್ಯಾಂಟರ್- ಚಾಲಕನಿಗೆ ಗಂಭೀರ ಗಾಯ