ವಾಷಿಂಗ್ಟನ್: ಮೈಕ್ರೋ ಬ್ಲಾಗಿಂಗ್ ಆ್ಯಪ್ ಟ್ವಿಟ್ಟರ್ ಏಪ್ರಿಲ್ 1ರಂದು ಬಳಕೆದಾರರಿಗೆ ಒಂದು ವಿಶೇಷ ಸಂದೇಶ ನೀಡಿತ್ತು. ಟ್ವಿಟ್ಟರ್ ತನ್ನ ಅಧಿಕೃತ ಖಾತೆಯಲ್ಲಿ ಎಡಿಟ್ ಬಟನ್ ಅನ್ನು ತರಲಿದ್ದೇವೆ ಎಂದು ಬರೆದಿತ್ತು. ಆದರೆ ಮೂರ್ಖರ ದಿನದಂದು ನೀಡಿರುವ ಈ ಸಂದೇಶವನ್ನು ಬಳಕೆದಾರರು ಹಾಸ್ಯವಾಗಿ ತೆಗೆದುಕೊಂಡಿದ್ದಾರೆ.
ಏಪ್ರಿಲ್ 1 ರಂದು ಟ್ವೀಟ್ ಮಾಡಿರುವ ಟ್ವಿಟ್ಟರ್ ಎಡಿಟ್ ಬಟನ್‌ನಲ್ಲಿ ಕಾರ್ಯನಿರ್ವಹಿಸುತ್ತಿದೆ ಎಂದು ತಿಳಿಸಿತ್ತು. ಆದರೆ ನೆಟ್ಟಿಗರು ಜಾಣರೆಂಬುದನ್ನು ಸಾಬೀತುಪಡಿಸಿದ್ದಾರೆ. ಈ ವಿಚಾರವಾಗಿ ನೆಟ್ಟಿಗರು ಟ್ವಿಟ್ಟರ್ ಅನ್ನೇ ತಿರುಗಿ ಪ್ರಶ್ನಿಸಿದ್ದಾರೆ. ಇದನ್ನೂ ಓದಿ: ಗೂಗಲ್ ಪೇ ಹೊಸ ಫೀಚರ್ – ಟ್ಯಾಪ್ ಟು ಪೇ
ಈ ಟ್ವೀಟ್ ಹಾಸ್ಯ ಅಲ್ಲವೇ? ಎಂದು ಪ್ರಶ್ನಿಸಿದ್ದಕ್ಕೆ ಟ್ವಿಟ್ಟರ್, ಈ ಬಗ್ಗೆ ಖಚಿತವಾಗಿ ಹೇಳಲು ಸಾಧ್ಯವಿಲ್ಲ. ಮುಂದೆ ಈ ಹೇಳಿಕೆಯನ್ನು ನಾವು ಎಡಿಟ್ ಮಾಡುವ ಸಾಧ್ಯವೂ ಇದೆ ಎಂದು ಪ್ರತಿಕ್ರಿಯಿಸಿದೆ. ಇದನ್ನೂ ಓದಿ: ನೇಪಾಳದ ಪ್ರಧಾನಿಗೆ ವಿಶಿಷ್ಟ ಉಡುಗೊರೆ ನೀಡಿದ ಪ್ರಧಾನಿ ಮೋದಿ
we are working on an edit button
— Twitter (@Twitter) April 1, 2022
ಟ್ವಿಟ್ಟರ್‌ನ ಗೊಂದಲಮಯ ಹೇಳಿಕೆಯನ್ನು ಕೆಲವರು ಒಪ್ಪಿಕೊಂಡರೆ ಹಲವರು ತಮಾಷೆಯಾಗಿ ತೆಗೆದುಕೊಂಡಿದ್ದಾರೆ. ಟ್ವಿಟ್ಟರ್‌ನ ಟ್ವೀಟ್ ಪ್ರಕಾರ ಮುಂದೊಂದು ದಿನ ಎಡಿಟ್ ಬಟನ್‌ನ ಫೀಚರ್ ಬಂದಲ್ಲಿ ಬಳಕೆದಾರರಿಗಂತೂ ಉಪಯುಕ್ತವಾಗುವುದು ಸತ್ಯ.
