ಕೋರಮಂಗಲ ಕಿಡ್ನಾಪ್ ಸ್ಟೋರಿಗೆ ಟ್ವಿಸ್ಟ್- ಹಣಕ್ಕಾಗಿ ಅಪಹರಿಸಿ ಹುಡುಗಿಗಾಗಿ ಡಿಮ್ಯಾಂಡ್

ಬೆಂಗಳೂರು: ಸಿಲಿಕಾನ್ ಸಿಟಿಯಲ್ಲಿ ಪೊಲೀಸರು ಸಿನೀಮಯ ಶೈಲಿಯಲ್ಲಿ ಕಿಡ್ನಾಪರ್ಸ್ ಗಳ ಚೇಸ್ ಮಾಡಿ ಸೆರೆಹಿಡಿದ ಪ್ರಕರಣಕ್ಕೆ ಮತ್ತೊಂದು ಸ್ಫೋಟಕ ತಿರುವು ಸಿಕ್ಕಿದೆ.

ಹೌದು. ಬೆಂಗಳೂರಿನ ಕೋರಮಂಗಲ (Koramangala) ದ 100 ಫಿಟ್ ರಸ್ತೆ, ಆಡುಗೋಡಿ ಇನ್ಸ್ ಪೆಕ್ಟರ್ ಮಂಜುನಾಥ್ ನೇತೃತ್ವದ ತಂಡ ವಾಹನಗಳ ಪರಿಶೀಲನೆಯಲ್ಲಿ ತೊಡಗಿದ್ರು. ಈ ವೇಳೆ ಅದೇ ರಸ್ತೆಯಲ್ಲಿ ಬಂದ ಕಾರೊಂದು, ಪೊಲೀಸರನ್ನು ನೋಡಿ ಗಾಬರಿಯಿಂದ ಅಡ್ಡಾದಿಡ್ಡಿ ಚಲಿಸಿದೆ. ಪರಿಣಾಮ ಪೊಲೀಸರು ಹಾಕಿದ್ದ ಬ್ಯಾರಿಕೇಡ್‍ಗೆ ಡಿಕ್ಕಿ ಹೊಡೆದು, ವೇಗವಾಗಿ ಎಸ್ಕೇಪ್ ಆಗಿದ್ರು. ಅಷ್ಟಕ್ಕೆ ಸುಮ್ಮನಾಗದ ಪೊಲೀಸರು, ತಕ್ಷಣ ಆ ವಾಹನವನ್ನು ಬೆನ್ನತ್ತಿದ್ರು.

ಸಿನಿಮಾ ಶೈಲಿಯಲ್ಲಿ ಸುಮಾರು ಮೂರು ಕಿಲೋಮೀಟರ್ ಚೇಸ್ ಮಾಡಿದ ಪೊಲೀಸರು, ವಾಟರ್ ಟ್ಯಾಂಕ್ ಸಿಗ್ನಲ್ ಬಳಿ ಆ ಕಾರನ್ನು ಅಡ್ಡಗಟ್ಟಿದ್ರು. ಈ ವೇಳೆ ಪೊಲೀಸರನ್ನು ಕಂಡು ನಾಲ್ವರು ಎಸ್ಕೇಪ್ ಆದರೆ, ಗೋಪಿ ಅನ್ನೋ ಯುವಕ ಸಿಕ್ಕಿ ಬಿದ್ದಿದ್ದ. ಅದೇ ಕಾರಿನಲ್ಲಿ ಮತ್ತೊಬ್ಬ ಯುವಕ ತೌಸಿಬ್ ಅನ್ನೋನು ಕೂಡ ಸಿಕ್ಕಿದ್ದ. ಪೊಲೀಸರು ವಿಚಾರಣೆ ನಡೆಸಿದ ವೇಳೆ, ಹಣಕಾಸಿನ ವಿಚಾರಕ್ಕೆ ತೌಸಿಬ್‍ನನ್ನ ಕಿಡ್ನಾಪ್ (kidnap) ಮಾಡಲಾಗಿದೆ ಅನ್ನೋದು ಗೊತ್ತಾಗಿತ್ತು. ಪೊಲೀಸರು ತೌಸಿಬ್ ನನ್ನ ರಕ್ಷಣೆ ಮಾಡಿ ಆತನ ಕುಟುಂಬಸ್ಥರಿಗೆ ಒಪ್ಪಿಸಿದರು.

ಪ್ರಕರಣದ ತನಿಖೆ ಆರಂಭಿಸಿದ ಪೊಲೀಸರಿಗೆ ಶಾಕ್ ಕಾದಿತ್ತು. ಅದೇನಂದ್ರೆ ಕಿಡ್ನಾಪ್ ಆಗಿದ್ದ ತೌಸಿಬ್, ಮೊಬೈಲ್ (Mobile) ಕಸಿದುಕೊಂಡಿದ್ದ ಆರೋಪಿಗಳಿಗೆ ಮೊಬೈಲ್‍ನಲ್ಲಿ ಆತನ ಸ್ನೇಹಿತೆಯೊಬ್ಬಳ ಬೆತ್ತಲೆ ವೀಡಿಯೋಗಳು ಪತ್ತೆಯಾಗಿದ್ದವು. ಇದನ್ನು ನೋಡಿದ ಆರೋಪಿಗಳು, ಹಣದ ವಿಚಾರ ಬಿಟ್ಟು ಬೆತ್ತಲಾಗಿರುವ ಆ ಹುಡುಗಿಯನ್ನು ನಮ್ಮ ಜೊತೆಗೆ ಸಹಕರಿಸುವಂತೆ ಒತ್ತಾಯ ಮಾಡಿದರು. ಆ ಹುಡುಗಿ ಬರೋತನಕ ನಿನ್ನನ್ನು ಬಿಡೋದಿಲ್ಲ ಅಂತಾ ತೌಸಿಬ್‍ನನ್ನ ಕಿಡ್ನಾಪ್ ಮಾಡಿ ರಾತ್ರಿಪೂರ್ತಿ ಸಿಟಿ ಸುತ್ತಲೂ ಸುತ್ತಾಡಿಸುತ್ತಿದ್ದರು. ಈ ವೇಳೆ ಆಕಸ್ಮಿಕವಾಗಿ ಪೊಲೀಸರಿಗೆ ಎದುರಾಗಿ ಒಬ್ಬ ಸಿಕ್ಕಿಬಿದ್ದಿದ್ರೆ, ನಾಲ್ವರು ಎಸ್ಕೇಪ್ ಆಗಿದ್ದಾರೆ. ಒಟ್ಟಾರೆ ಕಿಡ್ನಾಪ್ ಪ್ರಕರಣ ಸುಖಾಂತ್ಯ ಕಂಡಿದ್ದರೂ ಹುಡುಗಿಗಾಗಿ ಯುವಕನನ್ನು ಒತ್ತೆಯಾಳುಗಿಟ್ಟುಕೊಂಡಿದ್ದು ದುರಂತವೇ ಸರಿ.

Live Tv
[brid partner=56869869 player=32851 video=960834 autoplay=true]

Join our Whatsapp group by clicking the below link
https://chat.whatsapp.com/E6YVEDajTzH06LOh77r25k