ದಳಪತಿ ವಿಜಯ್ ಜೊತೆಗಿನ ತ್ರಿಷಾ (Trisha Krishnan) ಪ್ರೇಮ ವದಂತಿ ನಿನ್ನೆ ಮೊನ್ನೆಯದ್ದಲ್ಲ. ತ್ರಿಷಾ ಕಾರಣಕ್ಕೆ ವಿಜಯ್ ಪತ್ನಿ ಸಂಗೀತಾಗೆ ವಿಚ್ಛೇದನ ಕೊಡುತ್ತಿದ್ದಾರೆ ಎಂದು ವರ್ಷಗಳ ಹಿಂದೆಯೇ ವದಂತಿ ಹಬ್ಬಿತ್ತು. ಆದರೆ ಜೂ.22ರಂದು ವಿಜಯ್ ಹುಟ್ಟುಹಬ್ಬದ ದಿನ ನಟಿ ತ್ರಿಷಾ ಅವರು ವಿಜಯ್ ನಿವಾಸ ಎನ್ನಲಾಗುವ ಜಾಗದಲ್ಲಿ ಕುಳಿತು ಆತ್ಮೀಯವಾಗಿರುವ ಫೋಟೋವೊಂದನ್ನು ಪೋಸ್ಟ್ ಮಾಡಿ ವಿಶ್ ಮಾಡಿದ್ದರು.
ಹಂಚಿಕೊಂಡಿರುವ ಫೋಟೋ ಹಾಗೂ ತ್ರಿಷಾ ವಿಜಯ್‌ಗೆ ವಿಶ್ ಮಾಡಿರುವ ರೀತಿ ಇಬ್ಬರ ನಡುವೆ ಇದ್ದ ಪ್ರೀತಿ ವದಂತಿಗೆ ಪುಷ್ಠಿ ಕೊಡುವಂತಿದೆ. ತ್ರಿಷಾ ಪೋಸ್ಟ್‌ಗೆ ಇವರಿಬ್ಬರ ಮಧ್ಯೆ ಪ್ರೀತಿಯಿರುವುದು ಕನ್ಫರ್ಮ್ ಎಂಬಂತೆ ಕಾಮೆಂಟ್‌ಗಳ ಸುರಿಮಳೆ ಬಂದಿತ್ತು. ಇದೀಗ ಗಾಸಿಪ್ ಹೆಚ್ಚಾಗುತ್ತಿದ್ದಂತೆ ತ್ರಿಷಾ ಅನುಮಾನಿತ ಜನರಿಗೆ ಖಾರವಾಗಿ ಪ್ರತಿಕ್ರಿಯೆ ಕೊಟ್ಟಿದ್ದಾರೆ.ಇದನ್ನೂ ಓದಿ: ಮಾವು ಬೆಳೆಗಾರರ ನೆರವಿಗೆ ಧಾವಿಸಿದ ಕೇಂದ್ರ – ಪ್ರತಿ ಕ್ವಿಂಟಲ್‌ಗೆ 1,616 ರೂ. ದರ ನಿಗದಿ
ತ್ರಿಷಾ ಹಾಗೂ ವಿಜಯ್ ನಡುವಿನ ಲವ್ ಮ್ಯಾಟರ್ ಅನುಮಾನ ಹೆಚ್ಚಾಗುತ್ತಿದ್ದಂತೆ ಈ ಕುರಿತು ನಟಿ ಗರಂ ಆದಂತಿದೆ. ಹೀಗಾಗಿ ಇನಸ್ಟಾಗ್ರಾಂ ಸ್ಟೋರಿಯಲ್ಲಿ ಕೆಂಡಕಾರಿದ್ದಾರೆ. ಅನುಮಾನಿತರಿಗೆ ಪರೋಕ್ಷವಾಗಿ ಟಕ್ಕರ್ ಕೊಟ್ಟಿದ್ದಾರೆ. ಇನ್ಸ್ಸ್ಟಾಗ್ರಾಂ ಸ್ಟೋರಿಯಲ್ಲಿ “ನೀವು ಪ್ರೀತಿಯಲ್ಲಿರುವಾಗ ನಿಮ್ಮನ್ನು ನೋಡಿದ ಹೊಲಸು ಮನಸ್ಥಿತಿಯ ಜನರಲ್ಲಿ ಗೊಂದಲ ಸೃಷ್ಟಿಯಾಗುತ್ತೆ” ಎಂದು ಬರೆದುಕೊಂಡಿದ್ದಾರೆ. ಕನ್‌ಫ್ಯೂಸ್ ಆಗಿರೋವ್ರಿಗೆಲ್ಲ ಹೊಲಸು ಎಂದು ಕರೆದಿದ್ದಾರೆ ತ್ರಿಷಾ.
ಅಂದಹಾಗೆ ತ್ರಿಷಾ ವಿಜಯ್‌ಗೆ ವಿಶ್ ಮಾಡಿರುವ ಪೋಸ್ಟ್‌ಗಂತೂ ಸಿಕ್ಕಾಪಟ್ಟೆ ಲೈಕ್ಸ್ ಬಂದಿದೆ. ಆದರೆ ನಟಿ ಗರಂ ಆಗೋಕೆ, ವಿಜಯ್ ಹಾಗೂ ಪತ್ನಿ ಸಂಗೀತಾ ಜೊತೆ ವಿಚ್ಛೇದನ ವದಂತಿಗೆ ತ್ರಿಷಾ ಕಾರಣ ಎಂದು ಹೇಳುತ್ತಿರುವುದೇ ಕಾರಣ. ವಿಜಯ್ ಹಾಗೂ ತ್ರಿಷಾ ಈವರೆಗೂ ಐದು ಸಿನಿಮಾಗಳಲ್ಲಿ ಒಟ್ಟಿಗೆ ಅಭಿನಯಿಸಿದ್ದಾರೆ. ಗಿಲ್ಲಿ, ತಿರುಪಚ್ಚಿ, ಆತಿ, ಕುರುವಿ ಚಿತ್ರಗಳ ಬಳಿಕ 15 ವರ್ಷಗಳ ಗ್ಯಾಪ್ ತೆಗೆದುಕೊಂಡು ಲಿಯೋ ಚಿತ್ರದಲ್ಲಿ ಜಂಟಿಯಾಗಿದ್ದರು. ಆಗಲೂ ವಿಜಯ್ ಹಾಗೂ ತ್ರಿಷಾ ಆನ್‌ಸ್ಕ್ರೀನ್‌ ಕೆಮೆಸ್ಟ್ರೀ ಭರ್ಜರಿಯಾಗಿ ವರ್ಕೌಟ್ ಆಗಿತ್ತು. ಪ್ರೀತಿಸಿ ದೂರವಾದ್ರು ಎಂಬ ವದಂತಿ ಹಬ್ಬಿತ್ತು. ಇದೀಗ ಲಿಯೋ ಚಿತ್ರದಲ್ಲಿ ಒಟ್ಟಿಗೆ ಕೆಲಸ ಮಾಡುವಾಗ ಇಬ್ಬರ ನಡುವೆ ಮತ್ತೆ ಪ್ರೇಮಾಂಕುರವಾಗಿದೆ. ಈ ಕಾರಣಕ್ಕೆ ಪತ್ನಿಯಿಂದ ವಿಜಯ್ ದೂರವಿದ್ದಾರೆ ಎಂಬ ಮಾತು ಕೇಳಿಬಂತು. ಇಷ್ಟೆಲ್ಲದರ ನಡುವೆ ವಿಜಯ್ ಹುಟ್ಟುಹಬ್ಬದ ದಿನ ತ್ರಿಷಾ ಬಹಳ ಸಮಯ ತೆಗೆದುಕೊಂಡು ಶುಭಾಶಯದ ಪೋಸ್ಟ್ ಹಾಕಿದ್ದರು. ಹೀಗಾಗಿ ಅನುಮಾನಕ್ಕೆ ರೆಕ್ಕೆ ಪುಕ್ಕ ಬಂತು. ಇದೀಗ ತ್ರಿಷಾ ಲವ್ ಗಾಸಿಪ್ ಕುರಿತು ಕನ್‌ಫ್ಯೂಸ್ ಆದವರನ್ನ ಹೊಲಸು ಎಂದಿದ್ದಾರೆ.ಇದನ್ನೂ ಓದಿ: ಸಿದ್ದರಾಮಯ್ಯನವರೇ ತಪ್ಪಿಯೂ ಕರ್ನಾಟಕವನ್ನು ಡಿಕೆಶಿ ಕೈಗೆ ಕೊಡಬೇಡಿ, ಮಾರಿಕೊಂಡು ಹೋಗ್ತಾರೆ – ಯತ್ನಾಳ್
