ನಾರಿಮಣಿಯರ ಟ್ರಾವೆಲ್ (Travel) ಫ್ಯಾಷನ್ಗೆ ಸಾಥ್ ನೀಡುವ ನಾನಾ ಬಗೆಯ ಶೋಲ್ಡರ್ ಸ್ಲಿಂಗ್ ಬ್ಯಾಗ್ಗಳು (Sling Bag) ಇಂದು ಟ್ರೆಂಡಿಯಾಗಿವೆ. ಜೊತೆಗೆ ನೋಡಲು ಬಿಂದಾಸ್ ಲುಕ್ ನೀಡುತ್ತವೆ. ಈ ಸೀಸನ್ನಲ್ಲಿ ಯಾವ್ಯಾವ ಡಿಸೈನ್ನವು ಟ್ರೆಂಡಿಯಾಗಿವೆ ಎಂಬುದರ ಮಾಹಿತಿ ಇಲ್ಲಿದೆ. ಇದನ್ನೂ ಓದಿ:ಲಕ್ಷ್ಮಿ ಮಂಚು ಇನ್ಸ್ಟಾಗ್ರಾಂ ಖಾತೆ ಹ್ಯಾಕ್- ಫ್ಯಾನ್ಸ್ಗೆ ಎಚ್ಚರಿಸಿದ ನಟಿ
ಟ್ರಾವೆಲ್ ಫ್ಯಾಷನ್ ಪ್ರಿಯ ಯುವತಿಯರಿಗೆ ಸಾಥ್ ನೀಡಲು ನಾನಾ ಬಗೆಯ ಶೋಲ್ಡರ್ ಸ್ಲಿಂಗ್ ಬ್ಯಾಗ್ಗಳು ಮಾರುಕಟ್ಟೆಗೆ ಎಂಟ್ರಿ ಕೊಟ್ಟಿವೆ. ನೋಡಲು ಡಿಫರೆಂಟ್ ಲುಕ್ ನೀಡುವ ಇವು ಯೂನಿಸೆಕ್ಸ್ ಡಿಸೈನ್ನಲ್ಲಿ ಫ್ಯಾಷನ್ (Fashion) ಪ್ರಿಯರ ಮನಗೆದ್ದಿವೆ. ಅದರಲ್ಲೂ ಸೆಲೆಬ್ರೆಟಿಗಳ ಕಲೆಕ್ಷನ್ನಲ್ಲಿ ಸ್ಥಾನಗಳಿಸಿವೆ. ಒಂದಕ್ಕಿಂತ ಒಂದು ಭಿನ್ನ ವಿಭಿನ್ನ ಡಿಸೈನ್ಗಳಲ್ಲಿ ಲಭ್ಯವಿರುವ ಇವು ಲೆಕ್ಕವಿಲ್ಲದಷ್ಟು ಕಲರ್ ಹಾಗೂ ವಿನ್ಯಾಸಗಳಲ್ಲಿ ಮಾರುಕಟ್ಟೆಗೆ ಬಂದಿದೆ. ಇದನ್ನೂ ಓದಿ: ದಕ್ಷಿಣ ಭಾರತದಲ್ಲಿ ನನ್ನ ಹೆಸರಲ್ಲೊಂದು ದೇವಸ್ಥಾನ ಆಗಬೇಕು ಎಂದ ಊರ್ವಶಿ – ಟ್ರೋಲ್ ಆದ ನಟಿ
ಸ್ಲಿಂಗ್ ಬ್ಯಾಗ್ ಧರಿಸಿದಾಗ ಪಕ್ಕಾ ಟ್ರಾವೆಲರ್ ಲುಕ್ ನೀಡುವುದರೊಂದಿಗೆ ಔಟ್ಫಿಟ್ನೊಂದಿಗೆ ಮ್ಯಾಚ್ ಆಗುತ್ತಿವೆ. ವೈರ್, ಚೈನ್, ಲೆದರ್, ಸ್ಟ್ರಾಪ್, ಪೌಚ್ ಸ್ಟೈಲ್, ಕ್ಲಾತ್ ಸ್ಟ್ರಾಪ್, ಮಿಕ್ಸ್ ಮ್ಯಾಚ್ ಚೈನ್ ಹಾಗೂ ಸ್ಟ್ರಾಪ್, ವ್ಯಾನಿಟಿ ಶೋಲ್ಡರ್ ಸ್ಲಿಂಗ್ ಬ್ಯಾಗ್, ಬೋಟ್ ಶೇಪ್, ಪರ್ಸ್ ಶೇಪ್, ಜಿಪ್, ಬಟನ್, ಹಾಲೋಗ್ರಾಫಿಕ್, ವಾಟರ್ಪ್ರೂಫ್, ಕಿಟ್ ಸ್ಟೈಲ್ ಸೇರಿದಂತೆ ನಾನಾ ಬಗೆಯ ಶೋಲ್ಡರ್ ಸ್ಲಿಂಗ್ ಬ್ಯಾಗ್ಗಳು ಮಾರುಕಟ್ಟೆಗೆ ಎಂಟ್ರಿ ಕೊಟ್ಟಿವೆ. ಇವುಗಳಲ್ಲಿ ಇದೀಗ ಯೂನಿಸೆಕ್ಸ್ ಡಿಸೈನ್ ಇರುವಂತಹ ಬ್ಯಾಗ್ಗಳು ಹೆಚ್ಚು ಬೇಡಿಕೆ ಪಡೆದುಕೊಂಡಿವೆ.
ಇತ್ತ ಹುಡುಗರೂ ಹಾಗೂ ಹುಡುಗಿಯರು ಧರಿಸಬಹುದಾದ ಇವು ನೋಡಲು ರಫ್ ಹಾಗೂ ಟಫ್ಲುಕ್ ನೀಡುತ್ತವೆ. ಟ್ರಾವೆಲ್ ಸಮಯದಲ್ಲಿ ಹುಡುಗಿಯರಿಗೆ ಬೇಸರವಾದಲ್ಲಿ ಹುಡುಗರು ಧರಿಸಬಹುದು. ನೋಡಲು ಟ್ರಾವೆಲ್ ಲುಕ್ ನೀಡುತ್ತವೆ.
View this post on Instagram
ಸೆಲೆಬ್ರೆಟಿಗಳಿಗೆ ಶೋಲ್ಡರ್ ಸ್ಲಿಂಗ್ ಬ್ಯಾಗ್ಗಳ ಮೇಲೆ ಮೋಹ ಕೊಂಚ ಹೆಚ್ಚಾಗಿಯೇ ಇದೆ. ಏರ್ಪೋರ್ಟ್ ಲುಕ್ನಿಂದಿಡಿದು, ದೇಶ ಪ್ರವಾಸದಲ್ಲಿ ಟ್ರೆಂಡಿಯಾಗಿರುವ ಸ್ಲಿಂಗ್ ಬ್ಯಾಗ್ಗಳಲ್ಲೆ ಇವರು ಕಾಣಿಸಿಕೊಳ್ಳುತ್ತಾರೆ. ಅದರಲ್ಲೂ ಒಂದೊಂದು ಬಾರಿಯೂ ಒಂದೊಂದು ಬಗೆಯ ಶೋಲ್ಡರ್ ಬ್ಯಾಗ್ನಲ್ಲಿ ಟ್ರಾವೆಲ್ ಲುಕ್ ಬದಲಿಸುತ್ತಾರೆ. ಈ ರೀತಿಯ ಬ್ಯಾಗ್ಗಳು ಮೊದಲು ಚಾಲ್ತಿಗೆ ಬಂದದ್ದು ಹಾಲಿವುಡ್ನಲ್ಲಿ. ನಂತರ ಬಾಲಿವುಡ್ಗೆ ಕಾಲಿಟ್ಟಿತು. ಇದೀಗ ತಾರೆಯರ ಟ್ರಾವೆಲ್ಟೈಮ್ನ ಭಾಗವಾಗಿ ಹೋಗಿದೆ.
ಇತ್ತೀಚೆಗೆ ಕಿರುತೆರೆ ನಟಿ ದೀಪಿಕಾ ಅವರು ಸ್ಲಿಂಗ್ ಬ್ಯಾಗ್ ಧರಿಸಿದ್ದು ನೋಡುಗರ ಗಮನ ಸೆಳೆದಿತ್ತು. ಮೊದಲೇ ದೀಪಿಕಾಗೆ ಹೇಳಿ ಕೇಳಿ ಟ್ರಾವೆಲಿಂಗ್ ಅಂದ್ರೆ ಇಷ್ಟ. ಫ್ಯಾಷನ್ ಅಂದ್ರೆ ಅಚ್ಚುಮೆಚ್ಚು. ಅದರಲ್ಲಿ ಅವರು ಇತ್ತೀಚೆಗೆ ಧರಿಸಿದ ಸ್ಲಿಂಗ್ ಬ್ಯಾಗ್ ಫ್ಯಾಷನ್ ಪ್ರಿಯರ ಮನಗೆದ್ದಿತ್ತು. ಹಾಗಾಗಿ ಪ್ರತಿ ಬಾರಿಯೂ ಹೊಸ ಲುಕ್ ಮೂಲಕ ಗಮನ ಸೆಳೆಯುತ್ತಲೇ ಇರುತ್ತಾರೆ.
ಶೋಲ್ಡರ್ ಸ್ಲಿಂಗ್ ಬ್ಯಾಗ್ಗಳು ಎಲ್ಲಾ ಬಗೆಯ ಔಟ್ಫಿಟ್ಗಳಿಗೆ ಮ್ಯಾಚ್ ಆಗುತ್ತವೆ. ಟ್ರೆಡಿಷನಲ್ ಲುಕ್ಗೆ ಅಷ್ಟಾಗಿ ಸಾಥ್ ನೀಡುವುದಿಲ್ಲ. ಕ್ಯಾಶುವಲ್ ಬಿಂದಾಸ್ ಲುಕ್ಗೆ ಹೊಂದುತ್ತವೆ. ಎಲ್ಲದಕ್ಕಿಂತ ಹೆಚ್ಚಾಗಿ ಟ್ರಾವೆಲ್ ಟೈಮ್ಗೆ ಹಾಗೂ ಔಟಿಂಗ್ಗೆ ಹೇಳಿ ಮಾಡಿಸಿದ ಬ್ಯಾಗ್ಗಳು ಇವು. ಸಾಕಷ್ಟು ಶೋಲ್ಡರ್ ಸ್ಲಿಂಗ್ಬ್ಯಾಗ್ಗಳಲ್ಲಿ ಮೊಬೈಲ್, ಕಾರ್ಡ್, ಕ್ಯಾಶ್ ಇರಿಸಿಕೊಳ್ಳಲು ಮಾತ್ರ ಅವಕಾಶವಿರುತ್ತದೆ. ಇನ್ನು ವ್ಯಾನಿಟಿಬ್ಯಾಗ್ ಶೈಲಿಯವಲ್ಲಿ ಮಾತ್ರ ಒಂದಿಷ್ಟು ಹೆಚ್ಚು ಜಾಗವಿರುತ್ತದೆ. ಆದಷ್ಟೂ ಭಾರವಿರದಂತೆ ನೋಡಿಕೊಳ್ಳುವುದು ಉತ್ತಮ.
ಫ್ಯಾಷನ್ ಟಿಪ್ಸ್:
ಶೋಲ್ಡರ್ ಸ್ಲಿಂಗ್ ಬ್ಯಾಗ್ಗಳನ್ನು ಯಾರು ಬೇಕಾದರೂ ಧರಿಸಬಹುದು.
ಎಲ್ಲದಕ್ಕೂ ಹೊಂದುವಂತಹ ಬಣ್ಣದ ಬ್ಯಾಗ್ ಅನ್ನು ಖರೀದಿಸಿ. ಎಲ್ಲಾ ಬಟ್ಟೆಗೂ ಮ್ಯಾಚ್ ಆಗುತ್ತದೆ.
ಟ್ರೆಡಿಷನಲ್ ಔಟ್ಫಿಟ್ಗೆ ಧರಿಸಬೇಡಿ.
