ಗೇಮ್ ಆಡುತ್ತಾ ಹಳಿ ಮೇಲೆ ಕುಳಿತ ಬಾಲಕರ ಮೇಲೆ ಹರಿದ ರೈಲು

ಲಕ್ನೋ: ರೈಲ್ವೆ ಹಳಿ ಮೇಲೆ ಗೇಮ್ ಆಡುತ್ತಾ ಕುಳಿತ್ತಿದ್ದ ಬಾಲಕರ ಮೇಲೆ ಮಧಯರಾ- ಕಸ್‍ಗಂಜ್ ರೈಲು ಹರಿದು ಪ್ರಾಣ ಬಿಟ್ಟಿರುವ ಘಟನೆ ನಡೆದಿದೆ.

ಗೌರವ್ ಮತ್ತು ಕಪಿಲ್ ಕುಮಾರ್ ಮೃತರಾಗಿದ್ದಾರೆ. ಇಬ್ಬರು 10ನೇ ತರಗತಿ ಓದುತ್ತಿದ್ದರು. ಈ ಗೇಮ್‍ನ ಚಟಕ್ಕೆ ಬಿದ್ದಿರುವ ಹಲವಾರು ಯುವಕರು ತಮ್ಮ ಪ್ರಾಣವನ್ನೇ ಕಳೆಡದುಕೊಳ್ಳುತ್ತಿದ್ದಾರೆ. ಹಳಿಯ ಮೇಲೆ ಪಬ್‍ಜಿ ಗೇಮ್ ಆಡುತ್ತಾ ಕುಳಿತ ಬಾಲಕರ ಮೇಲೆ ರೈಲು ಹರಿದು ಇಬ್ಬರು ಸಾವನ್ನಪ್ಪಿದ್ದಾರೆ.

ಭಾರತದಲ್ಲಿ ನಿಷೇಧಿತ ಪಬ್-ಜಿ ಗೇಮ್ ಆಡುತ್ತಾ ಇಬ್ಬರು ಬಾಲಕರು ರೈಲು ಹಳಿ ಮೇಲೆ ಕುಳಿತಿದ್ದರು. ಈ ವೇಳೆ ಆಗಮಿಸಿದ ಗೂಡ್ಸ್ ಟ್ರೈನ್ ಇಬ್ಬರ ಮೇಲೆ ಹರಿದಿದ್ದು ಬಾಲಕರು ಸಾವನ್ನಪ್ಪಿದ್ದಾರೆ. ಯುವಕರು ಮೊಬೈಲ್‍ಗಳನ್ನು ಪರಿಶೀಲನೆ ನಡೆಸಿದಾಗ ಮೊಬೈಲ್‍ಗಳ್ಲಿ ಪಬ್-ಜಿ ಗೇಮ್ ಆಡುತ್ತಿದ್ದಾಗಿ ಕಂಡು ಬಂದಿದೆ ಎಂದು ಜಮನಾಪುರ ಠಾಣೆಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಇದನ್ನೂ ಓದಿ: ರಾಜಕೀಯ ನಾಯಕರಿಗೆ ಕೈ ಮುಗಿದ ಜೂನಿಯರ್ ಎನ್‍ಟಿಆರ್

ಗೌರವ್ ಮತ್ತು ಕಪಿಲ್ ಕುಮಾರ್ ಪಬ್-ಜಿ ಗೇಮ್‍ಗೆ ಅಡಿಕ್ಟ್ ಆಗಿರುವ ಕುರಿತಯ ಯಾವುದೇ ಮಾಹಿತಿಯಿರಲಿಲ್ಲ ಎಂದು ಫೋಷಕರು ಹೇಳಿದ್ದಾರೆ. ದೇಶದಲ್ಲಿ ಈ ಗೇಮ್‍ನ್ನು ಕೇಂದ್ರ ಸರ್ಕಾರ ನಷೇಧಿದೆ ಆದರೂ ಹಲವರು ಅನಧಿಕೃತ ವೆಬ್‍ಸೈಟ್‍ಗಳ ಮೂಲಕವಾಗಿ  ಡೌನ್‍ಲೋಡ್ ಮಾಡಿಕೊಂಡು ಆಡುತ್ತಿದ್ದಾರೆ. ಇದನ್ನೂ ಓದಿ:  ರಾಜ್ಯದಲ್ಲಿ ಅಕಾಲಿಕ ಮಳೆಗೆ ಜನಜೀವನ ಅಸ್ತವ್ಯಸ್ತ – ಕರಾವಳಿ, ಮಲೆನಾಡು ಜಿಲ್ಲೆಗಳಲ್ಲಿ ಕಟ್ಟೆಚ್ಚರ