ಧನುಶ್ ನಟನೆಯ ಹಾಲಿವುಡ್ ಸಿನಿಮಾದ ಟ್ರೇಲರ್ ರಿಲೀಸ್ : ಎಲ್ಲಿದ್ದಾರೆ ಧನುಶ್?

ತಮಿಳಿನ ಖ್ಯಾತ ನಟ ಧನುಶ್ ಮತ್ತೆ ಕಮಾಲ್ ಮಾಡಿದ್ದಾರೆ. ಪ್ರತಿ ಬಾರಿಯೂ ಭಾರತೀಯ ಸಿನಿಮಾ ರಂಗದ ಪ್ರೇಕ್ಷಕರನ್ನು ರಂಜಿಸುತ್ತಿದ್ದವರು, ಈ ಬಾರಿ ಭಾರತದ ಗಡಿಯನ್ನು ದಾಟಿದ್ದಾರೆ. ಮೊದಲ ಬಾರಿಗೆ ಧನುಶ್ ಹಾಲಿವುಡ್ ಸಿನಿಮಾದಲ್ಲಿ ನಟಿಸುತ್ತಿದ್ದು, ಇದೀಗ ಆ ಸಿನಿಮಾದ ಟ್ರೈಲರ್ ರಿಲೀಸ್ ಆಗಿದೆ. ತಮ್ಮ ನೆಚ್ಚಿನ ನಟನ ಮೊದಲ ಹಾಲಿವುಡ್ ಸಿನಿಮಾ ಹೇಗಿದೆ? ಅವರು ಯಾವ ರೀತಿಯಲ್ಲಿ ಕಾಣಿಸಿಕೊಂಡಿದ್ದಾರೆ ಎನ್ನುವುದನ್ನು ನೋಡುವುದಕ್ಕೆ ಅಭಿಮಾನಿಗಳು ಕಾತರರಾಗಿದ್ದರು. ಇದನ್ನೂ ಓದಿ : ಕೆಜಿಎಫ್ 2 ಪ್ರದರ್ಶನಕ್ಕೆ ತಡೆ ಕೋರಿ ಸಲ್ಲಿಸಿದ್ದ ಅರ್ಜಿ ವಜಾ

ಆ ಕಾತರತೆಯ ಕಾವನ್ನು ಹಾಗೆಯೇ ತಗ್ಗಿಸಿದ್ದಾರೆ ನಿರ್ದೇಶಕರು. ಧನುಶ್ ದಿ ಗ್ರೇ ಮ್ಯಾನ್ ಹೆಸರಿನ ಹಾಲಿವುಡ್ ಸಿನಿಮಾದಲ್ಲಿ ನಟಿಸಿದ್ದರೂ, ಆ ಸಿನಿಮಾದ ಟ್ರೈಲರ್ ರಿಲೀಸ್ ಆಗಿದ್ದರೂ, ಧನುಶ್ ಮಾತ್ರ ಆ ಟ್ರೇಲರ್ ನಲ್ಲಿ ಕಾಣಿಸಿಕೊಂಡಿಲ್ಲ. ಹಾಗಾಗಿ ಸಹಜವಾಗಿಯೇ ಅಭಿಮಾನಿಗಳಿಗೆ ನಿರಾಸೆ ಆಗಿದೆ. ಹಾಗಂತ ಟ್ರೇಲರ್ ನಲ್ಲಿ ಇಲ್ಲವೇ ಇಲ್ಲ ಅಂತಲ್ಲ, ಧನುಶ್ ಕಾಣಿಸಿಕೊಳ್ಳುವುದು ಕೇವಲ ಎರಡೇ ಎರಡು ಸೆಕೆಂಡ್ ಮಾತ್ರ. ಇದನ್ನೂ ಓದಿ : ತೆರೆಯ ಮೇಲೂ ಒಂದಾದ ಮಿಲನಾ ನಾಗರಾಜ್ ಮತ್ತು ಡಾರ್ಲಿಂಗ್ ಕೃಷ್ಣ

ಈ ಸಿನಿಮಾದಲ್ಲಿ ಧನುಶ್ ಅವರಿಗೆ ಉತ್ತಮ ಪಾತ್ರ ಕೊಟ್ಟಿದ್ದರು, ಟ್ರೈಲರ್ ನಲ್ಲಿ ಕಾಣಿಸಿಕೊಂಡಿರುವುದು ಗೋಸ್ಲಿಂಗ್ ಮತ್ತು ಕ್ರಿಸ್ ಇವಾನ್ಸ್ ಮಾತ್ರ. ಇವರಿಬ್ಬರೂ ಇಡೀ ಟ್ರೈಲರ್ ಅನ್ನು ಆವರಿಸಿಕೊಂಡಿದ್ದಾರೆ. ಧನುಶ್ ಈ ಟ್ರೈಲರ್ ನಲ್ಲಿ ಮಸುಕು ಮಸುಕಾಗಿ ಕಾಣಿಸಿಕೊಳ್ಳುತ್ತಾರೆ. ಕಾಣಿಸುವುದೇ ಎರಡೇ ದೃಶ್ಯಗಳಲ್ಲಿ ಒಂದರಲ್ಲಿ ಧನುಶ್ ಏಟು ತಿಂದರೆ, ಮತ್ತೊಂದರಲ್ಲಿ ಇವರು ಒದೆ ಕೊಡುತ್ತಾರೆ. ಈ ಎರಡೂ ದೃಶ್ಯಗಳಲ್ಲಿ ಅವರು ಮಾತ್ರ ಕಾಣಿಸಿಕೊಳ್ಳುವುದು ಕೇವಲ ಎರಡೇ ಎರಡು ಸೆಕೆಂಡ್ ಮಾತ್ರ. ಇದನ್ನೂ ಓದಿ: ಹೊಂಬಾಳೆ ಫಿಲ್ಮ್ಸ್ ನಿಂದ ಮತ್ತೆರಡು ಪ್ಯಾನ್ ಇಂಡಿಯಾ ಸಿನಿಮಾ

ಇದೊಂದು ಕಾದಂಬರಿ ಆಧರಿಸಿದ ಸಿನಿಮಾವಾಗಿದ್ದು, ಭಿನ್ನ ಮನಸ್ಥಿತಿಯ ಅಪರಾಧಿ ಹಾಗೂ ಸಿಐಎ ಏಜೆಂಟ್ ನಡುವಿನ ಕಾಳಗವನ್ನು ಈ ಸಿನಿಮಾ ಹೊಂದಿದೆ. ರುಸ್ಸೋ ಬ್ರದರ್ಸ್ ಈ ಸಿನಿಮಾವನ್ನು ನಿರ್ದೇಶನ ಮಾಡಿದ್ದಾರೆ. ಇದೇ ಜುಲೈ 15 ರಂದು ವಿಶ್ವದಾದ್ಯಂತ ೀ ಸಿನಿಮಾ ರಿಲೀಸ್ ಆಗಲಿದೆ.