ಸೆನ್ಸೆಕ್ಸ್ ಮಾಹಿತಿ ನೀಡಿ ಪೇಚಿಗೆ ಸಿಲುಕಿದ್ರು ಟ್ರಾಫಿಕ್ ಪೊಲೀಸ್ ಅಧಿಕಾರಿ

ಬೆಂಗಳೂರು: ಅಧಿಕಾರಿಗಳು ಎಲ್ಲದಕ್ಕೂ ಟ್ವೀಟ್ ಮಾಡುತ್ತ ಕುಳಿತರೆ ನೆಟ್ಟಿಗರು ಅವರನ್ನು ತರಾಟೆಗೆ ತೆಗೆದುಕೊಳ್ಳುತ್ತಾರೆ. ಹೀಗೆ ಟ್ವೀಟ್ ಮಾಡಿ ಸಂಚಾರ ವಿಭಾಗದ ಹೆಚ್ಚುವರಿ ಆಯುಕ್ತ ಆರ್.ಹಿತೇಂದ್ರ ಪೇಚಿಗೆ ಸಿಲುಕಿದ್ದಾರೆ.

ಆರ್.ಹಿತೇಂದ್ರ ಸಂಚಾರ ಮಾಹಿತಿಯ ಬದಲಾಗಿ ಇಂದು ಅವರು ಸೆನ್ಸೆಕ್ಸ್ ಮಾಹಿತಿ ನೀಡಿ ಟ್ವೀಟ್ ಮಾಡಿದ್ದಾರೆ. ಇದನ್ನು ನೋಡಿದ ಶಶಿ ಬೆಂಗಳೂರು ಎಂಬವರು, ರೀ ಟ್ವೀಟ್ ಮಾಡುವ ಮೂಲಕ ಟಾಂಗ್ ಕೊಟ್ಟಿದ್ದಾರೆ.

ಹಿತೇಂದ್ರ ಟ್ವೀಟ್ ನಲ್ಲೇನಿದೆ?:
ಯಾರು ಟ್ರೇಡಿಂಗ್ ಬ್ಯುಸಿನೆಸ್ ಮಾಡುತ್ತಿರುವಿರಿ, ಅವರು ಇಂದಿನ ಸೆನ್ಸೆಕ್ಸ್ ಹಾಗೂ ರೂಪಾಯಿ ಮೌಲ್ಯ ನೋಡಬಹುದು ಎಂದು ಬರೆದು ಆರ್.ಹಿತೇಂದ್ರ ಟ್ವೀಟ್ ಮಾಡಿದ್ದರು. ಇದಕ್ಕೆ ರೀ ಟ್ವೀಟ್ ಮಾಡಿದ ಶಶಿ ಅವರು, ಕ್ಷಮಿಸಿ ಸರ್, ನಾವು ಟ್ರಾಫಿಕ್ ನಲ್ಲಿ ಸಿಕ್ಕಿ ಹಾಕಿಕೊಂಡಿದ್ದೇವೆ. ನೀವೇ ಸ್ವಲ್ಪ ಅದರ ಗಮನಹರಿಸಿ ಎಂದು ಟಾಂಗ್ ಕೊಟ್ಟಿದ್ದಾರೆ.