ತುಪ್ಪದ ಬೆಡಗಿ ರಾಗಿಣಿ ಬರ್ತ್ ಡೇಗೆ ವಿದೇಶದಿಂದ ವಿಶೇಷ ಉಡುಗೊರೆ

ಬೆಂಗಳೂರು: ಇಂದು ತುಪ್ಪದ ಬೆಡಗಿ ರಾಗಿಣಿ ದ್ವಿವೇದಿ ತಮ್ಮ ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. ಹುಟ್ಟುಹಬ್ಬದ ಸಂಭ್ರಮದಲ್ಲಿರುವ ಅವರಿಗೆ ತಮ್ಮ ಸಹೋದರ ವಿಶೇಷವಾದ ಉಡುಗೊರೆಯನ್ನು ನೀಡಿದ್ದಾರೆ.

ರಾಗಿಣಿ 28ನೇ ವಸಂತಕ್ಕೆ ಕಾಲಿಟ್ಟಿದ್ದು, ಈ ವರ್ಷದ ಹುಟ್ಟುಹಬ್ಬವನ್ನು ತಮ್ಮ ಕುಟುಂಬ ಮತ್ತು ಸ್ನೇಹಿತರ ಜೊತೆ ಆಚರಿಸಿಕೊಳ್ಳುತ್ತಿದ್ದಾರೆ. ಆದರೆ ರಾಗಿಣಿ ಹುಟ್ಟುಹಬ್ಬಕ್ಕೆ ಮುನ್ನವೇ ಅವರಿಗೆ ವಿದೇಶದಿಂದ ವಿಶೇಷ ಉಡುಗೊರೆಗಳು ಬಂದಿದೆ.

ರಾಗಿಣಿ ದ್ವಿವೇದಿ ಸಹೋದರ ರುದ್ರಾಕ್ಷ್ ದ್ವಿವೇದಿ ಅವರು ತಮ್ಮ ಪ್ರೀತಿಯ ಸಹೋದರಿಗೆ ವಿದೇಶದಿಂದ ಗಿಫ್ಟ್ ಕಳುಹಿಸಿದ್ದಾರೆ. ಸಹೋದರಿಗೆ ಏನು ಇಷ್ಟ ಇದೆ ಎಂದು ತಿಳಿದುಕೊಂಡು ಅವೆಲ್ಲವನ್ನು ಉಡುಗೊರೆ ರೂಪದಲ್ಲಿ ರುದ್ರಾಕ್ಷ್ ನೀಡಿದ್ದಾರೆ. ಸುಮಾರು ಐದು ಅಡಿ ಎತ್ತರವಿರುವ ಟೆಡ್ಡಿ ಬೇರ್ ಗೊಂಬೆಯನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಅದರ ಜೊತೆಗೆ ಶಾರ್ಕ್ ಸೂಟ್ ಒಂದನ್ನೂ ಉಡುಗೊರೆಯಾಗಿ ಕೊಟ್ಟಿದ್ದಾರೆ.

Coming home … to this amazing thing is jus jus jus jus priceless ❤️#myteddy #gifts #raginidwivedi #happiness #toys #homesweethome pic.twitter.com/nm8FIAfnvO

— ???? Ragini Dwivedi ???? (@raginidwivedi24) May 14, 2018

ಸಹೋದರನಿಂದ ಸರ್ಪ್ರೈಸ್ ಉಡುಗೊರೆಗಳು ಸಿಕ್ಕ ನಂತರ ರಾಗಿಣಿ ಅವರು, ಗಿಫ್ಟ್ ಗಳ ಫೋಟೋಗಳನ್ನು ಟ್ವಿಟ್ಟರ್ ನಲ್ಲಿ ಫೋಸ್ಟ್ ಮಾಡಿ ತಮ್ಮ ಸಂತಸವನ್ನು ಹಂಚಿಕೊಂಡಿದ್ದಾರೆ.

ರಾಗಿಣಿ `ವೀರ ಮದಕರಿ’ ಸಿನಿಮಾದ ಮೂಲಕ ಸ್ಯಾಂಡಲ್ ವುಡ್ ಗೆ ಎಂಟ್ರಿ ಕೊಟ್ಟಿದ್ದಾರೆ. ಬಳಿಕ `ಕೆಂಪೇಗೌಡ’, `ವಿಕ್ಟರಿ’, `ಕಳ್ಳ ಮಳ್ಳ ಸುಳ್ಳ’, `ಶಿವಂ’, ಇತ್ತೀಚೆಗೆ ಬಿಡುಗಡೆಗೊಂಡ `ಕಿಚ್ಚು’ ಸಿನಿಮಾದಲ್ಲೂ ರಾಗಿಣಿ ದ್ವಿವೇದಿ ಅಭಿನಯಿಸಿದ್ದಾರೆ.