ಸ್ಯಾಂಡಲ್‌ವುಡ್‌ನ (Sandalwood) ಕೃಷ್ಣ ಸುಂದರಿ ಚೈತ್ರಾ ಆಚಾರ್ (Chaithra Achar) ಅವರು ಸದ್ಯ ಕನ್ನಡದ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಸದ್ಯ ರಾಜ್ ಬಿ ಶೆಟ್ಟಿ (Raj B Shetty) ನಟನೆಯ ಟೋಬಿ ಸಿನಿಮಾಗೆ ನಾಯಕಿಯಾಗಿದ್ದು ಹೇಗೆ.? ಅವರ ಪಾತ್ರ ಹೇಗಿದೆ, ಸಿನಿಮಾದಲ್ಲಿ ನಟಿಸಿದ ಅನುಭವ ಹೇಗಿತ್ತು ಎಂಬುದರ ಬಗ್ಗೆ ಪಬ್ಲಿಕ್ ಟಿವಿ ಡಿಜಿಟಲ್‌ಗೆ ನಟಿ ಚೈತ್ರಾ ಅವರು ಮಾತನಾಡಿದ್ದಾರೆ.
Advertisement
ಮಹಿರ, ಗಿಲ್ಕಿ, ತಲೆದಂಡ ಸಿನಿಮಾಗಳಲ್ಲಿ ನಟಿಸಿರುವ ಪ್ರತಿಭಾನ್ವಿತ ನಟಿ ಚೈತ್ರಾ ಆಚಾರ್ ಅವರು ಸದ್ಯ ‘ಟೋಬಿ’ (Toby) ಚಿತ್ರಕ್ಕೆ ನಾಯಕಿಯಾಗಿದ್ದು ಹೇಗೆ.? ರಾಜ್ ಬಿ ಶೆಟ್ಟಿ ಅವರ ಜೊತೆ ನಟಿಸಿದ ಅನುಭವ ಹೇಗಿತ್ತು ಎಂದು ನಟಿ ಮುಕ್ತವಾಗಿ ಮಾತನಾಡಿದ್ದಾರೆ.
Advertisement
Advertisement
‘ಮಹಿರ’ (Mahira) ಸೆಟ್‌ನಲ್ಲಿ ನಾನು ಮೊದಲು ರಾಜ್ ಬಿ ಶೆಟ್ಟಿ ಅವರನ್ನ ಭೇಟಿಯಾಗಿದ್ದು, ಅದು ಬಿಟ್ಟರೇ ಸಿನಿಮಾ ಬಗ್ಗೆ ಯಾವುದೇ ಮಾತುಕತೆ ಇರಲಿಲ್ಲ. ಒಂದು ದಿನ ರಾಜ್ ಅವರು ಕತೆ ಮಾಡಿ, ಕಥೆ ಹೀಗಿದೆ ಈ ಪಾತ್ರ ನೀವೇ ಮಾಡಬೇಕು ಅಂದಾಗ ಖುಷಿಯಾಯ್ತು. ರಾಜ್ ಬಿ ಶೆಟ್ಟಿ ಅವರ ಸಿನಿಮಾವನ್ನ ಮಾಸ್ ಕಮರ್ಷಿಯಲ್ ಆಗಿ ನೋಡಬೇಕು ಎಂದು ಆಸೆಪಟ್ಟವರಿಗೆ ಟೋಬಿ ಸಿನಿಮಾ ಇಷ್ಟ ಆಗೋದ್ರಲ್ಲಿ ಎರಡು ಮಾತಿಲ್ಲ. ‘ಗರುಡ ಗಮನ ವೃಷಭ ವಾಹನ’ ಸಿನಿಮಾಗಿಂತ ‘ಟೋಬಿ’ ಭಿನ್ನವಾಗಿದೆ ಮೂಡಿ ಬಂದಿದೆ. ಒಂದೇ ಸಿನಿಮಾದಲ್ಲಿ ಎಲ್ಲಾ ರೀತಿಯ ಅಭಿರುಚಿ ಇಷ್ಟಪಡುಂತಹ ಎಲಿಮೆಂಟ್‌ ಇದೆ. ಈ ಚಿತ್ರ ಪ್ರೇಕ್ಷಕರಿಗೆ ಇಷ್ಟ ಆಗುತ್ತದೆ ಎಂಬ ನಂಬಿಕೆಯಿದೆ ಎಂದು ನಟಿ ಹೇಳಿದ್ದಾರೆ.
Advertisement
ನನ್ನ ಪಾತ್ರ ಬಗ್ಗೆ ಹೇಳಬೇಕು ಅಂದರೆ ಇದುವರೆಗೂ ಮಾಡಿರದ ಪಾತ್ರದಲ್ಲಿ ಡಿಫರೆಂಟ್ ರೋಲ್‌ನಲ್ಲಿ ನಾನು ನಟಿಸಿದ್ದೀನಿ. ಸಪ್ತಸಾಗರದಾಚೆ ಎಲ್ಲೋ ಸಿನಿಮಾ ಮಾಡಬೇಕಾದರೆ ‘ಟೋಬಿ’ ಪಾತ್ರಕ್ಕೆ ಚಾನ್ಸ್ ಸಿಕ್ಕಿತ್ತು. ‘ಟೋಬಿ’ ಚಿತ್ರದಲ್ಲಿ ನನ್ನದು ಗಟ್ಟಿ ಪಾತ್ರ, ಬೇರೇ ಅವರ ಮಾತನ್ನ ಕೇಳದೇ ತನ್ನ ಅನಿಸಿದನ್ನ ಮಾಡೋ ಭಿನ್ನ ಪಾತ್ರ ನನ್ನದು. ಮಾಸ್ ಇಷ್ಟಪಡುವವರಿಗೆ, ಲವ್ ಸ್ಟೋರಿ ಇದ್ರೆ ಚೆಂದ ಅನ್ನೋರಿಗೆ ‘ಟೋಬಿ’ ಸಿನಿಮಾ ಎಲ್ಲಾ ರೀತಿಯಿಂದ ಮನರಂಜನೆ ಕೊಡುತ್ತೆ ಎಂದು ನಟಿ ಚೈತ್ರಾ ಮಾತನಾಡಿದ್ದಾರೆ.
ರಾಜ್ ಬಿ ಶೆಟ್ಟಿ ಅವರು ಟ್ಯಾಲೆಂಟೆಡ್ ನಟ, ನಿರ್ದೇಶಕ ಅವರು ತುಂಬಾ ಹಂಬಲ್ ಆಗಿರುವಂತಹ ಒಳ್ಳೆಯ ವ್ಯಕ್ತಿ. ಪ್ರತಿ ಸೀನ್‌ನಲ್ಲೂ ನಾವು ಹೀಗೆ ಮಾಡಿದ್ರೆ ಚೆನ್ನಾಗಿರುತ್ತೆ ಅಂತಾ ನನ್ನ ಜೊತೆ ಮಾತನಾಡಿ, ಒಂದೊಳ್ಳೆಯ ಸಿನಿಮಾ ಮೂಡಿ ಬರಲು ಕಾರಣವಾಗಿದೆ. ಅವರಿಂದ ಬಹಳ ಕಲಿತೆ ಅಂತಾ ನಟಿ ಖುಷಿಯಿಂದ ಮಾತನಾಡಿದ್ದಾರೆ.
‘ಟೋಬಿ’ ಅನ್ನೋದು ರಾಜ್ ಬಿ ಶೆಟ್ಟಿ ಅವರ ಪಾತ್ರದ ಹೆಸರಾಗಿದ್ದು, ಸಿನಿಮಾದ ಶೂಟಿಂಗ್‌ ಪೂರ್ಣಗೊಂಡಿದೆ. ಇದೇ ಆಗಸ್ಟ್ 25ಕ್ಕೆ ತೆರೆಗೆ ಬರೋದ್ದಕ್ಕೆ ರೆಡಿಯಾಗಿದೆ. ಮಾರಿ ಮಾರಿ ಮಾರಿಗೆ ದಾರಿ ಅಂತಾ ಚಿತ್ರಕ್ಕೆ ಅಡಿಬರಹ ನೀಡಿದ್ದಾರೆ. ಸದ್ಯ ಚಿತ್ರದ ಟೈಟಲ್, ಪೋಸ್ಟರ್ ಲುಕ್ ಅಭಿಮಾನಿಗಳ ಗಮನ ಸೆಳೆಯುತ್ತಿದೆ. ಇದನ್ನೂ ಓದಿ:ಲವ್ ಮೀ ಆರ್ ಹೇಟ್ ಮೀ ಚಿತ್ರಕ್ಕೆ ಚಿತ್ರೀಕರಣ ಮುಕ್ತಾಯ
ನಟಿ ಚೈತ್ರಾ ಆಚಾರ್ ಅವರು ಬ್ಲಿಂಕ್, ಸಪ್ತಸಾಗರದಾಚೆ ಎಲ್ಲೋ, ಹ್ಯಾಪಿ ಬರ್ತ್‌ಡೇ ಟು ಮಿ, ಟೋಬಿ ಸೇರಿದಂತೆ ಹಲವು ಚಿತ್ರಗಳು ಈ ವರ್ಷ ತೆರೆಗೆ ಅಪ್ಪಳಿಸೋದ್ದಕ್ಕೆ ರೆಡಿಯಿದೆ. ಒಂದಕ್ಕಿಂತ ಒಂದು ಭಿನ್ನ ಪಾತ್ರಗಳಲ್ಲಿ ಚೈತ್ರಾ ಅವರು ಜೀವ ತುಂಬಿದ್ದಾರೆ.
ಶೃತಿ ರಿಪ್ಪನ್‌ಪೇಟೆ, ಪಬ್ಲಿಕ್ ಟಿವಿ ಡಿಜಿಟಲ್‌
