Connect with us

Bengaluru City

ಟಿಕ್ ಟಾಕ್‍ನೊಂದಿಗೆ ಮತ್ತೆ ಅರ್ಜುನಾಗಮನ!

Published

on

ಹೆಚ್ಚೂಕಮ್ಮಿ ಒಂದು ದಶಕದ ಹಿಂದೆ ಮೆಂಟಲ್ ಮಂಜ ಅಂತೊಂದು ಸಿನಿಮಾ ತೆರೆ ಕಂಡಿತ್ತು. ಅದರಲ್ಲಿ ನಾಯಕನಾಗಿ ನಟಿಸಿದ್ದದ್ದು ಅರ್ಜುನ್. ಈ ಸಿನಿಮಾದಿಂದಲೇ ಒಂದಷ್ಟು ಸುದ್ದಿ ಮಾಡಿದ್ದ ಅರ್ಜುನ್ ಆ ನಂತರದಲ್ಲಿ ಒಂದಷ್ಟು ಸಿನಿಮಾಗಳಲ್ಲಿ ನಟಿಸಿದ್ದರಾದರೂ ಅವ್ಯಾವುವೂ ಹೇಳಿಕೊಳ್ಳುವಷ್ಟು ಸುದ್ದಿ ಮಾಡಿರಲಿಲ್ಲ. ಆ ನಂತರದಲ್ಲಿ ಅರ್ಜುನ್ ಸಂಪೂರ್ಣವಾಗಿ ಚಿತ್ರರಂಗದಿಂದ ದೂರಾಗಿ ಬಿಟ್ಟಿದ್ದರು. ಹಾಗೆ ಸುದೀರ್ಘಾವಧಿಯ ಕಾಲ ಚಿತ್ರರಂಗದಿಂದ ದೂರವುಳಿದಿದ್ದ ಅರ್ಜುನ್ ಮತ್ತೆ ನಾಯಕನಾಗಿ ಮರಳಿದ್ದಾರೆ. ಹೊಸ ಬಗೆಯ ಕಥೆ ಮತ್ತು ಲುಕ್‍ನೊಂದಿಗೆ ಅವರು ಟಿಕ್‍ಟಾಕ್ ಗಣೇಶ ಎಂಬ ಚಿತ್ರದ ಮೂಲಕ ಮತ್ತೆ ಆಗಮಿಸಿದ್ದಾರೆ.

ಅರ್ಜುನ್ ಯಾಕೆ ಇಷ್ಟೊಂದು ಕಾಲಾವಧಿಯವರೆಗೂ ಮರೆಯಾಗಿದ್ದರೆಂಬುದಕ್ಕೆ ಉತ್ತರವಿಲ್ಲ. ಆದರೆ ದಶಕದ ಹಿಂದೆಯೇ ಆ ಕಾಲಕ್ಕೆ ಒಂದಷ್ಟು ಸೌಂಡು ಮಾಡಿದ್ದವರೆಂಬ ಕಾರಣದಿಂದ ಅರ್ಜುನ್ ಎಂಟ್ರಿ ಒಂದಷ್ಟು ನಿರೀಕ್ಷೆ ಮೂಡಿಸಿದೆ. ಟಕ್ ಟಾಕ್ ಗಣೇಶ ಎಂಬ ಟೈಟಲ್ಲೇ ಇದು ಯುವ ಸಮುದಾಯದ ಕಥೆ ಹೊಂದಿರುವ ಸಿನಿಮಾ ಅನ್ನೋದನ್ನೂ ಸಾಬೀತುಗೊಳಿಸುತ್ತದೆ. ಇದುವ ಯಾವ ಥರದ ಸಿನಿಮಾ, ಅದರಲ್ಲಿ ಅರ್ಜುನ್ ಎಂಥಾ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ ಅನ್ನೋದಕ್ಕೆಲ್ಲ ಚಿತ್ರತಂಡದ ಕಡೆಯಿಂದ ಒಂದಷ್ಟು ಮಾಹಿತಿಗಳು ಸಿಗುತ್ತವೆ. ಅವೆಲ್ಲವೂ ಇಂಟರೆಸ್ಟಿಂಗ್ ಆಗಿವೆ.

Advertisement
Continue Reading Below

ಮೆಂಟಲ್ ಮಂಜ ಖ್ಯಾತಿಯ ಅರ್ಜುನ್ ಈ ಬಾರಿ ಸಂಪೂರ್ಣವಾಗಿ ಮನೋರಂಜನೆ ಕೊಡುತ್ತಲೇ ಮತ್ತೆ ಚಿತ್ರರಂಗಕ್ಕೆ ಆಗಮಿಸುವ, ಪ್ರೇಕ್ಷಕರನ್ನು ಮುಖಾಮುಖಿಯಾಗುವ ಉಮೇದು ಹೊಂದಿದ್ದಾರೆ. ಈ ಸಿನಿಮಾ ಕಾಮಿಡಿ ಜಾನರಿನದ್ದು. ವಿ3 ಕ್ರಿಯೇಷನ್ಸ್ ಬ್ಯಾನರಿನಡಿಯಲ್ಲಿ ಇದು ನಿರ್ಮಾಣಗೊಳ್ಳಲಿದೆಯಂತೆ. ಪ್ರೇಕ್ಷಕರನ್ನು ಸಂಪೂರ್ಣವಾಗಿ ಖುಷಿಗೊಳಿಸುವಂಥಾ ಎಲ್ಲ ಅಂಶಗಳಿರೋ ಈ ಸಿನಿಮಾದಲ್ಲಿ ಶುಭ ರಕ್ಷಾ ಅರ್ಜುನ್‍ಗೆ ಜೋಡಿಯಾಗಿ ನಟಿಸಿದ್ದಾರೆ. ಇದರಲ್ಲಿ ಸದ್ಯ ಪ್ರಸಿದ್ಧಿ ಪಡೆದಿರೋ ಒಂದಷ್ಟು ಯುವ ಟಿಕ್‍ಟಾಕ್ ಸ್ಟಾರ್‌ಗಳಿಗೂ ನಟಿಸೋ ಅವಕಾಶ ಕಲ್ಪಿಸಲಾಗಿದೆಯಂತೆ. ಸದ್ಯ ಇದರ ಚಿತ್ರೀಕರಣ ಶುರುವಾಗಿದೆ.

Click to comment

Leave a Reply

Your email address will not be published. Required fields are marked *