ಬೆಂಗಳೂರು: ಇತ್ತೀಚೆಗೆ ಪ್ರಾಣಿಗಳ ಜನ್ಮದಿನ ಆಚರಣೆ ಭಾರೀ ಸದ್ದು ಮಾಡುತ್ತಿದೆ. ಸಿಲಿಕಾನ್ ಸಿಟಿಯಲ್ಲಿ ಇಂತಹದ್ದೇ ಅಪರೂಪದ ಹಾಗೂ ಅದ್ಧೂರಿಯಾಗಿ 10 ಕೋಟಿ ಬೆಲೆಯ ನಾಯಿಯೊಂದರ ಹುಟ್ಟುಹಬ್ಬವನ್ನು ಆಚರಿಸಲಾಗಿದೆ.
ಮರ್ಫೀ ಹೆಸರಿನ ನಾಯಿಯ ಜನ್ಮದಿನವನ್ನು ಅದರ ಮಾಲೀಕ ಸತೀಶ್ ಅದ್ಧೂರಿಯಾಗಿ ಆಚರಿಸಿದ್ದಾರೆ. ಇಂದು ನಗರದ ನ್ಯೂ ಬೇಲ್ ರೋಡ್‍ನ ಖಾಸಗಿ ಹೋಟೆಲ್‍ನಲ್ಲಿ ಮರ್ಫೀಗೆ ಟೋಪಿ ಹಾಕಿ, ಟೇಬಲ್ ಅಲಂಕಾರ ಮಾಡಿ ಕೇಕ್ ಕತ್ತರಿಸಿ ಸತೀಶ್ ಹಾಗೂ ಸಂಬಂಧಿಕರು ಸಂಭ್ರಮಿಸಿದರು.
ಮರ್ಫೀ ವಿದೇಶಿ ಶ್ವಾನವಾಗಿದ್ದು, ಟಿಬೇಟಿಯನ್ ಮ್ಯಾಸ್ಟಿಫ್ ತಳಿಗೆ ಸೇರಿದೆ. ಇದರ ಬೆಲೆ ಬರೋಬ್ಬರಿ 10 ಕೋಟಿ ರೂ., ಸತೀಶ್ ಕಳೆದ ವರ್ಷ ಚೀನಾದ ಬೀಜಿಂಗ್‍ನಿಂದ ಆಮದು ಮಾಡಿಕೊಂಡಿದ್ದರು. ಹೀಗಾಗಿ ಮರ್ಫೀ ಮೊದಲ ವರ್ಷದ ಜನ್ಮದಿನವನ್ನು ಅದ್ಧೂರಿಯಾಗಿ ಆಚರಿಸಿ, ಸಂತಸ ಪಟ್ಟಿದ್ದಾರೆ.
