ಹಣ ಕೇಳಿದ್ರೆ ರೇಪ್ ಮಾಡೋದಾಗಿ ಬೆದರಿಕೆ – ನೆರೆಯವನೆಂದು ನಂಬಿ 3.71 ಲಕ್ಷ ಸಾಲ ಕೊಡಿಸಿದ್ದವಳಿಗೆ ವಂಚನೆ

– ನನ್ನ ಜೊತೆ ಮಲಗು ಇಲ್ಲದಿದ್ದರೆ ಗೂಂಡಾಗಳಿಂದ ರೇಪ್ ಮಾಡಿಸುವುದಾಗಿ ಬೆದರಿಸಿದ್ದ ಕಿಡಿಗೇಡಿ

ಬೆಂಗಳೂರು: ಕಷ್ಟದಲ್ಲಿದ್ದ ನೆರೆಯವನನ್ನು ನಂಬಿ 3.71 ಸಾಲ ಕೊಡಿಸಿದ್ದವಳಿಗೆ ವಂಚಿಸಿ, ಹಣ ವಾಪಸ್ ಕೇಳಿದರೆ ರೇಪ್ ಮಾಡ್ತೀನಿ ಎಂದು ವ್ಯಕ್ತಿಯೋರ್ವ ಬೆದರಿಕೆ ಹಾಕಿರುವ ಘಟನೆ ಹೆಣ್ಣೂರು (Hennuru) ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ.

ಆರೋಪಿಯನ್ನು ಚಾರ್ಲ್ಸ್ ರಿಚರ್ಡ್ಸ್ ಎಂದು ಗುರುತಿಸಲಾಗಿದೆ. ನೆರೆಯವನೆಂದು ನಂಬಿ ಓರ್ವ ಯುವತಿ 3.71 ಲಕ್ಷ ಸಾಲ ಮಾಡಿಸಿಕೊಟ್ಟಿದ್ದು, ಬಳಿಕ ಹಣ ವಾಪಸ್ ಕೇಳಿದಾಗ ವಂಚಿಸಿದ್ದಲ್ಲದೇ ಲೈಂಗಿಕ ಕಿರುಕುಳ ನೀಡಿರುವುದಾಗಿ ತಿಳಿದುಬಂದಿದೆ.ಇದನ್ನೂ ಓದಿ: ಕಾರವಾರ| ಬೆಣ್ಣೆಹೊಳೆಯಲ್ಲಿ ಈಜಲು ಹೋಗಿದ್ದ ಇಬ್ಬರು ವಿದ್ಯಾರ್ಥಿಗಳು ನೀರುಪಾಲು

ಹೌದು, ಓರ್ವ ಯುವತಿಗೆ ಪಕ್ಕದ ಮನೆಯವನೊಬ್ಬ ಕಷ್ಟದಲ್ಲಿದ್ದೇನೆ ಎಂದು ಹೇಳಿಕೊಂಡು ಆಕೆಯ ಹೆಸರಿನಲ್ಲಿ 3.71 ಲಕ್ಷ ರೂ. ಸಾಲ ಮಾಡಿಸಿದ್ದಾನೆ. ಅದರಲ್ಲಿ 2.71 ಲಕ್ಷ ರೂ.ಯನ್ನು ಪಡೆದು, ಇಎಂಐ ಮೂಲಕ ಹಣ ಮರುಪಾವತಿ ಮಾಡುವುದಾಗಿ ತಿಳಿಸಿದ್ದಾನೆ. ಮೊದಲೆರಡು ತಿಂಗಳು ಸಮಯಕ್ಕೆ ಸರಿಯಾಗಿ ಹಣ ಪಾವತಿ ಮಾಡಿ, ಬಳಿಕ ಅಸಲಿ ಆಟ ಶುರು ಮಾಡಿಕೊಂಡಿದ್ದಾನೆ.

ಮರುಪಾವತಿ ಮಾಡದೇ ಇದ್ದಾಗ ಯುವತಿ ಆತನ ಬಳಿ ಹಣ ಕೇಳಿದಾಗ ಬೆದರಿಕೆ ಹಾಕಿದ್ದಾನೆ. ಹಣ ಕೇಳಿದ್ರೆ ರೇಪ್ ಮಾಡ್ತೀನಿ. ನನ್ನ ಜೊತೆ ದೈಹಿಕ ಸಂಬಂಧ ಬೆಳೆಸುವವರೆಗೂ ಇಎಂಐ ಕಟ್ಟಲ್ಲ ಎಂದಿದ್ದಾನೆ. ಜೊತೆಗೆ ಇನ್‌ಸ್ಟಾದಲ್ಲಿ ಯುವತಿಯ ಫೋಟೋ ತೆಗೆದು ಮಾರ್ಫ್ ಮಾಡಿ ಲೈಂಗಿಕ ಕಿರುಕುಳ ನೀಡಿದ್ದಾನೆ. ಅಲ್ಲದೇ ನೀನು ನನ್ನ ಜೊತೆ ಮಲಗಬೇಕು. ಇಲ್ಲಂದ್ರೆ ಹಣ ವಾಪಸ್ ಕೊಡಲ್ಲ. ಗೂಂಡಾಗಳಿಂದ ರೇಪ್ ಮಾಡಿಸುತ್ತೇನೆ ಅಂತ ನಿರಂತರವಾಗಿ ಹೆದರಿಸಿದ್ದಾನೆ.

ಕಿರುಕುಳ ತಾಳಲಾರದೇ ಯುವತಿ ಹೆಣ್ಣೂರು ಪೊಲೀಸ್ ಠಾಣೆಯಲ್ಲಿ ಚಾರ್ಲ್ಸ್ ರಿಚರ್ಡ್ ಹಾಗೂ ಆ್ಯಂಡ್ರೂ ಅಗಾಸಿ ಎಂಬುವವರ ವಿರುದ್ಧ ದೂರು ದಾಖಲಿಸಿದ್ದಾಳೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.ಇದನ್ನೂ ಓದಿ: 3ನೇ ಪತ್ನಿಯಿಂದ ಬರ್ಬರ ಹತ್ಯೆಗೀಡಾದ ಪತಿ – ಮೃತದೇಹನ ಕಂಬಳಿಯಲ್ಲಿ ಸುತ್ತಿ ಬಾವಿಗೆ ಎಸೆದ್ರು